|
آآآآآآآه يا ربي
استغفر الله انا بمعنى الكلمه تعبانه
اللي يحبني صج يدعي لي بالرحمع لان رب العالمين ارحم من كل البشر اللي اصغر مني يسوون خلافات على اسباب تافهه على فستان العرس ولا على حفله العرس ولا على ما رد عليها وانا ربي يعلم ما بغيت الا انسان يشاكرني الوحده وطفل يملي الحياه علي كل شي لا كل شي لا كم مره اقولهم كلمو شيخ طلعو ستين الف سبب ، حاولت بروحي ومن ورا اهلي كلمت خطابه صار لها كم شهر تقولي ما عندها الا واحد الله يستر عليه وشروطه الشكليه للبنت ما تتفق مع شكلي والأدهى انه يبغي يسكن في بيت اهل الزوجه ،بروحه اهلهم ربي يعينهم وينهم يقدرون يسكنون واحد زياده معهم عماتي بناتهم وحده ورا الثانيه تتزوج وتنخطب، وانا اصبري ،والزواج مشاكل ، روحي مع الأطفال غيري جو قريبي حسبي الله فيه لما كنت بالجامعه راح قال حق زميله اللي كان يسال عني ان نايت فيها فيها وطار الخاطب ولا يروح يخطب وحده ثانيه طيب ليش تخرب علي حسبي الله فيك ما اعرف ؟؟؟ وحتى اللي انفصلو بعايلتنا رجعو تزوجو ووصارو امهات صديقة العمر اتصل فيها بليله عقدها تتكلم معاي ولا كأن شي صاير، اكتشف خبر عقد قرانها بعد اسبوع وتتحجج انها مشغوله كانت بتلك الليله مع اني كنت مكلمتها وكنا على احسن ما يرام خايفه من العين مسكينه اللي عطيتهم طرق للتوفيق بينهم وبين ازواجهم ولا مفتكرين فيني بس جالسين ينقلون علاقتهم الحميميه يبتاهون بها والحمد لله ابتعدت عنهم مو ناقصه بلاوي بصراحه اطلب من قريبه لي البحث عن زوج تروح تجيب لي استماره توظيف لما جربت الشغل ما لقيت الا الأهانه وتلصق الشباب الصايع وألاعيبهم ربي له الحمد حفظني حسبي الله والنعم الوكيل بنت الجيران الملتزمه الخلوقه تالف قصص من وين لا اعلم مع اني ما ضريتها بس غيرانه الحمد لله والشكر غيرانه مني ليش ما اعرف ربي مو مقصر معها وما تركتني بحالي وين ما روح ليش ما تزوجتي ، ولا خبر زواج ولا خطوبه ناس شلون تمت خطبتهم ما اعرف والكل يتحجج بانه يبغي خلوقه ولما يتزوج يتزوج وحده شيطانه بنات الله ينعم عليهم بالزواج،يروحون يتباهون بكلام الغزل وبالهدايا وانتي عيشي حياتك، انتو ليش ما عشتو حياتكم بدون زواج، ما يهدئون الا لما يصطادون لهم، من يوم كنا بالثانويه علاقات ولما تتزوج تجي تقول عيشي حياتك الزواج مو كل شي، لو الزواج مو كل شي ماجلستي 24 ساعه ما عندك سوالف الا عن حبيب القلب وكلامه وهداياه الحمد لله الف الحمد لله على نعمه ما احس فيها بس مو قارده اصبر اكثر، حتى راسي يؤلمني بشكل مخيف والقرآن مو قادره اقراه مثل قبل يا رب ساعدني يارب ساعدني انا ع نجد تعبانه اتمنى فعلا أي حد لو بيشارك انيدعي او ينصح من دون تجريح لأن ربي عالم بلي انا فيه |
الصبر جميل والله المستعان وأكل العنب حبه حبه
وفقك الله ويسر أمرك ورزقك بالزوج الصالح عاجلاً غير آجل |
ربي يجزيك خير على الدعوه والنصيحه الله يهديني
|
ااااااااااااااااااااااااااه بس قلتي الي في قلوبنا انا وصديقاتي لا والادها والامر انهم يقولون بنتكم محجوزه نبيها ويوم جا الصدق ماشفنا شي قبعوو وراحو
الله يعيننا بس والمتزوجات يجون يسبون بازواجهم ويقولون ياليتنا ماتزوجنا ولابعد يقولون لنا انتبهو لاتتزوجون ؟؟!! يوم شبعو من السفرات والروجات والجيات قالو لاتتزوجون ,ابي اعرف طيب يوم انها مومرتاحه مع زوجها وتسبه ليل ونهار والله ياخذه هو واهله وماادري ايش ليه ماتطلب الطلاق ولابس كلاام ؟؟ سبحان الله انا عن نفسي بحط اهل زوجي في عيوني بس للاسف ماتزوجت على العموم الله يرزقناا من غير حساب ومن حيث لانحتسب ومردك ياكبر الضيق للفرج ولاتقنطي من ارحم الراحمييين اللهم ارحم ضعفنا واجبر كسرنا وقلة حيلتنا وهواننا على الناااس ااامين يارب انك تاثرنا على كل من حقرنا وظلمنا واهاانا وقهرناا ااامين الله كريم الله كرريم الله كريم لاحول ولاقوة لنا الا بالله العلي العظيم لاملجا ولاملتجا من الله الا اليه لااااااله الا الله الملك الحق المبين حسبناا الله ونعم الوكيل الله اكبر ممانخاااف ونحااذر اصبري ياختي اصبري >>مردك ياكبر الضيق للفرج ان مع العسر يسرى ان مع العسر يسرى |
سلامتك من آآآآه يا عمري
ما تحكي هيك برضى ربي عليك وما تتمني الموت فترة و تعدي وربك كريم الا ما يفرجها الله يسرها من عنده أم وليد |
لا حول ولا قوة إلا بالله العلي العظيم
لا تتمني الموت أختي نايت كان الله بعونك ,, وبإذنه الفرج قريب ,, آآآمين |
ياحي ياقيووووم ارزق اخيتي نايت الزوج التقي النقي وأزل عن قلبها الهموم...وجعلك عن قريب تبشرينا بزواجك بس بشرط تعزميني...
واحب اوصيك بكثره الدعاء... ممكن اسألك سؤال انتي من الكويت.. |
بترتاحين لو اقولك اني كل مادعيت بسجودي اسمك لازم اقوله وادعيلك ؟
يعلم الله يانايت اني ماودي اقوله لك علشان يكون دعاء بظهر الغيب لكن فقط من اجل راحتك واذكرك بأنه فيه ناس مانسوك يدعون لك فكيف برب الناس اللي ماينسى أحد سبحانه توكلي على الله يانايت وابشري بالخير واتحرري من قيود البشر ولا تفكرين بأي كلام يقولونه عيشي حياتك لذاتك ولراحتك ولرضاك عن نفسك ، لاتلتفين للخلف ولا حتى لأي كلمة العمر مره وحده ليش تحرقينه بالهم والتعب والاسئلة اللي مالها اجابات الله اراد نوصل لهذا العمر من غير زواج وش اللي بيدينـــا ؟!! مااقول إلا : الله يطمـــــــــن قلبك ويريحه وييسر امرك ويكشف ضرك ويفرج همك وهم كل مسلم ومسلمة انه سميع مجيب الدعاء .. |
يارب..يارب..يارب ارزقها وارزقنا وارزق جميع البنات يارب
الزوج الغني التقي.. واجعل كل تأخيرة خيرة لنا يارب.. |
اختي العزيزه شيهانة نجد حقيقه تعجبني واقعيتك في الردود دائما بارك الله فيك
وراح اقولك شي عن الزوجات اللي يشتكون ليه يجونا ويعقدونا معهم مع ان العكس يحصل لي يستعرضون بطولاتهم، انا اتوقع ان فيهم نقص ويغيرون منا علشان هالسبب تلقين 90 % من حديثهم عن ازواجهم الله يرزقك يا غاليه اتمنى لكي الخير ويجيزك خير على الأدعيه الطيبه الأخت العزيزه سلامات يا قلبي، لااعرف احيانا تجيني اوقات اكثر من عصيبه احس مخي يؤلمني وقلبي يحرقني حتى القرآن لا يهديني اختي العزيزه الفتاه الله يفرجها عليكي وعلي وكل المؤمنات اسعدني تواجدك اختي الغاليه الأخت العزيزه آمين يارب الله يستجيب يارب الف شكر لكي وربي يجلعها بموازين حسناتك انا مو من الكويت لا تزعلين مني ما ابغي اقول اسم الديره لأسباب شخصيه بس ممكن بالرسايل الخاصه عن طريق احدى المشرفات لو احببتي مشكوره اختي كثيرا الأخت العزيزه غاليه، لا ادري كيف اشكرك والله يريحك دنيا وآخره لأني فعلا اصل لحالات عصبيه كل ما اجلس وافتكر كل الم او ان لم ياتيني احد وهاللحظات احتاج فيها الى من يريحني ، ربي يرزقك كل خير اختي الغاليه الاخت العزيزه كايدهم آمييييين يارب ويربي يرزقك بمن هو افضل وواصلي على تلاوه سورة البقره |
| الساعة الآن 05:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©