خطيبتي تريد العمرة مع أهلها .. ولا أرغب بالسماح لها
 

السلام عليكم

زوجتي,,,شاورتني وطلبتي اذني على انه بعد يومين تروح مع اخوها تاخذ عمره

طبعا انا ساكن على بعد اكثر من 2000 كيلوا عن مكه

طبعا انا مبدأيا غير موافق وقلتله اعوضك لاتزوجنا

لانها بتروح مع اخوها وكلكم تعرفون القلب مايرتاح,,,خايف عليها وماودري اكون شرير

واقولها لا بس اخاف من العواقب,,مع العلم انها تطيع طلباتي .

شو رايكم...,,؟؟

اتمنى الرد بسرعه :) هي بتسافر الاحد,,,ابي الرد اليوم

=) شكرا

تم تعديل العنوان بما يفصح عن محتوى النص
المشرف / شاطئ المحبة

خلها تروح مالها بعد الله ثم أنت إلا أخوها و أهلها

و أكيد هي بتروح تدعي هناك لكم

استودعها الله و لا عليها إلا العافية


الله يوفقكم

اهي زوجتك ولا لاء
اول شي تقول زوجتك بعدين تقول لي تزوجنا
على العموم تووكل على الله واسمح لها هي رايحه للعباده ومع اقرب الناس لها اخوها، راح تكسب الأجر لدفعها للخير
بعد تقدر تروح فرصه ما تعوض

اذا جيت لي انا ما احب خلوه الرجل بمرأه حتى لو كانت اخته
لانه زماننا الاغبر ما عليه امان حتى من الاب
الا اذا راحت الوالده معهم ساعتهاما في خوف
هذه وجهت نظري لاني مررت بكثير من المواقف التي تجعلني لا اثق بالناس حتى المقربين الزمن هذا بخووووووووووووووف
والله يحفظها ويحفظ كل بنات المسلمين
في رعايه الله

de rom ,,,,كلامك حلو,,شكرا

نور الأوطان,,,أنا قلتلها بنعتمر مع بعض بعد العرس,,تكون احلى واكثر طمأنينه !!

night,,,مشاركاتك 5000 وماتدري ان القسم ذا للمقبلين عالزواج,,,انا ملكت عليها = زوجتي لكن ماصار زواج = لسه ماتزوجنا.... الفرض مايتعوض,,,انا اوديها معاي ان شاء الله.

فوفو,,,هذا اللي يدور ببالي وخفت اقوله تقولون مجنون,,,,او خبل,,,,بس وهي الحين ببيتها اقولها اغار من اخوانك وربي وللأسف امها ماهي رايحه ,,,, :(

انت اعرف بأخوها

اذا رجال وحريص على اهله وأخلاقه كويسه ليش ما تروح

بالعكس شجعها على الروحه

والف مبروك مقدما والله يسخركم لبعضكم ويسعدكم ويهنيكم دنيا وآخره

ويرزقكم بالأبناء البارين

لا اله الا الله ..

اشدعوه اخوي خلها مسكينه تروح مع اخوها . .يعني هي لو تشوف انه اخوهاممكن يضرها كان ما راحت ...

اخوها يا ناس ورايحين مكه .. طبعا لاتقول لها لا ...

ان شاء الله بتوديها عقب العرس بس بعد يعني ممكن تكون اخر سفره لها مع اهلها او يعني اخوها .. خلها تروح وتتعبد .. وانتي ودها بعد عقب العرس ..

تعوذوا من ابليس ياجماعه الخير ترى الدنيا لسه بخير .. وان شاء الله ماعليها شر !!

خلها تروح ودامها تطيعك مسكينه لاتكسر بخاطرها !!

اخوي هي رايحة لبيت الله

و خلك طيب و اكسب اجر معها
و لا تفكر بالعواقب هي رايحة عبادة...

و اذا انتم لسة مملكين فلا تفرض عليها طاعتك..يعني هي لازالت في بيت اهلها..
و الله يتمم لكم على خير

اخوي انصحك تخليها تروووح

لان سبب منعك غير طبيعي .... وصدقني راج يفتح لك باب وسوسة مستقبلا


هي رايحة للعباددة ... وحرام تحرمها .. حرررررام


وهي بتقول ان غيرتك عليها من اخوانه ماله موقع من الاعراب


انا اشوف ان من حقها انها تروووح .... والله يوفقكمـ ويهنيكمـ :)


على فكرة :-

ترى مكة بالذات ... اذا الانسان قرر يروح لها .. ترررى مررة يتحمس لها .. وخلاص ينتظر الرحلة وكذااا .. فاذا منع من الروحة بتاثر عليه ....


:)