|
أكره هذي الصفة في ابوي..
السلام عليكم ورحمة الله وبركاته..
انا اكره اطلع مع ابوي اي محل خصوصا بالسيارة.. السبب كثرة لعان ابوي.. ابوي طول الطريق يلعن كل من يمر بوجهه.. وكلهم يهود.. والله يلعن ارواح ابوانكم.. والله يطلع كبدك.. ابوي رجال طيب.. وحنون.. بس مشكلته هذي بلسانه.. حاولة معه امي.. وصارت تتهاوش.. الحين ما احد يحب يروح معه..يضايقنا من كثرة اللعان.. وانا اعرف انه في ملك يقول للانسان ولك المثل.. وانه اللعنة حسب ما سمعت ترجع على اللاعن.. ترجع على امه وابوه.. حرام جدي انسان جدا مدين.. ومات الله يرحمه هو وجدتي.. فما ادري كيف اتصرف مع ابوي.. قلنا له عظم الكلمة اللي تقولها.. وانها ترجع عليك.. وعلى ابوك الميت.. زعلت امي وصارت ما تتكلم معه.. وحاولة انا معه بهدوء انه يغير هذي العادة..بس مصر عليها..وهذي من سنوات طويلة معه.. وانا ما اعرف.. احس ربي مو موفق خواني والسبب ادعية ابوي على عيال الناس.. ومره ما انساها وهو صايم.. اخوي قايم من النوم.. وابوي يقوله سكر الباب.. اخوي مو مستعوب.. لانه نايم.. راح ابوي يدعي على اخوي .. يقوله الله يعمي عيونك عن الحق.. والحين اخوي صاير ما يقدر يصلي.. من يجي يصلي يتعب كثير.. وكل ما قدم على وظيفة رفضته جهة العمل..وكل ما قدم على دراسة تتعب نفسيته كثير ويطلع.. اخوي انسان خلوق..بس مشكلة دعواي ابوي متعبه اخوي.. وابوي المشكلة انه ما يثق في اخوي.. ويشك انه يتعاطى مخدرات.. لانه جالس بالبيت مو متوظف.. والله اني اخوي صاير هو لنا الابو.. وهو جدا بار في ابوي.. ساعات يجي يناقشني في اخواني وليش كذا.. ودي اتجرأ مره واقولها له صريح اللي فينا من لسانك.. انت تدعي وكل الناس يهود.. وتلعن.. وتتعاير في عيال الناس.. وبنات الناس.. وسبب كلامك احنا مبتلين.. بس ما اعرف كيف اقولها له.. لانه والله حال اخواني يحزن من وره ابوي.. ساندوني بارائكم.. ولا تحرموني من دعائكم لابوي.. |
ذكريه بقدوتنا محمد صلى الله عليه وسلم ما كان لعانا ولا طعانا ولا فاحشا ولا متفحشا
ذكريه ان لا عن المؤمن كقاتله ذكريه بيوم الحساب ورب العباد وكل نفس بما كسبت رهينه ذكريه بحديث من المفلس ؟ ..... فهو حديث عظيم .... حتى الصحابه فات عليهم الجواب !!!!!!!! قال رسول الله صلى الله عليه وسلم لأصحابه : أتدرون من المفلس؟ . قالوا : المفلس فينا يا رسول الله من لا درهم له ولا متاع . قال رسول الله صلى الله عليه وسلم : المفلس من أمتي من يأتي يوم القيامة بصلاة وصيام وزكاة ، ويأتي قد شتم هذا ، وقذف هذا ، وأكل مال هذا ،وسفك دم هذا ، وضرب هذا ، فيقعد فيقتص هذا من حسناته ، وهذا من حسناته ، فإن فنيت حسناته قبل أن يقتص ما عليه ؛ أخذ من الخطايا أخذ من خطاياهم فطرح عليه ، ثم طرح في النار . الراوي: أبو هريرة - خلاصة الدرجة: صحيح - المحدث: الألباني - المصدر: صحيح الترمذي - الصفحة أو الرقم: 2418 |
عليكم السلام
فرصة جيدة استغليها لا تخافين إذا صارحك قوليله كل اللي في قلبك لكن باسلوب حلو واتركيه راح يفكر بينه وبين نفسه ويراجعها كثير وإن شاء الله يخف عنه هالطبع لأنه صعبة يتخلص منه بين يوم وليلة شوي شوي وكل شي يتعدل الله يهدينا جميعاً . |
الله يعينك على اقناع والدك بالابتعاد عن هذه العادة السيئة والله يوفقك
باالنسبة لحالة اخوك مع دعاوي ابوك ارجو ان تفهمي ان كل دعوة من اب اوام اواي كان بدون وجه حق الله لايقبلها ولاتضر اخوك وانما يضره هو ان يكون اخوك مزعجا لابوك عمدا هنا سيحاسبه الله حتىلو لم يدعي ابوك عليه |
كان الله في عونكم جميعا
الله يهدي ابوك بس تصدقين حسيت فيك مررررررررررره بس شكل ابوك بزياده الله يصبركم لاني كنت اكره اركب مع ابويه احس اني اتضايق بس الصراحه هالحين صار عادي عندي اول محد يلف عليه ويدعي او يلعنه اقول بصوت عالي الله يهديه يارب معليش يا ابوي واسكت المره اللي بيعدها اعيد نفس الكلمه واذا شفته زودها اقول ترضى احد يدعي على عيالك تصديقين بعض الاحيان يقول ايوه اذا كان يلعب بالسياره مثل هذا ارد عليه اقول والله اني ما ارضى احد يدعي على عيالي لو مهما صار واني انشاء الله ما ادعي عليهم مثلك؟ واجلس اقول الله يهديهم هالشباب ومن هالكلام وصار يعرف اني اتضايق اذا دعى على احد حتى اخواني اذا عصب ودعي اقوله والله حرام عليك ماسوو شي ويجلس يتشكى واقول بس ياريت تحول دعواتك هذي لهم بالفائده وتدعي لهم كوني صريحه في مواجهتك مع الوالد وباسلوب حلوا مع ابتسامه ولاتنسينه من الدعاء بعد كل صلاه بان يهديه ولايستجيب له دعوه عليكم بسوء ولاتخلين اخوك يخذها عذر ويقول هذي من دعاء ابوي بالعكس شجعيه على انه يكون الافضل ويحاول يتقرب من الوالد الله يحفظه لكم ويهديه |
عتدك خير وعندنا خير
اختي العزيزه انصحك بان تدعي لوالدك بصلاتك بالهدايه واكسبيه واطلعي معه لما يلعن قولي له الله يهديه هو مع الوقت راح يخجل من نفسه هو مو عارف اان هالشي حارم عارفهعشان هالسبب مستهين بالامر ولا اعتقد من قلب فقط عاده سيئه عنده ترا بيطول لي ما يتعود على ترك هاللعن ادعييييي له |
أتفق مع كلام أختي الفاضلة نايت100%
اختي انصحك بان تدعي لوالدك بصلاتك بالهدايه
واكسبيه واطلعي معه لما يلعن قولي له الله يهديه هو مع الوقت راح يخجل من نفسه هو مو عارف اان هالشي حارم عارفهعشان هالسبب مستهين بالامر ولا اعتقد من قلب فقط عاده سيئه عنده ترا بيطول لي ما يتعود على ترك هاللعن ادعييييي له |
نفس المشكلة مع اخوي طول الطريق سب ولعن في الناس
قلت له ترى لو شخص محصن ترجع لك الدعوة تخيل كم دعوة ترجع لك قالي صحيح كلامك ولكن يرجع لعادته كل مرة اروح معه الله يهديهم ويصلح شانهم |
السلام عليكم....
ايته الاخت الفاضله شكر الله سعيك وحرصك على والدتك ولكن لا تنتقدي والدك بوجهه... انصحك بما يلي .. 1 - كتاب اسلامي عن السب واللعن والشتم... 2 - باقه احاديث عن السباب والشتم بورقه هديه لابوك... 3 - اشرطه اسلاميه عن السب والشتموغيرهاا... 4 - الدعاء لوالدك ... 5- الذكر اذا ركبتي معه فاذكري الله معه كلما سب اذكري الله ؟؟؟؟؟ واستغفري ؟؟؟وادعي الله بالخير له ولك .. والسلام عليكم .. |
اقتباس:
مشكووووووووووووووووووووووووووور على المداخلة الرائعة.. الله يقدم الخير.. وان شاء الله بقوله هذي الاحاديث.. |
| الساعة الآن 11:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©