مشكلة بين أبي وأمي قد تصل إلى الطلاق !! أنتم أملي بعد الله .. ساعدوني
 

بسم الله الرحمن الرحيم


كيفكم ان شاء الله كلكم بخير


والله العظيم عندي مشكله وماني عارفه لها حل . . وافتكرت المنتدى قلت يمكن يساعدوني انا مره تعبت وانا افكر..


المشكله بين امي وابويه ..


وهيا على زاوية الطلاق ..


المشكله بدت قبل شهر وتلاته اسابيع امي خرجت من البيت من غير ماحد يدري جلسنا ندق عليها مليون مره وماردت على اي احد فينا .. في الليل دقت عليا وكلمتني من غير اي نفس اقلها انتي فين وليش خرجتي تقلي ما ابغى اعيش معاكم قلتلها طيب انتي فين ماردت عليا وقفلت بوجهي.. وبعد كدى قفلت الجوال لمدت اسبوعين واحنا ما ندري عنها اي شي مره قلقنا عليها .. يوم الجمعه بعد مرور اسبوعين في الليل ارسلتلي تطمن من رقم تاني طلعت شريحة تانيه .. فدقيت عليها اقلها ليش خرجتي وليش وليش تقلي طفشت من حياتكم اقلها طيب ليش سويتي كدى مو احنا بناتك وعندك بيت وزوج ومايسير تطلعي من غير مايدري .. سكتت قلتلها طيب انتي فين نجي ناخدك وزي كدى قالت ما ابغى ارجع فجلست اقنع فيها قالتلي طيب حفكر وحرد خبر .. المهم رجعناها البيت وماشي الوضع وماحد سوالها شي .. لاكن انها حتتطلق ...




المشكله في دا كلو..

انو اهلها مو في السعوديه فلو اطلقت لازم تسافر عند اهلها .. بس في الجواز حقها في مشكله وبابا يحاول من هنا ومن هنا عشان يصلحها .. وهيا كل يوم تصرخ تقول ابغى اسافر طفشت ابغى اسافر طفشت وبابا كل يوم يقلي حاولي تحنني قلبها عليكم واتكلمي معاها انا كل ما اتكلم معاها تطنشني او تصرخ فيا وتقول مالي دخل فيكم واليوم سارت مشكله بينهم وصراخ ومشاكل ..وبابا برضو يقلي حاولي تتكلمي معاها ...


ابغى حل ايش اسوي وايش اقلها واصلح بينهم ولا اخليها تروح .. ترى وربي انها دايمن تجلس تتكلم عننا في اشياء ماسويناها وتطلع فضايح ومشاكل حتى عند صحباتي في المدرسه وتطلب من الناس وابويه موفر لها كل شي..

الله يخليكم قولولي ايش اسوي وربي راسي يعورني من كتر ما افكر


اسفه ع الاطاله

تم تعديل العنوان ليتناسب والمحتوى .
المراقب / النور والحنان

الله يصلحها

الله يكون بعونك حبيبتي حاولي تتكلمي معها وتساليها ليش تبغى تسافر او اكتبي لها رساله تحنن قلبها عليكم وشوفي وش بيكون ردها ....... والله يكتب لكم اللي فيه الخير يااااااااااااااااارب

بيل الفجر صلي واطلبي ان يصلح الله بينهم

الله يفرج همك

عفوا هل هي مريضه نفسيا
خليها تسافر تقعد كم شهر وفي الاخير بترجع بيتها مافي احد يتحمل احد الايام هذي يعني حتى اهلها

ممكن ان الكلام كله تهديد قولي بابا قال خلاص اوراقك قربت تخلص وبتسافري وهو خطب وحده وحزنيها على سوته فيكم وكيف بتعيشوا مع مرت ابو ووو
يمكن تحزن عليكم بس الله يستر لا تروح تعند اكتر عاد استشيري ابوك هو ادري بطبعها

وكان الله في عونكم
لاتنسي الاستغفار

ان شاء الله الله بيهديها بس انتم خلوها مع نفسها تفكر هي مشغل فكرها موضوع السفر وانا مع الاخ sweet2244بفكرته وبعدها بتندم وبتحاول ترجع بقرارها

امك لديها سر تخفيه عن الجميع

وبارك الله فيك ورد امك اليكم رداً جميلا

انا مع اخوي سطام اكيد في سر

وبعدين حرام امك جوازها فيه مشكله يعني ولا مره راحت لاهلها صعبه اكيد مشتاقه لاهلها

والله الغربه صعبه حتى لو كانت بين زوجها وعيالها مافي مثل الاهل وخاصه الام والاب خلوها تروح يمكن ترتاح نفسيتها وتغير رايها

شوفي امك لازم هية تاخذ القرار يمكن تعرف اشياء وما تعرفوها انتو
 

اختي العزيزة الله يكون في عونك بس اقوللك انه امك ادرى بمصلحتها ومصلحتكم وهي قادرة تتخذ القرار المناسب لها حاولي تقنعيها واذا ما اقتنعت توكلي على الله واللي الله كاتبه راح يصير ودوخة راسك لا راح تقدم ولا تاخر..