|
اتطلق والا لا ؟؟
اخواني واخواتي أعضاء المنتدى ....
كل من مر بتجربة مثل تجربتي ينصحني وله مني جزيل الشكر والعرفان .... والدعاء أنا متزوجه من 5 سنوات ... وعندي ولدين الله يخليهم لي ... من 3سنوات بدأت المشاكل مع زوجي ...بإختصار : يسب . يشتم .يذل . أهم شيئ عنده نفسه وراحته لو على حساب راحتي اللي ماألقاها الا عند أهلي .. في أحد المرات ضربني وابوي موجود في مجلسه الخارجي وطردني .. وأخذ مني عيالي وقفل عليهم الغرفة وقالي والله لاأحرق قلبك عليهم !! ورحت عند أهلي وقعدت عندهم اسبوع ماذاقت عيني النوم ولا الراحه لين رجعت ذليله مكسورة بس عشان خاطرهم ... بعدها عرف كيف يمسكني مع اليد اللي توجعني!! عرف اني ضعيفه وخوافه ومسالمه وان اهم شيئ عندي بالدنيا عيالي .. ضمن اني مو ممكن اتركهم لو ايش مافعل.... بس أنا خلااااااااااص ... وصلت حدي ... خاصة اني موظفه وصرت أدفع لأغراض بيتي وفواتير الكهرب والغاز ... و ...و ... وحتي ادفع قيمة أغراض ديوانيته!!! لو ان زوجي فقير كان اول من ساعده انا وماهمني ... لوان حياتي معاه مضمونه كمان ماهمني ... تصدقون انه في كل مشكله يقولي اذا مو عاجبك الوضع الباب يوسع جمل!!! ماني حاسه معاه بالآمان ... فاقده كل معنى للحياة الزوجيه .. للسكن والمودة والرحمه!!! انا الزوجه الثانيه ... زوجته الأولى وكما ذكرت في أحد مشاركتي أعتبرها اخت لي ... وهذا انا وانا عند أهلي بس تدق علي وتسأل وتقولي أرجعي بسرعه انا محتاجتك وأبيك الجلسه معك توسع الصدر ... وهذا من فضل ربي! من حركات زوجي البايخه ... طلبني آخذ له قرض بمبلغ وقدره ... وبدون ضمانات !!! ولما رفضت حرمني من الدوام ... وبعد اسبوعين من الغياب دخلت امه في الموضوع وقالت له خلها ترجع وتتكفل ببيتها (حسبي الله عليهم ) وصرت انا حرمة ورجال البيت... تصدقون انه يشتري لعياله من زوجته الأولى ويجيني بكل وقاحه اذا تبين شيئ لعيالك هاتي فلوس !!!!! هذا غير انه اذا تهاوش مع زوجته الأولى يجيني بكل مافيه من احساس ومشاعر ..ويحقرها ... والعكس صحيح!! بصراحه تعبت ومليت ... بس خايفه اذا قلت له معد ابي ارجع وابي الطلاق انه ياخذ عيالي ... وانا عارفه لو اخذهم محد بيشوفهم او يراعيهم ... لأنه مره تهاوش مع زوجته ووداها عند اهلها وحرمها من عيالها .. وانا كنت معهم بالبيت ,,, والله والله والله ان الشغاله هي اللي معهم ومحد يهتم فيهم غير عمتهم آخرالليل تجي وتنام معهم بشقتهم ... وبس!!! يعني لو تبي الشغاله تسوي فيهم اي شيئ تسوي ومحد يدري عنها!!! انصحوني تكفوووون ... مع العلم ان عيالي صغار في حضانتي شرعا وقانونا بس زوجي واحد مايعرف ربه ولا يخافه.... اولاد وهذا رحمه من ربي... اهلي يقولون لي تطلقي ... وابوي شايل همي مررره ويقول انا ماراح ارتاح الين اشوفك عندي .... عطوني رأي الله يفرج عليكم دنيا وآخره |
صديقتي العزيزة
فرضاً ولا قدر الله تطلقتي !! ماذا ستفعلين بعد الطلاق ؟ حيرة وحسرة على اطفالك شماتة كل من حولك وجحيم مجتمع لايطاق انت الان في جحيم رجل واحد بالطلاق ستصبحين في جحيم مجتمع واهل وعيلة لا يرحمون ستكدين وستعملين وتعودين باخر الليل الى غرفة مليئة بالدمع والكآبة والحرقة لاطفالك صديقتي خذيها مني عن تجربة مريرة وبدون اطفال واعيش بجحيم لا يعلمة الا الله فما بالك بوجود اطفال الزمي شقتك واضربي بوقاحة هذا الرجل عرض الحائط وانسي انه موجود الا اذا رئيتة بعينك كوني لنفسك ولاطفالك وكوني قبل كل شيء مع الله |
السلام عليكم ورحمة الله وبركاته
الأخت الكريمة ذكري زوجك الله ورسوله صلى الله عليه وسلم و العقاب والثواب و جزاء الظالم و إن لم تجدي صدى فقد قال الله تعالى : { وَإِنْ خِفْتُمْ شِقَاقَ بَيْنِهِمَا فَابْعَثُواْ حَكَماً مِّنْ أَهْلِهِ وَحَكَماً مِّنْ أَهْلِهَا إِن يُرِيدَا إِصْلاَحاً يُوَفِّقِ اللّهُ بَيْنَهُمَا إِنَّ اللّهَ كَانَ عَلِيماً خَبِيراً }{35} سورة النساء فالطلاق علاج عند إستحالة الحياة الزوجية مع وجود التنازلات فإن إستحالة الحياة معه فالطلاق مع نظرة المجتمع خير من زوج مع ذل الحياة ومرارة العيش والأفضل كما قال الله تعالى في الآية الآنفة أن تكلمين الوالد ليكلمه ويتكلم مع أهل العقل الراجح من اهله لحل هذه المعضلة و ليكن الحل بتدخل الرجال ذوي الألباب حتى يصبح الأمر واقعياً و إن إستهميتِ على أمر فلا تنسِ دعاء الإستخارة لكي يتم الامر بالتوكل على الله سبحانه و بما أن الأولاد حق قانوني لكِ فهذه نقطة قوية بيدكِ ولن يستطيع الإحتفاظ بهم و لتهتمي بتربيتهم التربية الطيبة لعل الله سبحانه يهدي زوجكِ للطريق القويم اللهم يسر أمرهم و أصلح شأنهم و أعد السكينة لبيتهم و الله ولي التوفيق |
أختى لقد قلتيها بنفسك أولادك حقك شرعا وقانونا.
خذيهم وروحى بيت أهلك ولا ترجعين له الين يعقل لا تخافى ترى اللى من نوعية زوجك ما راح يقدر يسو شيئ لو لقى اللى يقف له وكده كده انتى تصرفين على عيالك يبقى ليش العيشه بنكد وغم !!!!!!!!! |
هناك طبيعة في غالبية الرجال وهم انهم ماينجابون بالعناد والقوة بالعكس يزيد من تكبره وعناده حتى ولو كان مخطئ
100% ولذلك امرنا الشرع بعدم نصيحة السلطان في العلن لانه بزيد تكبر وعناد وجبروت ولكن بالطيبة والرقة ينجاب ويخضع وامر النساء بحسن طاعة الزوج لانه العناد راح يزيده عناد وتكبر والمرأة ضعيفة ادنى شيء يكسرها اتمنى ان تقرأي هذا الموضوع http://www.66n.com/forums/showthread.php?t=52223 بالطيبة بالحسن التعامل بالكلمة الحلوة بالصبر على اخطأءه وعدم العتاب الاذع وامتصاص غضبه وحسن التبعل راح يخضع بأذن الله وانتي مأجورة بأذن الله على حسن تبعلك لزوجك ورأيت هذا بعيني زوجات تزوجن من رجال راعين سوابق اخلاق زفت منتهين على الاخر مطلقين وفي الاخير دلعو زوجاتهم على الاخر والسر انهم مدلعات ازواجهن على الاخر وكما قيل في السابق كوني له أمة يكون لك عبد |
ما أعرف , يا ناس ما سمعتوا عن المحامين و القانون ؟؟
الأولاد حق للمرأة حتى سن البلوغ و الفتيات حتى الزواج أبي كان مثل زوجك و حاول يحرق قلب أمي بس أمي جابت محامي و خذتنا منه و عايشين معاها حتى الآن ( فوق ال15 سنة ) أولادك حقك و كيفك فيهم , خذيهم و روحي بيت أهلك و ما رح تفرق لانك انتي من الأول المسؤولة عن الصرف بس راح تعيشي باستقرار و أمان نفسي بعيد عن المشاكل و إياك و موضوع القرض لأن نفسية زوجك سيئة و ممكن يتسبب في دخولك السجن و هذا قد حدث مع الكثيرات قبلك لا ترضي أن تذلي نفسك , إنت انسانة متعلمة و موظفة و عندك طفلين , الحقي نفسك قبل لا يصيروا خمسة ستة ما أعتقد تبين تربين أولادك في هذا الجو الغير عائلي و يشوفوا أب غير حنون و بيت غير مستقر اتمسكي بأولادك و تذكري لا يمكنه أبدا دا أخذه منك إن لجأت للقانون قضية اسمها حضانة الطفل إن شاء الله تكسبيها بسهولة حتى لو خطف أطفالك و خبأهم تنفذي أمر اسمه " الضبط و الإحضار " هذا يخلي شرطي يبحث عنه في أماكن عمله أو تواجده و يرغمه على تسليمك الأطفال انسانة متعلمة مثلك لا يجب أن تغفل عن حقها الشرعي و القانوني في تربية أطفالها اسئلي محامي و اتأكدي من كلامي أول شيء بدون محاكم و لا شيء , خذيهم بيت أهلك بسكوت و هدوء عمل مشاكل , خطفهم , حاول ياخذهم بالقوة , وقتها تلجئي للأساليب اللي قلتلك عليها معلش كتبت كثير من حرقت عليكِ لأن شفت هالوضع بعيني و أنا صغيرة |
الله يفرج همك
و أكرر كوني قوية و استشيري محامي و عيشي لنفسك و أولادك و فكرة إنه يحرق قلبك هذي صارت موضة قديمة مع انتشار الوعي القانوني الجيد |
ام الطاحوس والله العظيم كأنك تتكلمين عن حياتي وحياة كثيرين من الموظفات اتصدقين اني اروح الدوام والكدمات بوجهي وامس انضربت بالشارع علشان شوي شاي انكب بالسياره بس الصبر علشان اتلذذ بنصر الله وبمناجاته وبالشكوى له والله ان نصره قريب انتي لقيتي من يواسيك وانا ذبحتني شماتة اهله واذاهم اتصدقين لعانه مسكني ابدروم اهله وانا بنت عز
والله لينصرك الله لمي عيالك حولك اهتمي فيهم ركزي على تربيتهم والدعـــــــــــــــــــــــــــــــــــــــــــــ ـــــــاء في كل حين وعيالك بعد الله بيبردون قلبك الصبر الصبر |
اولا كان الله في عونك...
ثانياهلا زوجك يعيش حالات طبيعية اي انه لا يتعاطى اي من انواع المخدرات؟؟ وهل تغير فجأة بعد زواجكما..؟ عموما .. يقولون العاقل خصيم نفسه وانتي ان شاء الله عاقله اتمنى ان تسألين نفسك هذا السئوال وانتي في غاية الروقان ومنتي متوترة ولا متضايقة (( هل الطلاق افضل من العيشة معه؟؟ وماذا بعد الطلاق؟؟ ومن سيدفع ثمن طلاقي وراحتي منه؟؟)) تمنياتي لك بالتوفيق ولا تنسي ان البيوت اسرار والله العضيم انك لو تعرفين بعضها كان يشيب راسك لكن الحمد لله من قبل ومن بعد.. اسئل الله ان يصلح لكي نفسك وزوجك يارب العالمين دمتي بود nage7 |
الف شكر للجميع على تفاعلكم ... وجزاكم الله عني خير الجزاء ... والله انكم اثلجتم صدري بمشاركاتكم ...
نوارة لوز >>> كان الله بعونك وأزال عنك ماأهمك من أمر الدنيا والآخره وعوض الله صبرك خيرا ً انه على ذلك قدير...أحب أوضح لك أن الأوضاع تختلف من بيت لآخر ... وأنا الحمد لله في بيت وعائله ومجتمع ماعنده مشكله بالنسبه لموضوع الطلاق ... علاءالدين2008>>> كلامك عين العقل عزيزتي والله يجزاك عني كل الخير... بس للأسف ماعندهم أحد ممكن أدخله في الموضوع ...أكتشفت بعد زواجي انهم مقاطعين أهلهم ... وأعتقد من خلال اطلاعك على عقلية زوجي يتضح لك السبب.. نسيان الماضي >>> كذااااااا الدافع والا بلاااااااش ...الله يسعد دنيا وآخره no#1>>> والله ومالك علي يمين اني ماأعرف أقوله لأ ... والدليل على ذلك سكوتي على الظلم وعلى هضمه لحقوق عيالي ... والله مايسمع مني الا سم وابشر وتامر أمر .... وياكثر الأشياء اللي سويتها له كل هذا لأني أراعي الله فيه وابي الأجر منه .... لكن ماثمر فيه المعروف ولا ثمر بأهله.... بعدين أنا طول هالسنوات وانا خاضعه ومسالمه والكل يقول لازم تحطين حد وتصيرين قوية..عشان كذا انا باجرب بس عسى النتيجه تجي على ماأحب وأبي لأني وحده ماأحب المشاكل ولاالهواش ... والله يسعدك على نصيحتك.. قطرة حياة >>> والله يمكن مابقى محامي ولا استشاري اجتماعي ونفسي او قاضي او شيخ الا سألته مابقى الا هيئة حقوق الأنسان وهذي راح ألجألها في الأخير ... ومثل ماقلتي صحيح هم من حقي بس ان الإجراءات تأخذ وقت وتطووووول وانا مافيني ابعد عن عيالي ... والعيب يالغالية مو في الشرع ولا في القانون العيب في الأنذال أمثال زوجي اللي على قولة مايبي حرمه تكسر خشمه لو على حساب عياله !! بصراحه اعطيتيني دااااافع الله يسعدك ويوفقك... أرجو منك ان كنت في السعودية تزوديني بإسم المحامي ولك مني جزيل الشكر والعرفان برعم الورد >>> آآآآآه ومليووون آآآآه ... يا عسى يده تنكسر قولي آمين ... حسبي الله عليه ... حسبي الله على كل من تجبر وظلم ... طلعنا من بيوت عز ودلع ودلال ورحنا لناس ماتخاف الله ...ماتعرف الا القسوة والاهانه والذل ... اصبري يالغالية ان قدرتي ...اصبري والله معك وبينصرك بإذن الله ... اما أنا والله مل الصبر مني.. ومناجاة الرحمن يامحلاها في كل وقت وحين ... مع رجالنا او بدونهم ... الله لايحرمنا من طاعته وشكره ودعاءه والتضرع اليه في كل حين .... منصورة ومأجوره بإذن الله... nage7 >>> زوجي لايتعاطى ولامدمن ولاشيئ ... اللي فيه طبع سيئ ...فيه كبر وتعالي ماشفتها بأحد من خلق الله الله لايبلانا ...وفعلا اخي الكريم سألت نفسي هذا السؤال وانا رايقه ومبسوطة وفضلت اني اعيش بعيده عنه ... اما بعد الطلاق فهذا في علم الغيب بس ثقتي بالله كبيرة والحمد لله أهلي متعاونين ومتفاهمين اما فرضى الناس غاية لاتدرك ... الناس بتتكلم في كل الاحوال ...اما الثمن ... فلو جلست عنده اعتقد ان الثمن بيكون اغلى من اللي راح ادفعه وانا بعيده عنه .... تحياتي لك |
| الساعة الآن 05:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©