|
هذا الي صار بيني وبين زوجي نصيحتكم لي على شان اعرف اتصرف؟
السلام عليكم
قد لجئت اليكم بعد الله على ان تعطوني حل صحيح او تصرف صحيح في مثل مشكلتي هذه سأحكي لكم المشكلة يوم الخميس نمت عند اهلي لان امي كانت شوي تعبانة ورحت اساعدها بشغل البيت ونمت عندهم وزوجي بالعادة كل خميس يطلع يسهر مع أصدقائه ويرجع متأخر وكل مرة متعودة انا انه يتصل علي وهو جاي يعني انا كنت ناطرته يجي ينام عند اهلي ونطرته واتصل فيه وماحد يرد بعدين غفت عيني وماحسيت إلا الساعة 7 ونص الصبح شفت الموبايل مافي مكالمات ولا حتى رنه منه خفت صراحة اتصلت الصبح عليه ماحدا رد قلت يمكن نايم خليه بس يصحى يتصل صارت الساعة وحدة مااتصل قلت اخلص شغلي وبعدين اتصل صارت 2 صارت 3 وغريبة ليش مااتصل والله اني خفت عليه وانشغل بالي عليه كثير كنت ناوية روح مشوار انا وامي بس لازم استأذن منو بالأول حتى مايعملي منها قصة مثل كل مرة بس ماعم يرد علي انشغل بالي عليه امي كانت تحكي مع صديقة الها بالتلفون وابن صديقتها هو صديق زوجي على طول معاه سألتها اسألي عنه وينه ورديلنا خبر بعدين شوي الساعة اربعة اتصل زوجي وهوو معصب والله صوته طلع من برا التلفون خييييير شوفي ليش عم تتصلي من امس انا انصمدت قلت له بس بدي اطمن عليك انشغل بالي قال لي انا مو ولد صغير قلت له مو بس الأولاد يلي بنخاف عليهم انا عم احكي بكل هدوء وهو معصب علي طبعا وهو كان صديقو قلت له انت كنت نايم وانا عم اتصل كل هل الاتصالات قال لا كنت صاحي بس مابدي ارد انا هون انصدمت قلت له يمكن انا بدي شي ضروري قال شو الشي الضروري قلت له بدي استأذنك اطلع مشوار قال وخير يعني انا هون جنيت قلت له الحق مو عليك الحق علي انا الي اتصلت وسكرت التلفون بوجه والله اول مرة تصير بس عصبني من اول المكالمة وهو يصرخ علي وخاصة والناس جنبو اكثر من مرة قلت له لاتحكي بهل الطريقة وانا لسه عند اهلي وهو مااتصل علي ولا كلمني ولا شي ولا انا اتصلت لان متأكده ماراح يرد حتى اهلي اتصلو يسلمو عليه مارد عليهم يمكن فكرهم انا بس انا والله ماعرفت انام وهو زعلان مني بس والله ماعملت شي غلط وبليل بعتت مسج وقلت له انه كلامو جرحني وقلت له الله يسامحك وتصبح على خير لكن انا عارفة مستحيل يرد فشو بتنصحوني ياريت الاقي عندكم حل |
اختي اللي صار صار ..
حاليا لا تتصلين عليه و لا تبعثي له رساله .. خليه لحد ما يروق ويهدى و هو راح يتصل عليك .. لا تشيلي هم اختي .. وربي يفرج همك .. |
اقتباس:
والله يااختي خايفة وهكلانة هم لان زوجي كثير عنيد بعدين هو صارله اسبوعين منقلب ومتغير كثير وانا اول امس قلت له ليش انت متغير في شي مضايقك قولي يقول لا انا من لما كنت صغير مو متعود اقول شي لحدا طيب انا زوجتك لازم اعرف يقول ضغط شغل واتوقع بما اني سكرت التلفون بوجهه اكيد انها كبيرة مع اني والله ماقصدت واول مرة اسويها بس والله كلامه نرفزني وخاصة الاسبوع الماضي كنا متكلمين عن هل الموضوع بعدين هو اكثر من مرة قبل يسكر التلفون بوجهي وانا اتضايق واقوله لحتى صار اوك ولو عصب ومايسكر إلا لما يقول باي ويخليني اسكر بس هل المرة جت مني انا |
اختي في بعض الرجال كتومين ما يحبون يتكلمون عن امور العمل حتى لو كانت هذه
الامور تضايقهم .. فانتي احترمي رغبته ولا تضغطين عليه انت كمان .. اذا عرفتي انه متضايق من العمل اتركيه براحته .. اعطيه فتره يكون لحاله .. قومي بواجباته على اكمل وجه ولكن تجنبي كثرة الحديث معه اذا كان متضايق احترمي صمته اختي .. اما بالنسبه انك انتي اللي قفلتي الخط بوجهه هذه اكيد صعبه عليه شوي .. لكن حاليا اتركيه اليوم و بكره كمان و بعدين اذا ما اتصل عيك انت ارسلي له رساله اعتذار و عتب .. وان شاء الله خير .. |
اقتباس:
|
اختي عليك بكتاب ( رجال من المريخ و نساء من الزهره ) متأكده انك راح تستفيدي
منه .. فهو متوفر في المكتبات .. |
اقتباس:
بالنسبة للكتاب فورا بس كتبتي اسم الكتاب عملت سيرش بالنت وحملت الكتاب كامل وعم اقرا فيه شكرا كثير |
لا تنسين اختي طمنينا عن اخر اخبارك ..
وربي يسعدك ويفرج همك .. |
زين سويتي انك سكرتي في وجهه
لان حركته مالها داعي ... لش يصارخ عليك ويحرجك .. هذا جزاك مو معناه ان زوجك ان يذلك .... لكن بقول لك نقطة ... اذا كانت الحركة هذه مو من عادته .. لكن بالغلط وزلة لسان وكان معصب وقتها ... فمشيها له .. وحاولي تنسين ... لكن اذا كان الوضغ دائما كذا ... فنصيحة لا تخلين حياتك الزوجية مبنية على تنازلات |
اقتباس:
راعي الله أختي الكريمة في ردك واتقي الله والمعرف تبعك ( خيركم لأهله ) أليس الزوج , هو الأهل واستغفري ربك فرب كلمة يوم القيامة تقول لصاحبها دعني أم أنك ممن يحملون الشئ لمجرد الإعجاب بالشكل دون المضمون , فيوجد شباب يرتدون قمصان أعجبتهم أشكالها ولكن لا يعلمون ما كتب عليها سواء من الشتم في دينهم أو غيره وكل كلمة يكتبها أي عضو في هذا المنتدى ستحدد شخصيته , وطريقة حياته والسلام عليكم ورحمة الله وبركاته |
| الساعة الآن 11:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©