|
:::::قصة مشاعل تعاااااااالوا إدعولها::::: ( قصة صاحبتها متؤثرة جدا )
::::::قصة مشاعل تعااااااااااااااااااااالوا إدعولها::::::::::
-------------------------------------------------------------------------------- هذى قصة وحده من الخوات موجوده فى بيت حواء.. حبيت انقل قصتها بناء على طلبها ولان فيها عبره للحوامل.. وادعولها الله يعينها ويصبر قلبها.. راح انقل لكم اقتباسات من كلامها..لانى مهما عبرت ماراح انقل الصوره مثل ماهى واصفتها.. تابعوها.. بتاريخ 29 \7 2007 السلام عليكم ورحمة الله وبركاته هذا أول حمل لي و ماعندي أي خبره في حكاية الحمل والاهم من هذا والامر اني أحمل أكثر من جنين وما أقدر أوصف لكم المفاجأه اللي طيرتلي عقلي ومن يومها وانا بحاله ما يعلم بها الارب العالمين من الآم وأوجاع و ثقل .. أكيد فيكم أحد نفس حالتي يا حوامل عشان كذا نفسي نآزر بعض ونتناقش بالادويه اللي بتاخذوها والمثبتات والممنوعات ..................الخ الله يجزاكم خير وانا بانتظار تفاعلكم خواتي اعملو معروف بتاريخ 2 \8 2007 بالنسبه لسؤالك عن كيف صار حملي بنسخ لك قصتي هههههههه انا اول ما تزوجت ما فكرت كثير بالموضوع لاني مشغوله بشهر العسل ههههههههه وبعد ما خلص شهر العسل وبنهاية الشهر الثاني من الزواج جتني الآآآآآآآآآآآم فظيعه ولما رحت للطبيبه عملت لي التراساوند و قالت الغريب ان عندك 3 بويضات جاهزه والمفروض تكون وحده والالام منها لان التبويض يمغص البطن ولو صار جماع هاليومين ممكن تحملين ب 3 اجنه وتعالي شوفي الحماااااااااااااااس خخخخخخخخخخ مع اني ما حسبت حساب الحمل بدري وما فكرت كويس بالموضوع وتحمسنا وهببنا كل الايام اللي حددتها الطبيبه وبعدها باسبوعين ننتظر الدوره ماااااااااااااااااااااافيه وقلت بس اكيد اني حااامل وكان نفسي اكون حامل بصراحه عشان احس باحساس الامومه ومو مستوعبه اني ممكن اكون مسئوله عن كائن صغنون البسه واغسله والعب معاه يوم سويت التحليل المنزلي طلعت خطين زي اللمبه ههههههههههههه ومن يومها وانا في شقاء وتعب وثقل بس لو متوقعه هالشي كان اجلته شوي ما تهنينا وانصدمت بالوحم اللي يحكون عنه الناس صار اكثر بكثير مماتوقعته بس ان شاء الله ربي يتمم حملي على خير واشوفهم بين يديني زي الكتاكيت ولا يحرم اجد من هالاحساس الحلوووووووووووو وان شاء الله تجيبي توأم قررررررررررررررررررررريب يارب و انا من خوفي من ابرة الظهر فكرت اطلب تخدير كامل .. بنفس التاريخ.. شكرا لك على الدعوه الطيبه عندي اخوين توأم مو متشابهين اكبر مني عمرهم 20 سنه واختي بعد عندها توأم بنات وحملت بهم مثلي بعد الزواج على طول وخالتي اخت امي كانت حامل بتوأم بس بالشهر الرابع ضمر واحد وتوقف نبضه وكمل الثاني وولدته والان عمره سنه .. كل العايله توائم مالي طعم ههههههههههههههه متعودين اهلي بس اهل زوجي ابدا ما عندهم لا من قريب ولا من بعيد بتكون مفاجأه حلوه لهم بس انا حامل ب3 اجنه غيرت النظام حق اهلي عقبالك يا قمر . بتاريخ 25 \8\ 2007 يارب يرزقكم باحلى التوائم ويقولون دعوات الوالده باذن الله مجابه وراح ادعي لكل من تتمنى تحمل بتوأم بكره عندي موعد تنويم لان الجنين اللي تحت نازل كثير والماء حولينه ابتدا يقل وحيولدني ان شاء الله بعد اسبوع يعني اذا صرت 30 اسبوع ادعو لي ولاطفالي بالسلامه وان شاء الله اذا ولدت راح اخلي زوجي يدخل يبلغكم بتاريخ 29 \ 8 \2007 انا زوج مشاعل ماشاء الله والحمد لله ولدت مشاعل ولكنها تعبانه كثير ادعو لها وللاولاد هذا رجائها تابعو معاى قصتها.. |
--------------------------------------------------------------------------------
بتاريخ 4 \ 9 \2007 ماتو بعد معاناة دامت 29 اسبوع ولدتهم يوم 26 _8 سليمين معافين مثل الملائكه اوزانهم كيلو و700 جرام وماتو بعدها بكم يوم بدون اي سبب طبي فقط توقف القلب مع انه سليم الى الان لم استوعب الامر الحمد لله بتاريخ 5 \ 9 \2007 شكرا لكم جميعا كلنا مو مستوعبين كيف صارلهم نفس الحاله يقول الطبيب الاول والثاني صار عندهم تباطؤ بدقات القلب وعملو لهم انعاش بس القلب توقف تماما وكلمو زوجي يحضر ولما وصل لقاهم ملتمين على الثالث لانه بدأه نفس الوضع وبعدها بربع ساعه وبحضور زوجي قالو توفى وشالو عنه الاجهزه جميعا وطبيب الخدج انسان يعرف الله وملتزم سعودي يقول لزوجي حالتهم مفاجئه وليس لها سبب طبي واضح ويقول قد تكون عين لم تذكر الله وماصلت على النبي حسبي الله ونعم الوكيل احس ان الدنيا توقفت خلاص وزوجي ايضا تعبان ومن يومها مايروح لدوامه اتمنى ان يكون حلم اعيشه واصحى منه قريبا يالله لكن الم جرح القيصريه يرجعني للحقيقه المره اني والده وبالنفاس لكن بدون اطفال الله يجعل توائمي الثلاثه شفعاء لي ويصبر قلبي على فقدهم كل قطعه شريتها لهم اتخيلها واسرتهم وبطانياتهم ورضاعاتهم وكل شي بنفس اليوم.. امين جزاكم الله خير قد اغيب فتره ماعدت طايقه اي شي حتى الزوار مارضيت استقبل احد نصيحتي للجميع وبالذات الحوامل باكثر من جنين لاتتعجلين باخبار الناس بعدد اطفالك الى ان يوصلون الامان ويصيرون باحضانك فهناك من لايذكر الله ويصلي على النبي كفانا الله الشر وكثير قالو كيف جابت 3 وهي ماكملت سنه متزوجه بدون ذكر الله واحدهم قال لوالدي الناس يجيهم طفل ب3سنوات مو 3 باقل من سنه باستهتار والاخريقول لزوجي زوجتك هذي هي الودود الولود حسبي الله على كل من فيه شر اعاني الان من حمى النفاس لان الحليب متحجر بصدري وللاسف اشفطه بالشفاطه بدل مايرضعونه اطفالي اللهم لك الحمد ادعو لي بالصبر فخيالهمامام عيني بكل وقت وصوت بكائهم يتردد بمسمعي بنفس اليوم.. امين يا نصف آدم وماتتصورين ماافكر باطفال ولا باي شي غيرهم قلبي تفطر واندفن كل جزء معاهم يارب ارحمني وصبرني ودي انام شهر والا سنه بس انسى دموعي ماتوقف وكأن توني فقدتهم من دقائق حتى والله مو قادره اكل غصب عني كل شي ماصار له طعم حتى امي كرهت جلوسها عندي وزوجي اجلس لوحدي بغرفتي ومعي قبعات قطنيه كانت على رؤسهم بالمستشفى وريحتهم فيها الحمد لله على جميع الاحوال بتاريخ 6 \ 9 \2007 يارب ارحمني احاول افتش عن اي شي يصبرني بين سطوركم لكن للاسف الحزن احرقني وصرت مااحس باي وجود في هذه الدنيا حتى زوجي حاول يكلمني اليوم لكني مااقدر اواجهه ولا اناظر بعيونه حرمني من اغلىلحظه حرمني من حضنهم و رؤيتهم للمره الاخيره ودفنهم بيديه بدون مايخليني اشوفهم مااتخيل كيف بتكون حياتي بعدهم لانهم توقفت بتوقف نبض احبابي الثلاثه والله لو تعرفون كيف صرت افكر انا كل وقت ادعي ربي يرجعهم وابكي واطلب الله ان يكون حلم و كابوس وينتهي واراهم بين يدي اشم رائحتهم حولي اشمها بين اصابعي اللي لمستهم بها لونهم ابيض مثل اللؤلؤ واصابعهم ناعمه مجعده عيونهم ماقدرت انسى نظراتهم لي في اول مره حضنتهم فيها وكنت اقول للطبيب يناظروني وهو يضحك علي لاني مو مصدقه انهم صارو بين يدي بعد ماحملتهم باحشائي شهور المصاصات اللي مصوها بالمستشفى اتلذذ بطعمها الان ورائحتها نفسي اموت بهالايام واروح لهم بالجنه لان اللي تموت بالنفاس تكون زي الشهداء كيف راح اواجه الناس وارد على تساؤلاتهم اللي راح تقتلني لو تذكرتها سامحوني لااجد اي متنفس لي الا بصفحتي هذي ارجوكم ادعو لي ان انسى اوافقد الذاكره حتى لاتتوقعون اني سيئه واراد ربي ان يعاقبني بهم ابدا والله اني احب الناس واساعد الجميع ومابقلبي اي حقد او حسد على احد لكن من هم اسوا مني بكثير يعيشون سعداء بلاهم وحزن ياليتني ماحملت بهم بهذي السرعه او ابتلاني الله بالعقم كان اهون من انتظار اطفالي اجزاء مني ثم الموت والحسره على فقدهم لا اطلب من الرحمن الا ان يصبرني اما العوض باطفال غيرهم لا اريده لاني ساتذكرهم الى ان اموت كل مااتخيلهم وحيدين كل واحد في قبر اتألم واموت الف مره يارب صبرني يارب صبرني يارب صبرني تصدقون من يوم وفاتهم ماتحممت الا بالماء لان رائحتهم بجسمي والله اشمها قويه نمت ساعه بالليل و دخل علي بالنوم صوت بكاهم والله مااتخيل بكاااااااااااااااء اطفالياعرفه ولما فتحت عيوني تحول البكاء لاذان الفجر وبعدها صرت ابكي واغمض عيوني وادعو ربي ان اكون بحلم وان تحصل معجزه افتح عيوني واراهم لكن فتحتها ولقيت نفسي وحيده بين اربع جدران تخيلو احس باكتئاب وضيقه غريبه اذا سمعت صوت امي او دخلت عندي اليوم كله ماشفتها فقط الخادمه تجيب الاكل وترجع تاخذه مثل ماهو واذا دخلت عندي اتضايق من ابتسامه ترسمها انا وين وهم وين مايدرون باللي بقلبي ارجو من الله ان اتوقف عندهذا الحد فحياتي ستكون حزن وهم وعذاب لاني انتهيت بنهاية فلذات كبدي الحياة الدنيا كلها حزن وهموم لكن الله عنده السعاده اللي مستحيل نلقاها في الدنيا ادعو لي بالنسيان فقدان الذاكره الموت اي شي فيه راحه لي من ان احترق والناس من حولي واقرب الناس لي يعيشون حياتهم ويكملونها طبيعي وكأن شيئا لم يكن خساااااااااااره ضاع مني اغلى واحلى حلم كم مره سهرت بفراشي وانا اتابع رفساتهم ببطني المؤلمه الحلوه بالساعات وكانت الشمس تظهر علي وانا افكر بلبس معين واتخيل نفسي البسهم وكيف ارضعهم من صدري واتخيلهم يركضون امامي ويتضاربون على من يجلس بحضني قد اكون اذنبت يوما وهذاعقابي ماادري ولكن الله لن يتركني وحدي فهو ارحم من عباده |
بتاريخ 7 \ 9 \ 2007..
انا فكرت اني لما اشفط يخف الحليب لان الالم بعد يخف يارب يجف هذا الحليب ياليت اطفالي عندي كان بيكفيهم ويزيد صورتهم معي بالجوال وصورهم باخر اشعه رباعيه سميناهم فهد وفيصل وفارس وكان حجمهم ووزنهم 2كيلو لكل واحد ياليتني اقدر ازورهم وابكي عند تراب قبورهم سبحانك ربي قضاءك تام لامحاله فرضني بماقضيت تعبت من الدعاء ليل نهار بان انسى همي او افقد ذاكرتي وعقلي لان كل شي بيذكرني بهم عملت لهم غرفة نوم جميله وحطيت لهم فيها3 اسره كبيره ومليتها العاب وحتى كراسي السياره اشتريناها ياليتهم ظلو ببطني ولم يظهرو للعالم والناس الحسوده حسبي الله ونعم الوكيل عليهم انا وزوجي سبب بموتهم لاننا قررنا نخبر الدنيا كلها عنهم ولم ادري انها طريقهم للقبر قتلو فرحتي الغاليه حطموني بيوم كنت فيه اسعد ام بالعالم نزعو قلبي من مكانه ودفنوه مع اطفالي الثلاثه رفضو ان انظر لهم اخر مره ويقولون انتي صغيره والمستقبل امامك وممكن تحملي باي وقت اه الف مره اي مستقبل لام بلا قلب ولا روح هذي هي الامومه ليتني ماجربتها ولا عرفتها ليتني جلست مع صديقاتي بالمدرسه ولم اعرف الدنيا بمرارتها وقسوتها -------------------------------------------------------------------------------- بتاريخ 7 \ 9 \2007.. جزاكم الله خير وهم ببطني لم اخبر احد انهم 3 الا امي و زوجي ولكن اول ماولدت خبرنا كل الناس والكل تفاجأ بهم ولكن اللي يقولون لاتخلين اغراضهم عندك احس انه ماصبرني الاهي اذا تذكرتهم وبكيت عليهم مجرد مااشم قبعاتهم او مصاصاتهم او اي شي يخصهم ارتاح وينشرح صدري وبالنسبه للحمى اخذ مسكنات وخافض حراره وتنزل شوي وبعدها ترجع عطوني اسم حبوب او اي شي ممكن ينشف الحليب والمستشفى ماعاد اطيق ادخله ومجرد التفكير ان اطلع من البيت انجن وابكي ساعدوني باسم دواء واطلبو الله لي بالصبر والراحه بتاريخ 7\ 9\ 2007 شكرا لكم للاسف زوجي من يومها ماشفته اذا جا مااخليه يدخل عندي اكره رؤيته وحتى امي وحتى جوالي مقفل ماودي ارد على احد تفكيري بعيد عنه وعنها ولو جلست معه ستكون حالي أسوأ مما هي الان قررت ان اعيش باقي حياتي بسلام بدونه وكل معارفه واهله واتوقف عن الدراسه مؤقتا فقط في غرفتي ولو تحسنت نفسيتي برجع لمدرسه اثانيه السنه القادمه لا اعرف فيها احد ماابي احد يسألني عن اطفالي وعن مصيبتي ويذكرني بهمي اما الناس لا ارغب في رؤيتهم او الاختلاط بهم وزوجي بيرزقه الله بزوجه قويه تنجب له الاطفال ولاتخاف مواجهة الناس مثلي والله معي ان شاء الله بنفس التاريخ.. صدقوني قلبي متعلق بالاذكار من يومها وانا مؤمنه بالقضاء والقدر ولكن راحتي في انعزالي عن كل اللي ممكن يذكروني بحرماني من اطفالي ومستحيل ترجع حياتنا مثل ماكانت حبي الشديد لزوجي تحولت لكره اكره رؤيته والجلوس معه ولن انسى انه حرمني من رؤية اطفالي لاخر مره ابدا ابدا وانا دايما استغفر الله واستخرت واختار لي الصالح واعرف ان موت اطفالي الثلاثه بيوم واحد ليس نهاية الكون ولكنها النهاية لحياتي ومستقبلي وقررت ان احاول الخروج من هذه الحاله تدريجيا ولكن لن يحصل هذا الا باول خطوه وهي الانفصال والله استخار لي هذا وسيكون معي بجميع اموري لاتزعلون مني انتم ماتعرفون ايش يعني ان تستشعري وجود اطفالك حولك وان تشمي رائحتهم وتسمعي بكائهم ولا تجدينهم لانهم تحت التراب ولا تعرفون ماذا يعني الحزن على 3 اطفال ان تتخيلي كل واحد وكانك بداخل قبره وتتخيلي ضحكته ومناغاته ويملؤك حزن الدنيا ثم الثاني والثالث خسارتي عظيمه 3 اولاد مثل البدر نورو حياتي كشمس ساطعه قويه بل 3 شموس وفجأه يظلم كوني ظلام حالك ويفرض علي موتي وانا حيه قسمت قلبي ومزقته ل3 اقسام ودفنته مع كل واحد ياتيني احيانا ابليس اعوذ بالله منه ويقول دفن اطفالك وحيدين خايفين و وضعهم تحت الارض وغطاهم بالتراب مااقسى قلبه المجرم وارجع اتعوذ مرات ومرات واطلب الله ان لايجعل للشيطان مدخل بدل ان انشغل عنكم وعن الدنيا كلها بصراخهم وارضاعهم والباسهم و..................... اجلس وحيده مع هذا اللاب توب الذي لو نطق لاشتكى من حرارة اصابعي و واهج مثل الشرار يخرج من صدري واحشائي ودموع كأنهار جاريه عجزت عن ايقافها وارجع في كل مره اطلب الرحمن واناجيه واتقرب له بالدعاء تدرون ماذاادعو ربي كل يوم وما يأست ادعوه وانا مغمضه عيوني ان اكون بحلم طويل مزعج وابكي وانا ارجوه ان افتح عيني وينتهي ذلك الكابوس واراهم امامي ولكني في كل مره لا اراهم واجد نفسي وحيده والله اني احس بوجودهم حولي والتفت حولي لعلها حقيقه ولكن الحقيقه تقول اني لن اراهم ولن احضنهم واضمهم لصدري مره اخرى سامحوني لكنكم لاتعرفون شئ عن هذا الاحساس -------------------------------------------------------------------------------- ووصيتها كانت..... انتم اكثر من الاخوات شكرا على هذا العزاء الطيب والدعوات الصادقه ارجوكم بالنيابه عني اكتبو قصتي باكثر من منتدى احتاج دعوات اخواتي بالاسلام فقلبي ينفطر كل دقيقه وجسمي يرتعش وهو حااااااار ساعدوني بدعواتكم اتمنى لو تمسح ذاكرتي وانسى مامر بي ساموت من التفكير والتحسر يارب لا تؤاخذني ارجوكم انقلو عني لاكثر من منتدى وللحوامل بالذات ادعولها ان الله يمسح على قلبها ويرحمها برحمته ويصبرها على فراق عيالها.. اللهم أمين.. منقول الله يعينها ويصبرها ويعوضها خير بإذن الله وقد قال الله (وبشر الصابرين) اختنا في الله استسلمت وفقدت الأمل واوقفت حياتها عند هذا الحد هذا لا يجوز أبدا المؤمن القوي الذي يصبر ويحتسب اجره عند الله ويحمد الله على كل شي ولا يعترض على امر الله.............. |
لاحول ولاقوه ألابالله ...والله بكيت وأنا أقرا كلامها وربي يصبرها ويربط ع قلبها ولايجعل لشيطان مدخل عليها....
|
لاحول ولاقوة الا بالله العلي العظيم،،، الله يصبرها وينسيها،، فعلا بكيت لما قريت قصتها........... يارب احفظ لنا اجنتنا واقر اعيينا بشوفتهم وابعد عنهم العين والحسد................
الله يصبرها |
اختى انا فى فبراير اجهضت ثلاث توائم
تزوجت من شهور وانا بسن الاربعين ولم اكن اتوقع حملى بسرعه كونى كبيره بالسن وفور زواجى حملت لكن احيانا ينزل دم قليل وتوقف ثم بعدها بفتره رجع نزل كنت عامله سونار عند دكنورالمستوصف ووجد كيس واحد- سوناره غير متطور - وحتى مو باين الجنين لانه بالبدايه بعدها بكم يوم قصدت دكتور خاص عملى سونار ثلاثى الابعاد كنت اسئله شنو شايف غريب ؟مو باين الجنين؟!! يرد الى الان انا اشوف ثلاث اجنه يسئلنى اخذتى منشطات ارد لا انا اصلا من جديد متزوجه وحملت على طول قالى ان احد الاجنه شوى كيسه اصغر ممكن يظل ويكمل حمل ب ثلاثه اجنه وممكن يمتص الرحم الجنين الثالث ويبقى اثنان وعن الدم يقولى داومى على المثبات لكن وضعى كان مطمئن ومن فرحتى خبرت امى اهلى اهله امه اخته اخوه صديقتى ثانى يوم مجهضتهم حتى الدكتور بمراجعتى له سئلنى انتى خبرتى حد؟ يقولى العين زى فلقه الحجر انا اجهضت بشهرين لكن بطنى كان كبير جدا بالحجم الكل يلاحظه حتى زوجى يمزح وهذا قبل ان يعلم انهم توائم يقولى انتى حامل بديناصور؟! انا سمعت دقات قلب واحد الباقى قال لنصل لهم لازم سونار داخلى رفضت خوفا وباجهاضى شفت واحد من الاجنه بملابسى الداخليه والباقى الظاهر طاف بالمرحاض دون ان اشعر الظاهر هو اللى سمعت دقات قلبه حبيبى عندما عمل لى سونار ووجدهم كلهم راحوا اصبح لدى هبوط والدنيا تلف فينى ونقلونى غرفه ومغذيات وانا اسرد قصتى لك رجعت ابكى هذا الشهر بعد دورتى بفتره قصير احسست الم بالصدر مغص بطن كالام الدور قلت ممكن تجى بدرى هذا الشهر لكن الم الصدر استمر فتره وبطنى كبران ويتفرض تنزل اليوم دورتى اعراض ما قبل الدوره تشابه اعراض الحمل لكن هذه الاعراض لها فتره طويله انتظر كم يوم ممكن يكون حمل او الدوره لكن ان زادتت عدد الاجنه زادت فرصه اجهاضهم وحتى لو اتموا الحمل تظل هناك مخاطر وانا كل خوفى ان تتكرر مسئله التوائم معى واعيش قصه اجهاض اخرى رب لا تذرني فردا و أنت خير الوارثين ادعى هذا الدعاء معى والله يعوضك يارب كم شهور ولدتيهم؟ الله يعوضك اختى اما عن التاريخ الوراثى امى اجهضت توئمين وجدتى لابى اجهضت توئمين لكن انا وانتى كنا ثلاثه ما شاء الله قدر الله وماشاء فعل |
اخواتي
نعم ان العين حق وقد نحس الظن باناس يحسدوننا على امور بسيطة جدا وحتى انهم يملكونها نسأل الله العفو والعافية حبيبتي منى ان شاء الله حامل يا رب وربنا يعوضك عن الاجنة اللي فقدتيها امين |
اقتباس:
|
لاحول ولاقوه ألابالله
لاحول ولاقوه ألابالله لاحول ولاقوه ألابالله عسى ربي يبدلها خيرن منهم |
الرضا بالقضاء والقدر ركن من أركان الايمان
والصبر مفتاح الفرج |
| الساعة الآن 07:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©