|
خايفه من العنوسه
بسم الله الرحمن الرحيم السلام عليكم ورحمه الله وبركاته هذي اول مشاركه لي بعد مده طويله لدخولي المنتدى كزائره مثل ماهو واضح من العنوان خايفه في يوم من الايام يفوتني قطار الزواج و اصير عانس الحين عمري 18 سنه و خايفه كأن عمري فوق 30 (مع احترامي لجميع من هم بهذا العمر ) احيانا اقول الى نفسي المفروض ما تدخلي هذا القسم لانك صايره تخافي من العنوسه انا ادرس في دوله اجنبيه و قبل لا اسافر وحده من قريباتي قالت لي بتدرسي برهـ احتمال كبير تصير عانس اذا درسي برهـ الشباب مايتزوجوا بنات يدرسو برهـ في ذاك الوقت رديت عليها بان الرزق من الله ولو مكتوب اني بتزوج بتزوج لو كنت على القمر الي اليوم مؤمنه بالكم اللي قلته لها بس صار لي شهر و كلامها يدور في راسي في الصباح و الليل ابعد الفكره عن راسي واقول الحمد لله مافي شي ناقصني جمال وعائله و اخلاق و دراسه كم ساعه وارجع الى نفس الموضوع اعرف ناس واجد بتقول ما عندها سالفه هالبنت في ناس اكبر منها مو متزوجين و ما فكرو بالعنوسه الا بعد 29 بس ارجوكم جاوبوني بصراحه في اي سن الناس بتقول عني عانس؟ اعرف انه مافي سن معين بس احترت و الله احترت امس خطرت في بالي فكرت الرجوع و الدراسه في بلدي او انتظر فارس الاحلام في بيت اهلي بس الفكره مرفوضه من الاساس بس اخاف اوافق عليها في لحظه ضعف تعبت نفسيا من ذا الموضوع |
ياااااااااااااااااااااااااااااااااااربي منكم يا بنات اليومين اهم شي عندكم الزوج
صح الزوج حلو بس بعد الواحد لازم يفكر في مستقبله كملي دراستك وخلي عنك الوساوس عيشي حياتك وتوكلي على الله والله اذا كاتب انك بتتزوجين راح تتزوجين حتى لو انك فوق القمر على قولك واذا ماراح تتزوجين ماراح تتزوجين لو عملتي ايش ولو انك صغبره وملكه جمال انتي اهم شي حافضي على صلاتك واخلاقك وابتعدي عن الحرام وان شاء الله الله بيسهل امورك بعد ما تتخرجي وتتزوجي بس لا تفكري في موضوع انك تتركي الدراسه توكلي على الله ولا تفكري الا في رضاء الله وفي دراستك والله يوفقك |
مادام عمرك 18 اعلمك على سر
فيه غلطة تسبب العنوسة وهي التشرط ورد الخطاب بحجة الدراسة او انه مايصلح ولما تكبر الى سن معين يروحون الخطاب لان البنت كبيرة في السن والشباب غالب ما يفضل الي في سنه يفضل الي اصغر منه من جاءك من ترضين دينه وخلقه تزوجيه الدراسة لاحقة عليها حتى لو لا قدر الله تتطلقتي المطلقة الصغيرة في السن فرص زواجها افضل من العانس الكبيرة والارزاق بيد الله الله يرزقك الزوج الصالح |
اقتباس:
و الله الزواج مو مهم عندي في الوقت الحالي بس خايفه اني اصير عانس اغلب الشباب في هذا الزمن يتزوجون البنات الصغار يعني بوصل الي سن معين و بكون عانس لازم افكر بذا الموضوع من الحين مشكوره على الرد |
اقتباس:
معك حق في كلامك بس بقوله شغله تحججت بالدراسه لاني كنت صغيره و بعدني ما خلصت الثانويه بس اكيد الموضوع يختلف بعد الثانويه مع ذالك تظل الدراسه مهمه بس ما تمنع الزواج اذا كان الزوج متفهم في كذه بنت اعرفها زوجها رفض انها تكمل دراستها لانها بتدرس في الرياض !!!!! فما بالك ببنت تدرس برهـ البلاد |
شوفي انتي عمرك 18
بعد ما تتخرجين يكون عمرك مناسب جدا للزواج 22او 23 سنه يعني مو سن عنوسه بالعكس اقل من السن هذا ما ينفع وبعدين من قالك ان الشباب الايام هذي يدورون الصغيره؟بالعكس هم يدورون المثقفه الانسانه المتعلمه وخاصه لما تكون في السن هذا يعني متعلمه وصغيره مو بزر عمرها 17 والا 18 سنه مع احترامي لك انتي توك مو في سن زواج وبعدين العنوسه معروف فوق سن الثلاثين مو في العشرين |
نسيت اقولك كملي دراستك قبل لا يجي زوج المستقبل ويتحكم فيك
وش يضمن لك انك بتتزوجين واحد يعينك على اكمال دراستك وتحقيق طموحاتك واحلامك لا تخلين هاجس العنوسه يكون عائق لتحقيق ذاتك وبعدين انا مستغربه ليه ما تستشيرين اهلك في الموضوع؟؟؟ |
لاحول ولاقوة إلا بالله
سبحان الله ... فى ناس تحب تنصح بكلام ليس لهو غير شرووود عقولنا بكلام خطئ أعلمى جيدا أن الزواج رذق فلا سن ولا شهاده يعطلوا الزواج أو يأخره الزواج لو لساعه كل شيئ عن ربك مكتوب فلا تيأس فلا حياه مع اليأس وابتسم لتسعد:) أختك مصرية |
مادامك من السعودية
نصيحة لاتسافرين لانك بتدرسين وتدرسين وفي الاخير مافي وظيفة االبيوت مليانة خريجات وحتى معهم دبلومات انجليزي وحاسب ولا توظفوا مافي الا المجال الطبي والشباب يعزف من الزواج منهم !! خذي الدراسة من باب تضييع الوقت وشغل الفراغ ..... |
والله مدري
لكن قضية انك تدرسين برة ..... اتوقع ممكن تأثر عليك فعلا من ناحية الزواج صحيح ان اخلاقك علاية ووو لكن برضو فكرة ان البنت تدرس برة وبلحالها ... قد ما يتقبلها الشاب المقبل على الزواج الله يوفقك :) |
| الساعة الآن 01:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©