أكره أهل زوجي
 

السلام عليكم ورحمة الله وبركاته
بدخل عالموضوع على طول أنا يا أخواني وأخواتي ما احب أهل زوجي
صح إن صارلي كذا مواقف معاهم...........بس ما احبهم........ بس ما اقدر
حاولت أطلع وأقعد وأسولف بس وجودي مثل عدمه حتى زوجي ما يتكلم معاي أو يشاركوني في شي........... بقول ما أريدهم أشاركهم ولا يشاوروني لأاني ما أقعد معاهم بس على الأقل يوم أتكلم وأفتح موضوع ويشاركوني....... إذا قلت شي يردون على قد الشي وخلاص.......... والله تعبت محد عطاني ويه............ والله حاولت أطلع بس ما أقدر والله ما أقدر..............مع إني ولا مديح بس من النوع الحبوب.........بس والله احترت واحتارت أفكاري معاي.......... حتى اثنينه من أخوان زوجي ما يطيقوني........ مع إني والله ما سويتلهم شي......بس أنا أعرف السبب أنا أدرس فالجامعة ومرات ما أحصل حد يرجعني فكانوا أهلي عند الوالدة علاج طبيعي وقريب من الجامعة وسبحان الله كنت أخلص في نفس الوقت اللي تخلص فيه......... وكانوا أهلي يرجعوني البيت....... فمرة من المرات كان أخوا زوجي فالبيت وشافهم ومن هذاك اليوم وهو حاط في قلبه علي وعلى أهلي إني يفضلوني على خواتي ( اثنينه من خوان زوجي ماخذين اثنتين من خواتي) والله إني أنا وخواتي محرومين من بعض ما بينا إلا التلفون وبالدس بعد........... ساعدوني أرجوكم شو أسوي..... وعندهم أفكار غريبة واللي يقهرني إن زوجي يتأثر بكلامهم مثلا يعني هذاك اليوم يقولون إن الحريم قد ما تسويلهن ما يقدرن العشرة وناكرات للمعروف....... انا بصراحة ما تحملت هالكلام وقلتهم عيل انتن مب حريم غذا حريم يعني ما تقدرن أزواجكم........ ومن هذاك اليوم وهم ما يكلموني......... أذا بكلموني بس مجاملة لزوجي...............


ساعدوني يا اخواني ويا اخواتي وادعولي بالهدايه يمكن أكون أنا الغلطانة في حقهم وإني أحط حواجز ما لها داعي ........... أرجوكم ساعدوني

و الله ما دريت وش أقول

بس لا تشيلين في قلبج كرهج له

يعني لا تقولي أنا أكرههم ، قولي أنا ما أحبهم ما أطيقهم

عندهم بعض التصرفات ما أحبها ، بس كلمة أكره شيليها و لا عاد تبطلين حلقج بها أبد ،،،،

خليهم بينهم بين الله ، اذا ظالمينك ثقي و تأكدي ربي بياخد حقج

بس لا تسوين حواجز و لا تكدرين روحج

تكلمي وياهم عااااااااادي ، تناقشي معاهم عاااااااااادي و كأن شيئا لم يكون

يوم تسوي طبخة حلوة وديها لهم ، يوم تروحين تسوين شوبينغ خدي غرض

حلو لعمتج و غرض حق أخت ريلج العودة ، أو مثلا حق ولد او بنت اخو ريلج

الاطفال الصغايرية ، بيروح يقول : يبه شوف مرت عمي وش يابت لي

هذا شي مجرب ، لما قال الرسول الكريم محمد صلى الله عليه و سلم : تهادو تحابو ،،،،،

ما قالها من فراغ ، فالهدية تجلب الحب ، و مو شرط قيمتها ، و لو كان مثلا طبخة و الا سكارف

و الا مثلا مجلة رسومات ملونة للأطفال أخو زوجك ،،،،، و خلج صبورة و مع الوقت بيحبوج

و اذا لا ، ربي يحبج لأنج تحبينهم في الله ،،،، لا تكبرين المشكلة ، و ربي يحفظج لريلج

تحملي حبيبتي وادعي ربك وعامليهم بالاحسن وان شاءالله يوم وراء يوم تزيد محبتهم لك وطبعا هذا بينعكس على الزوج وراح يندم على تصرفاته معك .......... موفقه حبيبتي والله يهدي النفوس ....

لا إله إلا الله محمد رسول الله

أحسن الى من أساء اليك
والله يصلح بينكم امييييييين

بحاول يا أخواني وأشكر مشاركاتكم التي رفعت من معنوياتي
خاصة كلام الأخ عزوبي بس رجل واااااااايد أثر كلامه في نفسي.....أشكرك وادعو الله لك بالزوجة الصالحة والذرية الصالحة

اختي ميار الحلوة:
أشكر مشاركتك.........أنا أتكلم معاهم عادي بس هم ما يحببونج فيهم.......شفت يوم الواحد ما يريد يكلمج شو يسوي.. حتى ما يطالعج ويرد عالسؤال وخلاص.........هم هكذا......وبصراحة هم دائما في هوى إخوانهم مب مع الحق أنا هذا اللي يقهرني لأان محد يوقف جنبي غير زوجي وصار كذا خلاف بينا وزوجي يدافع عني.....بس لين متى والله أخاف إن زوجي يقلب علي ويصدق كلامهم...........بس خبروني إذا هم صح أو انا لأن تصرفاتهم وأفكارهم وحتى زوجي مقتنع فيها بس إذا جاء الكلام صوبي يدافع عني حتى لو هو مصدق هالكلام..........بس ما يبين أمامهم بس أنا اللي أروح فيها.......من كلامهم زوجي ما يثق فيني كل حياتنا شك بسبب الموقف اللي ذكرته.............

أختي ميااااااااااا: شكرا على ردك الرائع وأدعو الله أن يبعد عنج كل شر

أختي hadifa: مشكوووووووووووووووره عالنصيحة الجميلة............هم هذيلا إذا تسو فيهم خير تلقى شر