|
::: الدكتورة بنت النيل استعملت كريم وخايفة يكون اثر عالجنين ارجو المساعدة :::
السلام عليكم ورحمة الله و بركاته
فيما يبدو ان الدكتورة غائبة عن المنتدى لكن قلت لعل وعسى وترى موضوعي ولكل من يعرف ايضا انا حامل ببداية الشهر الثاني ومن بداية معرفتي بالحمل تجنبت اغلب الكريمات ولااستعمل شي لكن قبل فترة مرفقاي كتييييييير صارو خشنين من الشتا و الجو الجاف فاستعملت كريمات مرطبة للجسم ومافادت لكن في كريم كنت شارياه زمان هوة مش ماركة معروفة لكن مكتوب عليه بالانجليزي انو مبيض ومنعم وفي خلاصة الليمون وفيتامين سي استعملتو وكانت نتيجتو مذهلة جدا من اول مرة لهيك كررت الاستعمال يمكن بالكتير 4 مرات او 5 بالكتير الكتييييييييييير امبارح بالليل بحط منو وفجاة خطر عبالي انو ممكن يكون مضر ومن الكريمات الي قالت عنها الدكتورة وللاسف الكرتونة تبعتو رميتها زمان وماضل غير الكريم نفسو اتنكدت جدا وخفت و ماعرفت انام للفجر وانا استغفر الله وادعي واقول يارب احمي جنيني ومابعرف لما كنت اسال اختي وهية دكتورة صيدلانية ودرسو الاشياء هاي بالجامعة كانت تقول هادا التاثير للاستعمال الطويل والكثير والمبالغ فيه وليس من اكم مرة لكني خائفة فهل من مساعد انا هادا حملي الاول لهالاشي حريصة زيادة عن اللزوم واعتقد انو الاستعمال الكثير جدا هوة الي بياثر فما قولكم؟؟؟ اريد السؤال ايضا عن منتجات كريمات هيمالايا هية طبيعية وعشبية وارغب في استعمالها للبشرة الوجه اقصد لانو بشرة وجهي اصبحت جافة جدا وممتنعة عن الكريمات لاجل الحمل لكن ارغب في استعمال كريمات هيمالايا كونها عشبية ومكوناتها تكون مكتوب عليها مثلا زيت لوز و خلاصة السوسن وهيك مابكتبو اي مادة كيميائية فلست ادري هل احد لديه خبرة في الاشياء هاي واسفة جدا ان ازعجتكم ارجو معذرتي ان ازعجتكم وبارك الله فيكم |
حبيبتي ما عليكي شر ما اعتقد بيأثر
انا لما كنت حامل بأول طفل ما خليت استخدمت كريمات اشكال واللوان وبما انك توقفتي عنها فبأذن الله ما عليه خطر بس اشتري كريم تبع الحوامل وابقي استعمليه على طول والف الف مبارك الحمل وان شاء الله يطلع من الصالحين في رعايه الله |
شكرا اخت فوفو لكن شو في ماركة للحوامل
مااعتقد في هون لانو مافي اهتمام او اقبال عكريمات خاصة لهيك شكل اما الكريمات الاخرى فممكن شكرا الك وانتظر معلومتك بخصوص الماركة |
عزيزتي،،، انت ليش هالقد خايفة؟؟
لازم الواحد يرطب بشرته ويستخدم كريمات،،، وكريمات هملايا كويسه.. انت توكلي على الله وخليكي طبيعي... والله يثبت لك حملك ويتمم لك على خير... انت اهم شي لا تتحركي كتير |
ملوكه حبيبتي
عندنا مثل بيحكي اللي بيخاف من القرد بطلعله وكلي امورك لربنا اكيد مو من استعمال الويرليس او استعمال خارجي لكريم على الايد راح يضر البيبي والله مرات الحرص الزيادة ما بيكون كويس اول طفلة الي كل يوم وقعة وخبطة وكسر على قد ما كنت حريصة ودايما عيني عليها اما تجربتي ببنتاي التوأم مختلفة حتى تربيتهم غير واكلهم غير ودلعهم غير بنتي الكبيرة هلأ عمرها 8 سنوات لسه بطعميها بايدي اما بناتي التوأم يا حرام الهم الله ومع هيك صحتهم احسن وبياكلو لحالهم مع انو عمرهم سنة ونص !!!!! بتعرفي مرة قرأت مشاركة الك فقعتني ضحك لما حملتي وسالتي عن اللبس شو تلبسي ببداية الحمل انو بيصير تلبسي بنطلون او لأ ؟؟؟ بصراحة ضحكت من قلبي الله يسلملك جنينك ويحفضوا حبيبتي الحذر واجب وانتي بعذرك علشان هو اول حمل الك وانتي بالغربة بعيدة عن اهلك ربنا بيسلم ان شاء الله وتفرحي بشوفة طفلك سليم ومعافى |
الله يتتم حملك يارب
كريمات خارجيه لااظن منها اى ضرر بحملى السابق استعملت كريم به نسبه كرتزون لانى اعانى من الاكزيما باصابعى وكان هذا حسب وصفه دكتور وهو على علم انى كنت حامل |
لااااااا ياملك والله حالتك صعبة :d
شووو هاد حبيبتي مابيصير هيك وين ثقتك برب العالمين وكلي أمورك لله هو أعلم بحالك ولاتوسوسي كتير ترى هالشي بيضرك ويضر الجنين انا بتذكر اني كنت متلك ببداية حملي بس مو متلك تمام لا اخف منك بكتييييييييير بس عدت الشهور الاولى وصرت عاادي انتي استفت قلبك ولو افتوك الناس اذا حسيتي انو الشي هاد مضر لاتعمليه واذا العكس خليكي عادي انا حتى عملت فرد لشعري ببداية حملي والحمد لله بنتي ما أحلاها لاتوسوسي كتير ترى تتعبي وربي يحفظك ويحفظ جنينك |
ملك ما تقلقي .... الله يحفظلك جنينك من كل شر ..... بس حكي اختك الصيدلانية مزبوط 100% لانه مش بسهولة الكريمات اللي بتندهن على الجلد توصل للجنين لانه طبقات الجلد الخارجية بتمتص جزء منه كتير كبير لتعالج الجفاف الخارجي وجزء صغير بس بيدخل لجوا .... هدا لو افترضنا انه الكريم من الكريمات اللي بتضر اصلا .... اتوقع انه ما بيضر انا معلوماتي انه الكريمات اللي بتضر أكتر شي هي كريمات اللي بتحتوي فايتمن أ بشكل كبير واللي بتكون مضادة للتجاعيد... وفي بعض الزيوت العطرية أو الكريمات اللي فيها زيوت عطرية بتضر في بدايات الحمل .
أما لمعالجة جفاف الجلد فهاي معلومات حلوة منقولة من مصدر موثوق بتمنى انها تفيدك : تعاني معظم النساء ذوات البشرة الجافة من تزايد جفاف الجلد خصوصا في منتصف الحمل ، ينتج ذلك عن ارتفاع مستوى الاستروجين . وتتوقف التغيرات التي تصيب جلدك على مدى رد فعلك تحاه هرومونات الحمل المختلفة ، اي انه هناك اختلاف بين حامل وأخرى في رد فعل جسمها واستجابته للتغيرات الهرمونية . الحل : اشربي الكثير من الماء يمكن ان يسبب التكييف الهوائي والتدفئة المركزية جفافا شديدا للجلد ، ركبي على جهاز التكيف أداة مرطبة للجلد واحرصي على الحصول على هواء منعش كل يوم . استخدمي غسول لطيف للوجه بدل الصابون ، واستخدمي مرطب غني مصمم خصيصا ليعمل على البشرة اثناء النوم . حضري قناعا للوجه عن طريق مزج مقدار ملعقتين طعام من دقيق الشوفان (شوفان مطحون) و ماء الورد وقليل من الماء وكوني عجينة وضعيها على الجلد وهو نظيف بدون الاقتراب من العينين طبعا ، ابقي القناع 20 دقيقة أزيليه بأطراف اصابعك أولا ثم اغسليه . |
| الساعة الآن 09:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©