|
تمت النظرة لكن لم يرد بالموافقة .. هل ينتظر رأي أهله ؟
السلام عليكم
هذا مو كلامي هذا كلام صاحبتي وهي ضايق صدرها بقوة من هالسالفة ولأنها مو مسجلة هنا طلبت مني أكتبها لكم : أبي رايكم تكفون .. أنا خطبني واحد اتصلت اخته على امي ( لأن امه ميته الله يرحمها ) وقالت انهم يبون يخطبوني وطلبت منها رقم ابوي وجا الولد لأبوي وجلس معاه وبعده ابوي سأل عنه المهم بعد السؤال .. امي كانت منبهه ابوي وقايله له انها ماتبي أهله يجون قبل تبي الولد هو يجي قبل ويشوفني وبعده يجون أهله .. لأن اخته كانت قايله لأمي انهم بيجونا هم واياه اذا صار يوم الشوفة.. فأبوي قال له اننا موافقين عليك واذا تبي تشوف البنت تفضل .. لكن هو قال بجي انا وأهلي لأن هم اللي بيسألونها وبيتكلمون معاها انا ماراح اتكلم معها بتكون مستحية وبالكثير راح نسلم على بعض لكن ابوي أصر وقال ماعليه جيت أهلك ضرورية لكن نبيك تجي انت لوحدك بالأول .. فاهو وافق وجا وشافني ولما طلعت عليه سلم وقال اتمنى انه ابوك وصلك كل المعلومات اللي تبينها عني واذا انتي عندك اي استفسار او حاجه تحبين تعرفينها فأنا مستعد اجاوبك .. فأنا قلت لا ( طبعا ماقلت بس أشرت براسي انه ماعندي شي ) وجلست شوي وبعدها طلعت .. بعدين هو لما جا يطلع من البيت قال لبابا انتظرك ترد علي .. ومن بكره ابوي اتصل عليه وقال اذا تبي اهلك يجون الله يحييهم .. فقال خلاص بقول لهم يتصلون على اهلك ويحددون موعد وبالفعل اخته اتصلت علينا بنفس اليوم اللي ابوي رد عليه وحددوا مع امي يوم يجونا فيه .. هذي كل قصة حياتي قلتها لكم عشان بسألكم الله يخليكم هل معناه هو موافق والالا ؟؟ يعني هو ماقال لأبوي انا موافق او لا بس قال انتظرك تتصل علي .. حتى اخته لما كلمت امي ماقالت لها انه موافق او اي شي عن جيته مع انها هي تاخذ وتعطي مع امي كثير .. لكن هالمرة مالمحت عن موافقة ابدا بس قالت بنجيكم تكفون ردوا علي الله يوفقكم ... يعني هو ينتظر رأي اهله عشان يقرر والا ايش قصته ؟؟ تم تعديل العنوان بما يفصح عن محتوى النص المشرف / شاطئ المحبة |
صديقتك مستعجلة جدا وتستبق الأحداث :)
لا بد أن تأخذ الأمور مجراها الطبيعي مثل هذه الأمور لا يكون القرار فيها بين عشية وضحاها ثم هو لم يتكلم معها بالشكل الذي يخول له الحكم عليها وإن استأنس برأي أهله فأين المشكلة ؟ هم بالتأكيد سيجلسون معها ويتكلمون معها أكثر مما فعل هو وبالتالي يستطيعون أن ينقلون الصورة إليه ويأتي الرد بعد أن يأخذ الانطباع الكافي فمسألة عدم الرد الفوري أراها طبيعية حتى يأخذ الوقت الكافي في الاستخارة والاستشارة وفقكم الله |
شكله مواااااااااافق
واضح انه موافق ما راح يجيب اهله ... ولا قال لابوه انتظر رك .. الا انه موافق بس ما يبي يقول موافقته عشان ما يربط نفسه ... ولا يقول قراره الا بعد ما يستخير ويجزم 100% هذا الي اتضح لي ... والله يوفق الجميع:) |
الله يوفقك ويحققلك امانيكي كلها واذا كان من نصيبك يسهل امورك ويختارلك الا في الخير انا احساسي انو إن شاء الله خير لكي بس الموضوع يبغاله صبر ...
ادعولي بالصحة والعافية والذرية الصالحة |
عليكم السلام ورحمة الله وبركاته
صعب نحكم على النية ! لكن بالشكل الذي ذكرتيه بموضوعك اشوف انه فيه قبول مبدئي من ناحية الرجل لأنه لو كان ماارتاح ليه يخلي اهله يجون لكم مره ثانية ؟ كان خلى اخته تكلم وتقول ماصار نصيب وانتهينا ! بما انهم حددوا موعد للزيارة فأتوقع الموضوع ماشي في السليم مبروك مقدماً والله يتمم لكم على خير .. |
الله يوفق صديقتك للخير و الصلاح
و طمنيها شكله موافق بإذن الله |
اقتباس:
راي اوافقه .. وبقوه ... ولا يعلم النيه الا الله ... لكن نحن نكم بالظاهر والخافي يعلمه الله .. ودعيها تستخير الله ... والف مبروك مقدما اذا هي موافقه .. ماشاء الله تبارك الله ... |
| الساعة الآن 06:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©