|
اعلم ان زوجي يخونني ولايهمه احد
بسم الله الرحمن الرحيم
السلام عليكم ورحمة الله وبركاته انا متزوجة من 3سنين مدري اربع و الله احس كنها 30 سنة زوجي معروف ما شاء الله بعيونه الزايغة بس زايغة على مستوى على الجارات الاقارب حريم اخوانه خواتي شغالتي المهم لوبحكي لكم بيشيب راسكم انا عندي بنتين والحين حامل ومدرسة المهم قصتي معاه طويله كم مرة ومرة اكتشف خيانته واخرتها اكتشفت ان عنده شريحه وانا كنت متوقعه لاني استغربت هدوء جواله وفعلا تاكدت ان عنده شريحه انا صراحه ماني مصدومه متوقعه هذا واكثر منه لكن ياعالم انااااااااااااا تعبت نفسي اعرف اسلوب اوطريقةاتقاضى بها منه لاتقولون اشبعيه كلماشبع زاد وان صرت طيبةاو خبيثة او او لايعني له شي هو مستمر بطريقه من قبلي وبعدي ومستحيل حتى يقول ان هالشي حرام ان واجهته انكر حتى لو شفت بعيني خلونا منه و الله غاسله يدي منه احسه حتى الشيطان مايهمه هو يلعب على الشيطان ذكي وملكع وعارف كل شي بس ابعرف كيف اتصرف معاه هو مسافرالحين واثناءسفره عرفت سالفةالشريحه واتصلت عليه وقفل بوجهي طبعا منكرالموضوع وانا متاكده شرايكم وش اسوي اذا رجع بس قولوا اااااااااااامين عساه مايرجع وعسى الله يفكني منه يموت ولايطلقني نفسي بالطلاق بس ماابي شماتةالناس ولا لوم اطفالي يعني موته ارحم لوتعرفونه كان قلتوا اااااااااااامين تم تعديل العنوان أختي الكريمة : كلمات ( ما شاء الله ) ولفظ الجلاله ( الله ) تكتب كما هو موجود بين الأقواس . شكراً الإدارة |
صراحه مالي الا ادعي لك
الله يفرج همك ويجعل لك من كل ضيق مخرج الله يصلح حالك مع زوجك ويوفقك يارب الله يهدي زوجك وضال المسلمين يارب اللهم آآآمين |
والله لا أملك لكى سوى الدعاء فى هذه الساعات المباركة أن يفرج الله همك يا أختى ويهديه . حاولى لا تسكتين ايش رأيك لو تدخلى كبار من العائلة أو شيخ الحى عندكم لحل مشكلتك والتفاهم مع زوجك عسى الله يهديه.
|
انافعلا افكر اكلم اخوه الكبير بس ماني متشجعه احس ان زوجي مافي امل لاصلاحه
|
عليكم السلام ورحمة الله وبركاته
أخيتي ريميه هوني عليك الدنيا ماتسوى حبيبتي تخيلي حياتك بدونه إذا فعلا كرهتيه وإذا فعلا ماتبي الطلاق أقولك كيف تتخيلي انه مو موجود؟ حبيبتي تعاملي مع الجميع بهالكبرياء اللي تحسيها في وجود زوج وتعاملي معه ان لاوجود له يعني لاتجسسي عليه ولاتتعاملي معه بغيره خليه براحته لكن هناك أمر هام هو المناصحه بين المسلمين كأخوان وحقوق ليعضهم على بعض أخيتي كلما هدئت أعصابك تعاملتي معه بحكمه أكثر وكلما تعاملتي معه بغيض وغيره وخوف كلما كثرت أخطائك ووسعت دائرة المشكله تعاملي معه بهذه الطريقه لفتره محدوده أي أجعلي لديك شعور بأن هذه الفتره التي ستستخدمي هذا الأجراء لفتره زمنيه وعلى سبيل المثال لشهر حتى تهدء نفسك وتشعري أن أخطاءه هي مردوده عليه فقط الله جل وعلا هو الذي سيحاسب أما مسألة التقاضي وانك تريد التأديب بالمثل وأن تنطحي الرياح فأنتي التي ستنكسر وأنت فقط الخاسره أستخدمي سبل التقوى ..تقوى الله وعليك بالدعاء قراءة القرآن والصلاه ( وأستعينوا بالصبر والصلاه..) أخيتي ماأبديته هو رأي ... وما أنا إلا كحالك بشر أصيب وأخطأ .. |
حاولي انك تنصحيه بس بشكل غير مباشر يعني مره اعملي نفس نسيتي شريط ديني بسيارته يتحدث عن الخيانه وعن وعن طبعا مهم جدا ان يكون اسلوب الشيخ مؤثر
وبعدين شوي شوي اعطيه مطويه ويمكن يتعدل ما تعرفين حاولي بكل الطرق الله يهده يارب وفقك الله في رعايه الله |
مالك الا تدعين له بالهدايه والله يهدي الجميييع ....
|
الله يهديه لك ويسخره لك عليك بالدعاء له بالهداية
|
اختي الفاضلة هل حاولتي معه بطرق متنوعة و ما نفع ؟ حاولي جربي نصائح الاخوان هنا وبعد كذا إذا ما نفع تطلقي منه نعم لا تقولي شماته والله إلي يشمت فيك ترجع له واسالي مجرب سبق تزوجت رجل ما يحافظ على صلاته وعينه طويله صحيح مايعاكس ولا يزني لكنه عرضة لذلك دامه ما يصلى وطلبت الطلاق بعد اشهر من الزواج وقامت الدنيا علي وما قعدت لان مجتمعي شديد شوي لكنى ما اهتميت واستخرت وشاورت وصممت والكل انتقدني وشمت فيني لكن بعد كذا انتقم ربي من كل إلي شمتوا فيني وتطلقت بناتهم الله يعوضهم ماني شمتانه فيهم بس بوريك انتقام ربي والحمد لله ربي عوضني تزوجت شاب لم يسبق له الزواج ومستقيم وعندى ولدان منه والحمد لله. يا اختي الغالية الله تعالى يقول( الزاني لا ينكح إلأ زانية او مشركة) ويش يصبرك على شخص مثله وعندك بنات كيف رح يربيهم وهو بهذه الصورة ممكن بكرة يصيرون -لا قدر الله- مثله ومن زنى يزنى ولو بجدار بيته نعم يا اختي الغالية انقذي نفسك واولادك وكرامتك وصحتك واخلاقك قبل ما يغويك الشيطان بالانتقام منه بان تفعلي - لا قدر الله مثله - وسمعت عن حالات كثيرة كذا الله يحفظ لك دينك واخلاقك وصحتك وما دمت موظفة الحمد لله لا تفكرين باحد لانه مافي احد يعرف معاناتك غيرك، و إذا بكرة نقلك الامراض بسبب الزنا ما احد رح يوقف معاك انقذي نفسك قبل فوات الاوان
|
الله يصبرك ويعينك ياأختي حاولي تقدمين له النصيحة بالتي هي أحسن وان شاء الله يهديه الى الصواب امييييييييييييييين
كانت لدي نفس مشكلتك لكن بالصبر والدعاء وتقديم النصيحة بفضل الله تاب زوجي وصار ملتزما أفضل مني والحمد لله رب العالمين نسأل الله الهداية للجميع |
| الساعة الآن 08:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©