|
زوجة لاتريد العمل ببيتها
السلام عليكم
يسعدني ويشرفني أن أكون أحد أعضاء هذا المنتدي الرائع المليئ بالمواقف الزوجية المفيدةلي مواقف مع زوجتي لم أجد لها حل أتمنى أن اجد لو بعض الحلول في هذا الصرح الجميل. لا أحب ان أطيل عليكم لكي لا اكون ممل أنا متزوج منذ سنتين والحمدلله لكن كل ما في الأمر أني لم أقصر بشئ من حق زوجتي من تعامل راقي ومعامله جداً حسنه ولكن هي تبادلني عكس ذلك تماماً لاتهتم بي ولاتهتم بملابسي ولاتهتم بأكلي وشربي ولاتهتم بنضافة البيت مع أنها متعلمة وطيبة وتجعل كل وقتها بالتلفزيون والنت وماتهتم حتى في نفسها يعني من سنتين ماشفتها تلبس لبس دلع وولع و بكيني غير مرتين أو ثلاث مع ذلك دلابها مليان بالحركات اللي زي كذا حاورتها كثير في هذا الموضوع قلت يازوجتي ياحبيبتي ياروحي ياقلبي افهميني لازم تتعودي علي الإهتمام بي وتهتمي بعد فالبيت عشان بكرة إن الله رزقنا بأطفال كيف تهتمي فيهم وأنتي إلي الأن ما أهتميتي بهذه الأمور البسيطة وهي عذرها تقول أنا أكره شغل البيت جيب شغاله وأنا بصراحة أكره الشغاله بعدين من كثر العائلة عشان اجيب شغاله بس أنا وانتي.!!! طال هذا السيناريو وانا لم أجد حل إلي الآن وأنا الأن بكل صراحة طفشت ما عاد أتحمل أكثر من كذا عندي حلين لاثالثه لهما ياأطلقها أو أتزوج عليها أفيدوني ياأهل الضمائر الحية وياأهل الخبرة جزاكم الله خير الجزاء أرجو الرد وعدم الا مباله بموضوعي |
السلام عليكم
حاول تفهمها واحضر لها شغالة |
السلام عليكم
اتعر المثل القائل العود على أول ركزه ...او الطنب على اول ركزه ... هذا ما حدث... انت ياخي الفاضل لا تقل نفذت كل حلولي ... اقتباس:
هل تسبق الاحداث... ام تكتب مشكلتك وتخيرنا بين الحلول ... لن اقول لك احد الحلين التي ذكرت .. بل اقول لك ... تعال.. اين انت منذ اول يوم زواج ....اين انت من اول شهر زواج... هالحين دلعتها وجاي تعدلها بعد سنتين .... اقول لزال معك وقت لانك قلت زوجتي متعلمه وطيبه ... :: اقول لك شيئ بس سامحني اين الحزم ... هنالك مواقف رجوليه لا بد ان تتخذ... ملابسك تغسل...واكلك يطبخ ....والاهتمام بك من لبس ونحوه.... وانت تقول ما قصرت معها بشيء..... اكيد تبي تدلع وما عليها فيك ...سامحيني ...انت شكلك اي طلب ابشري... اخووي انت تزوجت وما عدلت وضعك انت ...بعدين عدل وضعها.. تبي شوري وهذا مؤقت مو حل نهائي.... :: عليك بالصبر والدعاء بان يصلح الله زوجتك ... ثم ... تحول الى اسد ضرغام اذا زئر سمع دوي زئيره .... عليك باتخاذ ما يلي .. 1 - اجتمع بها ووضح كل شيء ..نقطه نقطه...علمها الغسل يكون كذا ..الطبخ يكون كذاا... 2 - اذا النت مشغلها قم وشيله ...اقطع التلفون وخذ الجهاز .... 3 - اذا التلفزيون مشغلها احرمها منه اسبوع وتشوف وشلون تتغير... 4 - لا تكتفي بالتفرج عليها....بلغها بصريح العباره ..... 5 - ما رايك بان تترك الدلع قليلا وتكون حازما ...حازما بشكل قوي جدا.. 6 - الهجر بالفراش.. 7 - التأديب بالضرب الغير مبرح واحذر الوجه والمناطق الحساس...الضرب الخفيف للتأديب.. 8 - اذا لم تنتصح اتصل على امها وبلغها صبرك نفذ وطلب منها تسنع بنتها وتنصحها وتفهمها ... 9 - هددها بان اخر الداء الكي ( قل يابنت الناس انا احبك لكن اذا بتهملي لبسك وبيتك وامورك انا بتزوج ونتي براحتك بتبقين هلا وسهلا ) ... طبعا تهديد ... 10 - احذر تقولها بطلقك يمكن في ساعه غضب تقولك طلقني ويعينك الشيطان وطلقها ...احذر...الطلاق ليس الحل... اترك التفكير بالطلاق والزواج بزوجه ثانيه اجعل تفكيرك كيف اخليها تهتم ببيتها ؟؟ وانصحك اسلوب الدلع هذا كله شله من راسك ؟؟؟ يعني المرأه (((((((((((((( تبي الرجل القوي و اللين والحنون ))))))))))))))))))))))))) وقت الجد حازم ... وقت المزح مرح ... وقت الحنان حنون ... الله يوفقك وان احتجت او اردت ان تسأل لي عوده باذن الله .......... |
الله يكون في عونك يااخوي والله يهدي لك زوجتك
|
واضح ان زوجتك مدلله في بيت اهلها .. وانت تزوجتها و كملت الناقص ..
الاهل بدلالهم الزايد لابناءهم سواء اولاد او بنات مايعرفون انهم يجنون عليهم .. الاخ السيف المهند ما قصر .. شوف شغلك يا بطل .. |
يعني والله نستغرب من بعض الزوجات
ان تكون كذلك زوجك ليه ما خذك ..؟؟ اكيد يبغى وحده تطبخ تلبس تنظف تعطي جو في البيت مو وجودها مثل عدمه بس عندي لك حل كلم امها تكلمها اذا انت كلمتها ومانفع معها ترى زوج بنت اخوي كذا وزوجها كلم امها كلمتها وتحسنت اوضاعهم بس جاب لها شغاله يوم كثرو عيالها طبعا ... |
اقتباس:
و ضيف هالمثل الخيل من خيالها والمرأة من رجالها ام وليد |
اخي يجب ان تتفاهم معها وتحاول حل الموضوع
ويجب ان تكون اكثر صبرا عليها يمكن يكون عندها مشاكل وما تحب تقوللك حاول تدخل طرق مقرب اليها وان شاء الله بحكمتك وصبرك بتنحل المشكلة |
اقتباس:
و مضبوط 100% |
والله كلام أخوي مهند صحيح إلى حد ما
بس أنا أبغى اوضح لك موقفها عشان لاتظلمها البنت عاشت في بيت أهلها مرتاحة وطلباتها مجابة لبسها مغسول ومكوي أكلها جاهز غرفتها مرتبة ولما اتزوجت لقت بيت طويل عريض كله من اختصاصها لازم تهتم بنظافته أول كانت تنظف غرفتها بس لما تزوجت صار عندها تنظيف غرفتها + الصوالين + الحمامات + غرفة جلوسكم + المطبخ البنت كان لبسها مغسول وجاهز لما تزوجت صار لازم تغسل ملابسها وتكويها بالاضافة لغسل ملابس الزوج وكويها المطبخ ماكانت تدخله ولاتدري عنه خير شر صار لازم تطبخ وتنظف المطبخ وتغسل الصحون يعني صعب الوحدة بين يوم وليلة تتحمل مسؤلية البيت ومسؤلية الزوج كاملة الموضوع محتاج صبر ومرونة في التعامل من قبل الزوج لين تتعود الزوجة على مسؤليتها الجديدة الصبر هذا نقدر نقول انه شهر ، شهرين ، ثلاثة أما سنتين .. كثييييير بصراحة إنت غلطت لما تركتها على راحتها ، وكان عندك أمل انها تتغير من لحالها المفروض انك تكون حازم معاها ، وفي نفس الوقت تحسسها انك مقدر تعبها ومجهودها وتمدحها وتعطيها كلام حلو كل ما أنجزت في شغل البيت بالنسبة للبس فهي في بيت أهلها كانت متعودة تلبس لبس ساتر ومريح ولما تزوجت طبعا اللبس لازم يتغير لكن البنت اللي هي زوجتك مالقت الشي اللي يحفزها عشان تتغير فظلت كما هي المفروض تمدحها اذا لبست وتجملت وتعطرت اذا لبست وهي خارجة قول لها ويييين الحلاوة والجمال هذا كله من زمان مخبيته عني ، أبي اشوف احلى من كذا كل يوم مو يوم وزي كذا ربي يصلح بينكم ويسعدكم يارب |
| الساعة الآن 07:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©