|
خطيبتي عنيدة وخجولة وباردة !!
السلام عليكم ورحمه الله وبركاته
أول شي حاليا انا ملكت وزواجي بعد شهرين ونص المهم انا بكلمكم عن البنت طبعا كاخلاق ودين ونسب ماشاء الله لكن مشكلتها عنيده وتستحي وايام احسها بارده يعني اقلها سوي كذا تقول لا انا متعوده اسوي كذا اعلمها لازم تتصلي على زوجك وتطمنى عليه تقول طيب واسبوع مافيه اتصال ارسلها رسايل مافيه رد ولما اعاتبها تقول اخر مره ولما اكلمها على التلفون ساكته ولما اقابلها ساكته ولما اتغزل فيها مااعاد اسمع صوتها وبعد أسبوع طالع لها زياره حبيت اسأل اخواتى كيف اقدر اتعامل معاها الشي الثاني مانى عارف ايش اختارلها هديه فستان ولا عطر ولا ساعه انتظر نصيحتكم اخواتى تم تعديل العنوان بما يفصح عن محتوى النص المشرف / شاطئ المحبة |
عفواُ يُنقل للمقبلين على الزواج حيث مكانه الأنسب ..
|
واضح أنها خجولة بدليل صمتها المستمر
أخي الكريم لا تضغط عليها حتى لا يكون لذلك نتائج سلبية لكن لا مانع بأن تكون منك مبادرات لكسر الخجل لكن احرص أن تكون بالتدريج ولا تنتظر النتائج بين عشية وضحاها عليك أن تتحلى بالصبر فهي دخلت مرحلة جديدة في حياتها وأنت رجل جديد عليها. وخير ما تصنع بإهدائك لها .. فللهدية وقعها الخاص على النفس وإن كنت تملك القدرة المادية فاللاب توب هو أنسب هدية ولا تقلق بشأن الخجل فهي مسألة وقت |
حلات البنت وهي بخجلها ..
وعلى طاري الهديه ما انصح بفستان .. خذلها عطر ولا ساعه |
جميل الخجل اخى فاصبر عليها
اقتباس:
وبالنسبة للهدية ارجح ان تاخذها وتخرج كانه خروج للتنزه واذهب بها لمحل هدايا واجعلها تختار هديتها بنفسها لانك بهذا تكون حققت عنصر المفاجاة وفى نفس الوقت بهذا تستطيع التعرف على زوقها وما تفضله الله يتمم زواجكما على خير عاجلا غير اجلا |
طالما أنها خجولة فلا داعي لزيارتها وأنصحك بالصبر لمدة شهرين ونصف وحتى لاتفسد ليلة الزواج السعيدة ومايصاحبها من خجل فهو ملحها وحلاوتها
وبارك الله لكما وعليكما وجمع بينكما بخير وبالله التوفيق |
طنشها اسبوع رح تصير هي تطاردك
|
بالنسبه لزيارتي لها انا قلتلها انه لو شفتك ساكته زي كل مره
ثاني يوم بمشي يعني اسافر ممكن اكون ضغطت عليها لكن لو مافلتلها هالكلام والله ماراح تكلم وانا انسان اجتماعي يعني احب اتكلم واناقشها فى حياتنا للآن مو عارف ايش يدور فى راسها وكيف تتمنى حياتها تكون أشكر جميع اخواني و إخواتي اللى قدموا نصائحهم لي وكل الكلام اللى قلتوه ماراح اهمله وراح اخليه بعين الإعتبار واتمنى ان الجميع مايبخلون عليه بآرائهم |
ماشاء الله دين ونسب واخلاق
وانت تحبها يا اخي انا ما احبذ طريقة: ليه ماتتصلي علي .. ليه ماتتكلمين معي في طريقه تقدر تخليها تشتاق لك وترسل عليك من غير ماتطلب منها بالتدريج طبعا يبيلها شوية وقت في البدايه انت اعمل لها كل الاشياء اللي تبيها تسويها لك مثلا مسجات تصبح عليها في وسط اليوم ترسل مثلا وش تسوين؟ او ترسل لها فجاه مسج ... (احبك) وتتركها ... لاتنتظر ترسل لك هي لانها اكيد راح تكون مستحيه وماتعرف وش ترد واكيد في نفس الوقت طايره فرح اتصل عليها وكلمها كم دقيقه اسال عن حالها .. ووين راحت او عن دراستها او اي شي .. وقبل لاتسكر قل لها ديري بالك على روحك .. وسكر .. بين لها اهتمامك قبل النوم ارسل لها تصبحين على خير يعني خلها تتعود عليك بالتدريج من ثم تتعلق فيك يوم ورى يوم اكثر واكثر لما تحس انها صارت متعلقه وهي لازالت مستحيه انت خفف اهتمام طبعا هي راح تلاحظ تغيرك يعني مره ارسل تصبحين على خير ويومين لاترسل هي راح تبادر وتسالك وش فيك متغير قل لها لا بس كنت تعبان شوي ونمت بدري او اي عذر .... لاتقول لها انتي ماترسلين لي ماتسالين عني لأ وان شاء الله راح تتجاوب معك .. يعني بالباكر راح تسالك انت الليله بخير وهكذا يا اخي ( هذا بس توضيح لكن بطريقه غير مباشره .. انت قيس المواقف اللي تصير بينكم على المثال البسيط اللي قلتلك عليه فوق ) كل شرحي يبيله وقت على شان هي تتعود عليك ويخف المستحى وتتعلق فيك وبالتالي تفقدك وتشتاقلك وتسال عنك بدون انت ماتصرح وتطلبها اتمنى افدتك الله يوفقك يا اخي |
بالنسبه للهديه
مافيه مثل الورود |
| الساعة الآن 12:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©