احتاج مشورتكم الغاليه ؟؟
 

اخواتي الغاليات
والله ما اعرف كيف ابدء بس انا دايما القى عندكم النصيحه و سداد الراي الله يوفق الجميع هني
مشكلتي الي قلتلكم عليها ما زالت موجوده يعني كان اخر اتصال بيني و بين ريلي قبل حوالي 8 ايام و من يومها ما يتصل ولا يسأل علي ولا كان في هناك زوجه تاركها بعد 3 شهور جواز في بيت اهلها
طبعا اساسا المشكله بيناتنا يوم ما عاتبته انه تركني بعد الزواج بشهرين في بيت اهلي و للحين ما رد من سفريته الناس راح ياكلون وشنا كل يوم اساله للوالده وللوالد و لاخواتي بعد شلون يسوي فيني جديه فا عاتبته و قلتله الي صاير مو صحيح انت متى بترد قال نهايه الشهر قلتله نهايه الشهر يعني شهرين و انت غايب ما يصير ما يرضى احد انا وضعي مرة محرج و انا جديه عند هلي قال والله هدا الي عندي و سكر السماعه و بعتلي رساله انا ما احبج و اصل جوازي فيج كان غلطه يعني يا عالم مين غصبه كان ليتزوجني كان انا الي طلبته والا هو الي طلبني يعني يتركني و انا حامل بعد شهرين جواز و ان عاتبته يكون هدا الرد!!!المهم انا قررت اني ما ارسله ولا اعاتبه و اشوف لوين عقله يوديه بس اخاف انه يعند و ما يظهر حتى في نهايه الشهر انا فكرت اني اخلي الوالده تتصلي عليه و تساله وايش السالفه وليش ما نسمع صوتج يعني منها تشوف ميته و منها تعلمه ن اهي عارفه ان في مشكله بيني و بينه كنت راح اقول حق الوالد يتصل بس من الوالد شوي كبيره يعين راح يشعر ان الموضوع كبر و اني شكيته حق ابوي
وايش رايكم بفكرتي انا بس اتمنى ان اهو يرد و يقعد ويى اهلي و يرسون وياه على خير لاني وصلت معاه لباب مسدود صبرت عليه من ثاني يوم جواز و انا في عذاب الله يعلم بالحال و ما الشكى الا لله اسالكم الدعاء لاختكم في ظهر الغيب تراني مهمومه و متكدر حالي يالله في امان الله

الله يهديك بس انتي المفرووض تركتيه من عرفتي انه كذا
ليش تصبرين..
واكبر غلطة ان البنات يحملوون بهالسرعه .

المهم ماعلينا هذا شي وصار
انتي كلمي امه او اخته افضل وشوفي وش يصير...

تحياتي لك وربي يوفقك ويفرج همك

والله البعض يقول تحملي ولاتتركينه وانت الحين تقولين لي اتركيه .. ؟؟ لاحول ولاقوه الابالله ماادري والله وايش العمل بس انا مالي 3شهور متزوجه يعني الناس ماترحم والله كله كان يااختي قدر ومكتوب جزاك الله خير على تفاعلك معي

لااعرف كيف انصحك
ادعي الله بقيام الليل
اتصلي به واطلبي من السماح
الله يفرج همك يارب
في دعاء حلو
قولي اللهم رد الي زوجي ردا جميلا

مشكوره اختي نايت وماقصرتي الله يعطيك العافيه

لو ما رد ارسلي مسج فيه اعتدرا شوفي شي من المسجات الحلوه وكتبي له انج ندمانه والبيت بدونه ظلمه(هاي تعلمتها منالمنتدى لو اعرف جان كتبت لج اكثر بس ماعرف المشكله ) الله يسخره لج يارب واصبري مع الدعاء
اقري سورة البقره خيرها كثير

Heba 2008 لن انصحك يان تتركيه مثل ورود الغلا ما قال . واللى ماارضهوش على بنتى ماارضهوش عليكى .
قى بداية الحياه الزوجيه تظهر تناقضات جوهريه بين الزوجين لاختلاف الطباع والشخصيه .
لاانصح بادخال احد حاليا فى مشاكلكم .
لاتلحى على زوجك بالعوده ولامانع من محادثته من حين لاخر واضفاء جو من الرومانسيه على الاتصال وليكن رساله جميله على المحمول فى ذكرى عزيزه عليه ، اوصباح جديد .
المهم تجعليه مشتاق لصوتك ورسائلك والاسراع بالعوده .
لاداعى ان يكون كل اتصال بمشكله مطلوب حلها .
اجعليه يترقب اتصالك
وفى حالة عدم الاستجابه لمطالبك فحينئذ لن تلامى ان ادخلتى احد كبير يحترمه زوجك فى التوسط بينكما .ومعلهش الزواج فيه كده وفيه كده وربنا يطمنا عليكى

الاخت نايت 2008 والاخ رؤؤف محمد مشكورين اخواني ماقصرتوا الله يعطيكم الف عافيه

الله يعينك حبيبتي هبه

لا استطيع ان انصحك لا بالبقاء ولا بالطلاق..........ولكن نصيحتي لك

عليك بسورة البقرة اقرايها يوميا .....يعني ما مهم تقريها كلها وقت واحد .....وانما تقدري تجزئيها بعد كل صلاة

صديقني حبيبتي هذا الشيئ انا جربته ....وان شاءالله ما راح يكون الا الي فيه الخير لك ولجنينك
واكثري من الدعاء والاستغفار

الله يفرج همك ويسعدك في الدنيا والاخرة