كل وحدة عملت اطفال انابيب وكانت النتيجة حمل خارج الرحم .... ساعدني ارجوكي
 

بسم الله الرحمن الرحيم

انا عملت اطفال انابيب من فترة وطلع حمل خارج الرحم وهدا الشي تعبني كتيييير، الله يبعده عن كل وحده بهل الدنيا يا راب . المفروض اكررها بس انا خايفة كتيييييييير ليتكرر معي ياريت اي وحدة عانت من هل الشي تحكيلي تجربتها بالذات اذا حملت بعد هيك طبيعي ، لو سمحت ساعدوني والله يجزيكم الخير لاني بجد خايفة . رغم اني متوكله على الله دايما وبقول لن يصيبنا الا ما كتب الله لنا بس برجع بخاف ومتمنية اسمع قصص ناس عانوا من اللي عانيته والله اعطاهم يمكن اقبل على العملية بنفسية احسن .

!!!!!!!!!؟؟؟؟؟؟؟؟؟؟؟؟؟؟؟؟؟؟

بليييييييييييييييييز أي حد يجاوبني ، يعني لو بتعرفوا حد مر بالتجربة أو اذا اي دكتور ومر عليه حالات هيك .... على العموم حتى اللي ما بقدروا يساعدوني بتمنى يدعولي لانه كل ما يقرب الوقت اللي لازم آخد فيه القرار واعمل العملية بخاف ..

والله يآ اختي ماعندي فكره ولا اقدر اساعدك غير بالدعآء

اسأل الله العظيم القدير ان يقر عينك بالذريه الصالحه عاجلآ غير آجلآ

ياحبيبتي اسأل الله ان يرزقك الذريه عاجلا

ليتك تسالين الدكتو ره وش السبب الي ترك الحمل يكون حارج الرحم

وعيديها وثقي بالله وربي يعطيك

تسلميلي و شكرا على مرورك ودعائك اخت انهار عذبة ، أنا رحت ل 3 دكاترة وسألت وكلهم ينصحوني اكررها لانه ما في سبب واضح للي صار وبحكوا ممكن انه اللي صار صدفة ، بس انا نفسي اسمع تجارب عشان اطمن.... المشكلة مش بأنها ما زبطت المشكلة بس انه تفاصيل الموضوع كانت متعبه كتير تغلبت لنزل الحمل .. ونفسيتي تعبت ، مع اني والله من اول ما عرفت انه لازم ينزل تقبلت الموضوع وحكيت الحمد لله ..

اختي ام عتريسة شكرا كتير على دعائك ومرورك الطيب ...

اسال الله العظيم ان يقر عينيك بذرية طيبه مباركه ....انا جربت اطفال انابيب بس مطلع معي حمل اصلا بس حاسه بتعب الي في التلقيح ....الله يكون بعونك .

تسلميلي جواهر الماس ، بتعرفي ....لما افكر قديش نفسي يكون عندي طفل بحس كله التعب بيهون عشان احضنه،بس ما بعرف مرات بخاف وبتصيبني حالة ذعر من الموضوع اكيد هدا كله وسوست الشيطان . كان ألمي كبير .... تخيلي كان عايش وقلبة بيدق واضطر الدكتور يشيله .. كنت حاسة فيه من اول يوم وحبيته من أول يوم .... الله يعينا ويقوينا ويجعل كل التعب في ميزان حسناتنا.

استخيري وارجعي كرريها والله ما بردك خايبه .... بس دعوتي الك انه الله يعطيك بدون علمية وقبل ما تعيدها .


اللهم فرح قلب اختي جواهر الماس، وآنس وحشتها ،وعوض صبرها ،ونفس كربتها ، وقر عينها بطفلا صالحا معافا، واجعله خيرا لها ومن البارين بها ومن المستغفرين لها عند مماتها ،وجعله من الصالحين ومن حفظت كتابك الكريم ،ومن المجاهدين في سبيلك يارب العالمين ، آمين ، ياذا الجلال والاكرام .

أسأل الله العظيم رب العرش العظيم ان يرزقك الذرية الصالحة و ان يعوض عليك بتوائم يارب