|
لا جد جد ..هالمرة وضعي مو طبيعي ..
أعوذ بالله من الشيطان الرجيم ..
أعوذ بالله من الشيطان الرجيم .. أعوذ بالله من غضبه ..وسخطه .. ياناس مادري شفيني ..والله والله ماحس نفسي طبيعية كلللللللللش أحس بكتمة ودي أصررررررررررررررررخ .. أستغفر الله العظيم .. احس ربي مو راضي علي .. تدرون يعني شنو مو راضي علي في الفترة الأخيرة وايد قصرت بعبادتي ..بشكل كبير .. يدوب كنت اصلي فروضي ..وبسرعة بسرعة أقوم من السجادة .. شي يمنعني أكون قريبة ..من ربي .. مادري إيش هو بكرة عندي دوام مو قادرة انام أحس كل شي غلط في غلط .. ساعدوني تكفون قولوا لي أي كلمة .. عمركم ماقصرتوا معاي أن طول عمري متضايقة من موضوع تأخر زواجي بس مو لهالدرجة ..هالمرة والله جد جد أحس بتبلد في مشاعري أحس حتى لما أجي بدعي وانا أسمع الأذان كان لساني ينربط .. وماقدر أدعي .. موضوع ثاني شاغل بالي غير موضوع الزواج .. مدمر نفسيتي كثير .. أحاول في اصلاحه صار لي سنين عجزت .. وألحين ببدا من جديد .. أحس نفسي قاعدة احوم في دائرة مفرغة ماينعرف أولها من تاليها \ كلها كم يوم ويصير عمري 27 .. لاتقولون صغيرة في مجتمع مثل مجتمعي اعتبر عاااااااااااااااااااانس بالثلاث .. أجل شلون لو صار عمري 30 وفوق ..ياترى شلون بقدر أتحمل أحس مافي حد حولي طفشت من الناس والناس طفشت مني .. حتى النوم مو قادرة انام تدرون انا كنت أقوى من كذا والله احس جايتني عين على ايش بالضبط مادري بس انا اعرف نفسي أقوى من كذا \ احس مثل اللي كان يشحن نفسيته لفترة معينة .. وخلص الشحن وفضت البطارية أحس لو جيت ألحين بوقف على رجلي بطيح يارب رحمتك .. خففوا عني تكفون بس رجاء لاتقولون شي يعور القلب ترى القلب متعور جاهز .. قل خيرا او اصمت ..أجوكم سبحان من سخر لي أمثالكم ..يواسيني تالي الليل ويخفف عني وانا ماحولي حد ..غير رب الكون ..سبحااااااااانه لاحظوا هذا ثالث موضوع انزله في يومين بعد انقطاع طويل .. احاول امسك نفسي ومااكتب بس غصبن عني قاعدة اكتب \ مادري ايش انتظر من هالموضوع بس أبي اكتب ..اي شي اختكم ..اعذروها \ \ مع اني مااعتقد هالمرة بتقدروا تعذروها .. |
حتى من اللخبطة شوفوا وين حاطة موضوعي ..مو هنا مكانه لا ..اسفة
|
وسعي صدرك واذكري الله
ولا تستسلمين للشيطان الحين توضي وروحي نامي بفراشك وشغلي البقره لي عوده لاحقا باذن الله |
صلي على خير البرية ....
غاليتي .. الأمر الأهم من كل أحاسيسك انك تحطي براسك انه كل شي له نهاية ... حتى الشعور بالإحباط واليأس .. انتي تمري بلحظة فتور ,,, ولكِ أن تتخيلي انه هاللحظة هذي لها نهاية ... بس انتي فيكي تقرري نهايتها ... أولا ::: انك ماتستغربي من اللي يصير لك ولا تلومي نفسك أكثر وثانياً ,,, تحاولي ...تحاااااولي تطلعي شوي من الجو اللي انتي عايشه فيه او من الدائرة اللي حطيتي نفسك فيها غاليتي ,,, ربنا أرحم بعبادة من الأم على ولدها حاولي تشوفي هموم غيرك ,.,, رح تحسي انك لازلتِ بنعم ولله الحمد يعني ,.,, ياقلبي وانا اقرأ كم موضوع بالمنتدى والله حمدت ربي وشكرته على حالي ,,, وقلت ربي بيعوضني على صبري شوفي اللي مخطوبة وخطيبها يشرب ,, وشوفي اللي مخطوبة وخطيبها مايعرف ربه ,., ياغالية لعل تأخر أمرك زواجك خير لكِ ,,, شوفي هموم المتزوجات وللآن ما أنجبوا ,,, مارح أزيدك هم بس سبحان الله مافي حد مبسوط ... ومافي حد مرتاح البال ,,,, بس بنضل نقول هموما أخف من غيرنا ,, خلي نفسك متفائلة ..شوفي ماشاء الله تبارك الله خلال هذا الشهر فرحنا بأكثر من خبر حمل لأشخاص حرموا من الذرية لأكثر من 5 سنوات وفي منهم أكثر من الخمسة وراحو وتعالجوا ولفوا ع دكاترة كثير ... بس لما ربنا أراد لهم ... حملوا طبيعي بدون أي شي تأكدي ياغالية انه ربنا رح يكرمك ,,, ورح يرزقك بالخير ,,, لا تستعجليه ,, اطلبي دائما من الأطفال يدعولك ,,, سبحان الله دعواتهم مستجابة .. وكمان من والديكِ ,, خليكي قوية بربـــك خليكي قوية برحمته ,, خليكي قوية بإيمانك ,, حلو توقيعك ,,, خلي الكلمة هذه براسك اقتباس:
خليكي قوية بيقينك ,, وربنا يرزقك الزوج الصالح اللي يكون خير عون لك في دينك ودنياك ويفرج همك ,, ويريح قلبك ويقر عينك بنيل مرادك ويجعل لك من كل هم فرجا ومن كل ضيق مخرجا |
ملخبطه ولخبطتني معك قلت توني ناقله موضوعها ايش جابه ثاني
................................................ تم نقله |
اختي الله يسعدك ويوفقنا ويوفقك ويالله ياحي ياقيوم احنا على بابك ياب ياكريم ماخاب طلابك
يالله يارب انك ترزقنا الازواج الصالحين الاتقياء الانقياء مخمومين القلوب ياحي ياقيوم وانك تسخرهم لناا يارب يارب يارب ياحي ياقيوم انك سميع قريب مجيب >امين كثري من ذكر الله وقولة لاحول ولاقوة الا بالله العلي العظيم لامنجا ولاملتجا من الله الا اليه داايم,, والله اني ماانكر ان هالحاله تجيني الله يتوب علينا يارب ,, استغفر الله العظيم الذي لااله الا هو الحي القيوم واتووب اليه >>اكثري منهاا لااااله سبحانك اني كنت من الظالمين ,, ربي اني مسني الضر وانت ارحم الراحمين ,, الله الله بالصبر >>ماردك ياكبر الضيق للفرج لااااااااااااااله الا الله الملك الحق المبين الله يرزقنا الي نتمنااااااااااااه اامين وبعدن ياختي اقري على عمرك دااايم وبعد كل صلاااة واذا تضايقتي ,, وابشري بالفرج من الكريم المناااان ,, الله يوفقناا وياااك >>اامين |
اذكري الله كثيرا....وكرري عباره (حسبي الله الذي لأاله الاهو عليه توكلت وهو رب العرش العظيم)وقول (اللهم اشرح لي صدري ويسر لي امري)
|
لا منجا ولا ملجأ من الله إلا إليه000
هو الذي بيده ملكوت السموات والارض00 الا بذكر الله تطمئن القلوب00 عليك بذكر الله في كل الاحوال00 وقراءة القران يوميا00 والدعاء في الوتر يوميا00 كوني مع الله 00يكفيك كل همك00 لا إله إلا لاالله العظيم الحليم 000لا إله إلا الله رب العر ش الكريم00 لا إاله إلا الله رب السموات ورب الارض رب العالمين00 الله يربط على قلبك00 وكفاك هم الدنيا والاخره00 |
يا حياتي
هي الحياه لا تمشي وما تكون حلوه الا بالزواج؟؟؟؟ عيشي حياتك واملئي وقت فراغك بامور مسليه تقربي من الناس الي حولك وحسني علاقتك معهم وبالنسبه لموضوع العباده فانا اعاني نفس مشكلتك لاني اي مشكله لو صغيره تأثر على عبادتي ما بعرف ليش الله يوفقك ويوقف معك |
أختي الكريمة :
أسأل الله العظيم رب العرش الكريم أن يشرح صدرك ويرزقك الراحة والطمأنينة .. حبيبتي : ليكن هدفنا في هذه الحياة أن نسعى لرضا الله عزو جل وأن نجعل الجنة هي الغاية والهدف وعندئذ لن نجد مكانا للهم والضيق ... وحتى الهم والحزن والضيق سيكون بالنية الصادقة سببا لدخول الجنة .. غاليتي .. رددي معي هذا الدعاء الذي تجدينه في توقيعي .. وأنتظر منك ردا يملؤه التفاؤل والأمل .. |
| الساعة الآن 04:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©