|
ضربها زوجها بلا رحمه
السلام عليكم ورحمة الله وبركاته
عندي موضوع حصل لي أو لقريبة أو لصديقة هذا مو أساس الموضوع ( الموضوع هو ابي رايكم بهالزوجين الزوج يعصب على سبب تافه مثلا لأن وجد البوم صور له مع عياله يلعبون فيه فدخل على الزوجه وهي تلبس عيالها وطبعا كان بينهم خلاف بسيط من قبل المهم دخل عليها مثل المجنون ومسكها من شعرها وشدها الا ان دخلها الغرفة واخذ يسحب فيها وهي تقوله شيل يدك انت مب صاحي المهم حطها عالسرير وصار يضرب بوجهها فاول ضربه صرخت من الالم ولما تزايد الضرب عالخدين يمين وشمال صار وجهها متبنج ماتحس بس دموع بدون ماتصرخ عشان يبتعد عنها المهم هي من القهر ماتقدر ترد له الصاع صاعين وتحس ان هي ضعيفه راحت تكسر كل شي بالغرفه وحطت يدها على المرايه وزاحت كل عطوراتها بكل قوتها الى ان طاحت وتكسرت رجع مره ثانيه ومسكها من رقبتها الى ان علمت اظافره برقبتها المهم وراحت تبي تتقي شره تركض للحمام وتبكي بدون صوت وطبعا بدون ماتستنجد باهله ولا امه بالعكس راح هو قال حق عياله اللي اعمارهم من 5 سنوات ونازل قالهم روحوا نادو جدتكم يبيها تشوفها بهالحاله وان انا السبب بكل شي طبعا هو بالعاده ماايدخل حد بس مادري ليش هالتصرف طبعا عياله انحاشو لأنهم شافو امهم تنضرب بدوووووووووون رحمه انحاشوا لغرفتهم ووجيهم تحت المخده من الخوف هذا اللي حصل فهالعايله في يوم من الايام وطبعا ماوصلت لاهلها اللي صار ولا اي مخلووووووق والناس تفكر ان اهم بأحسن حال .... ردوووووووودكم الله يجزاكم خير |
على فكرة اطباع الزوجه طيبه خلوقه دينه تفرش له الارض ورد لو يطلب عيونها تعطيه تقوم على
جمييييييييييييييييييع واجباته مو مخليه عليه قاصر وهو اذا مروق عاملها احسن معامله واذا معصب مايرحمها حتى لو متضايق من برا يحط الحره فيها طبعا متزوجها بإختياره ولو مااخذها بينجن لهم الحين من زواجهم 9 سنوات ومن اول سنه شافت هالمعامله ولحد الحين محد يعرف وصابره وساكته وماترضى يزعل عليها مادري هي تحبه لهالدرجه وهذا اللي مصبرها والا عيالها والا خلاص تبلد احساسها طبعا هو حارمها التمشيه والطلعات والسوق واي مكان الا بحاجه شديده مادري شقول لكن انتظر تفاعلكم وتعليقكم عالموضوع وحلولكم بعد... |
هى تظلم حالها بسكوتها عن اللذى حصل
عليها ان تخبر اهلها ليوقفوه عند حده او حتى القضاء |
تستاهل :mad: ،،، وش يحدها تسكت ،،، المفروض من اول مره ضربها تروح بيت اهلها وتقلب الدنيا فوق راسه ،،، على الاقل يحسب الف حساب وحساب قبل ما (((( يفكر )))) مجرد تفكير انه يمد يده عليها ،،، والحين مهما قلنا ومهما نصحنا ،، ادري بترجع وتقول بصبر علشان عيالي ، وانا احبه ، وهو طيييييب بس عصبي شوي ووووو الخ .
والحين لاهي الي سلمت منه ولا حتى عيالها . وعلى فكره هالكلام ماهو بس لها ،،، لها ولغيرها . |
بصراحة لا يمكن ان اتخيل ان كل هذا حدث لانه راى اطفاله يعبثون بالبوم صور
اخشى انها لا تذكر السبب الحقيقي او تتناساه لتستمتع بكونها امراة مظلومة فهناك بعض النساء تفضل ان تقوم بدور المظلومة المضحية ولكن على كل حال لا يمكن السكوت على هذا الوضع والمعاملة الحيوانية هذه تحتاج وقفة ولو كانت هذه الوقفة من البداية لما تمادى ولكنه فهمها وعرف انها لن يكون لها ردة فعل سوى انها ستصبر هداه الله لها وصبرها عليه والف بين قلبيهما |
اقتباس:
|
هي ساهمت بالغلط مثله تماما
سكوتها هو الي وصلها لهذه الحاله وشوي شوي يتفنن بتعذيبها قدام عيالها لاهي الي سلمت على نفسها ولا على عيالها بيكبرون وهذي الصوره ببالهم حياة قاسيه ضرب خوف قلق غلطاااااااااااااااااااااااااااااااااااااانه واذا مفكره تصبر علشان عيالها انا عندي تجلس ببيت اهلها ولايشوف عيالها هذي الاشياء افضل من انها تعيشهم برعب |
صدقيني عزيزتي مايضرب زوجتة الا رجل عنده نقص وضعيف شخصية ولئيم.....وماتسكت الازوجة غبية وجبانه وماعندها كرامه لاتقولي لي هي تحبه اي حب يخليني أذل نفسي ....لاتقولي تصبر عشان عيالها بعد هذا مو عذر....بس للأسف هذه رواسب أفكار متخلفة زرعت في قلوبنا وحنا بنات((ماتصبر الا بنات الحمايل...!!!!!)مهما شفتي من زوجك خليك ستر وغطا له!!!!!!! ويالله تمضي حياة الوحده بذل وأهانات!
|
اقتباس:
حبيبتي ارجو ان تكونى لاحظتى انى قلت في نهاية ردى اقتباس:
تحياتى.. |
حالات العنف الاسري اما تكون ان الرجل غير سوي او المرأة غير سوية
اما يكون الرجل مريض نفسيا او مدمن مخدرات او المرأة ناشز يقولها الدرب يمين تروح يسار او تمنتنع عن الفراش ومستحيل انسان سوي يجي لامرأة قايمه بكل حقوقه ثم يضرب كف من دون سبب مستحييييل حتى لو قلتي انسان عصبي يثور بسرعة المفترض تتمتص غضبه وعصبيته فيه هناك نقطة غائبة في الموضوع |
| الساعة الآن 12:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©