زوجي وكذبه علي ..
 

السلام عليكم ورحمة الله وبركاته
إخواني أنا عضوه قديمه وغبت كثير بسبب زواجي
واليوم أنا رجعت عشان أستشير أصحاب الرأي السديد يمكن أنا غافله عن شي
أصحاب التجارب يلقونلي حل أترجاكم ساعدوني صدق أنا أعاني وما أقدر أقول لأهلي
عموما ماراح أطول زياده المقدمه
إخواني أنا متزوجه من سنه تقريبا والمشكله إني أحب زوجي بجنوووووووووووووون وهو كمان الحمد الله يحبني بس المشكله إنه كذااااااااااااااااااااااااااااااااااااب لأبعد درجه وله فتره يتعاطى حبوب غريبه ولقيتها عنده وطبعا هو بكل تبلد ولا مبالاة يتعامل معي لين إنهبلت من التفكير كنت محتاره أنا ظالمته ولا صدق ماخذ شي ولا أنا مقصره معه بشي
وتناقشت معه كثير بكل عقل وخاصمت وصرت صارمه وحنيت ووعد إني بوقف معه
وماإقتنع يعترفلي بشي وصدقته
وكنا مسافرين لأحد المدن اللي فيها أهلي وبعد ما جهزنا شنطنا لقيت الحبوب في محفظته بالصدفه وإنهرت وبكيت وقفلت علي الباب ونمت لحالي بغرفه وبعدها قلتله ما حنسافر وقعد يحنحن سااااااااااااااااااعه ومن حبي الزايد له يتقطع قلبي ما أتحمل أشوفه يترجى ويزن والجرح إللي جواتي يقولي لا تسامحينه بس في النهايه أدوس على الجرح ويهمني هو أكثر من نفسي وعلى طول قلت خلاص نسافر بس إوعد وإحلف طبعا قالو للكذاب إحلف .........................
بعد كذا سافرنا وسكنت في بيت جدتي أنا وهو وبعد ماوصلنا بساعه حطو العشاء وأنا رايحه للعشاء أمزح معه وخبطت جييبه بالغلط لقيت كميه كبيره من نفس الحبوب مع إن إللي لقيتها قبل السفر رميتها بالسيفون الله يكرمك
عموما أنا أهم شي عندي قبل مايبطل الكذب إنه ماياخذ هذي البلاوي ثانيا صار عندي مشكله مره كبيره ماأقدر أصدقه في أي شي أصدقه قدامه وفي قلبي وعقلي أقعد أفكر وأحرق في نفسي لدرجة نحفت 9 كيلو من بعد زواجي وصرت كأني مريضه وكل الناس يقولونلي الفوز من الجوز وش فيك صرتي كذا والله جدتي إنهارت يوم شافتني
المهم بعد مالقيت الحبوب حطيتها بجيبي وعطيته ظهري وبدون ماأحكي دخلت العشاء عشان ما نتفاظح عند أهلي وما أكلت هو أكل كالعاده مايفرق معه وبعد ماخلص قمت أوريه وين المغاسل وطلعت غرفتي وإتخاصمنا للسما وراح عند إخوانه ينام عندهم وجدتي سمعت المشكله وإخوي سمع ونزل وجهي الأرض
وبعد كل هذا حكو معه أخوي وجدتي وقالوله عرفنا البنت ليش شكلها صار مريضه وحالتها حاله .... وزوجي وعد إخوي وأهلي إنها نزوه وماراح يعيدها
قلت ماراح أرضى لين نرجع من السفر لديرتنا وحااااااااااول يقنعني مارضيت ورجعنا وإتصالحنا بعدها قلت خلينا من المطار نروح أوتيل نغير ونعمل 5 أيام عسل ورحنا وكل شي أنا دفعته ما أمن بس عشان إتقطع قلبي عليه إني رجعته من السفر وهو كان متحمس
وفي أيام الأوتيل صارحني بمصااااااااااااااااااااااااااااااااايب تشيب الراس وقلت هذي أول مره أقسى عليه بس الحمد الله جابت نتيجه وفتحلي كل أوراااااااااااااقه وبعدها رجعنا البيت عادي وبدى دوامه وفجأه أمس إكتشفت إنه ماخذ حبوب وألحين أنا قاعده معه في نفس الصاله بس متجاهلته على الأخير وأبي حل أترجاكم ساعدوني أحبه وماأقدر أشوفهه يتدهور والكذب معذبني لدرجه صرت أتخيل إنه يكلم بنات لمن يطلع من عندي والمصيبه كفشته كثييييييييييييير وإحنا أخذنا بعض عن علاقه دامت 5 سنوات وبعدها خطبه 3 سنوات مع العلم إنه كذب علي حتى بعمره وبعد ماحبيتها 5 سنوات عرفت إنه أصغر مني ب3سنوات ساعدوني الله يستر عليكم وعلى أهلكم يـــــــــــــــــــــــــــــــــــارب


تم تعديل العنوان ليتضح المضمون ..

أختي زوجك مبتلى بمشكله كبيره ويحتاج علاج مايحتاح أنك تقسين عليه وأذا هو مستعد يترك هذا الشي حاولي تاخذينه لدكتور يساعده ويعالجه لأنه صعب يتركها كذا بدون أي شي
ونسأل الله له الهدايه.ولجميع المسلمين.

المشكله أخوي سعود زوجي ماهو مدمن والله وبس يستخدمها إستهبال أنا متأكده من هذا الشي عموما إيش الدكتور إللي أقدر آخذه له ...........
والمصيبه هو ظابط أخاف أخرب مستقبله أنا مره أحببببببببببببببببببه ومحتاره قاعده أتعذب
وأشكرك على الرد أخوي الله يوقفلك عيال الحلال بطريقك ويفرج همك يارب

الأخت الكريمة / يرجى عدم ذكر أسماء المدن بحسب نظام المنتدى . وشكراً .
المراقب. النور والحنان

شوفي يا أختي


دام إنكم تحبون بعض ، فهذا الشي بيختصر عليكم الحل


إذا كان يحبكِ فحاولي تدقين على الوتر الحساس ، حاولي تقاطعينه ( أنا عارف إنها صعبة عليكِ لكن مهي مستحيلة )


يقول الشاعر :


وقسى ليزدجروا ،ومن يكُ راحماً ::: فليقسُ أحياناً على من يرحم



وأنا أقولك يا أختي : عامليه معاملة الطبيب للمريض ولا تعاملينه معاملة الشرطي للحرامي


وتذكري دايم إن فوقكِ رب يعلم حالكِ ويسمع كلامكِ ويستجيب دعاءكِ




الله يجمع بينكم على خير

السلام عليكم
حبيبتي انتي بعدك في بداية حياتك
اول شي لازم تأجلي موضوع انك تحملي للاهمية لانه حرام يجي بيبي والحال مو مستقر
تاني شي اجلسي معاه جلسة مصارحة وشوفي شو هاي الحبوب وانتي عم بتحكي انه ضابط يعني انسان واعي مو جاهل
خليكي صارمة معاه بهذا الموضوع وخلي قلبك بعيد شوي لانه هالامر لازم ينحل والا بتستمر حياتك هيك طول عمرك
ودائما لا تبخلي بالدعاء و زيدي الوازع الديني عند زوجك
ويارب يفرج همك