|
خطوبة , ملكة , أرشدوني
السلام عليكم
الي مروا علي موضوعي ( هل أقول له ان شعري كشة ) طبعاً عرفوا انه جاييني عريس و انه تمت الموافقة, و الي ما قروه عرفوا الحين =) بقول لكم السالفة و أبغى مشورتكم كما تعودنا أهله عايشين بمنطقة و هو يشتغل بالمنطقة الي انا عايشة فيها , وحدة من أقاربه هايشة هنا برضو و هي الي كانت ماشية معاه بموضوع الخطوبة , و على أساس لما يتم كل شي يجوا الأهل يوم الشوفة كنا انا و ياه مستحيين و ما تكلمنا مع بعض ولا كلمة , بس الي حولي تكلموا معاه شوي وافقنا و سوينا الفحوصات الي أخذت لها أسبوعين قريبته كلمت ماما و قالت لها طلعت النتايج , و انه هو يبغى يكتب الكتاب ( يعني يملك ), و انه أهله يجونا قبل يوم الملكة نتعرف على بعض, و كم مرة قالت لأمي انه يبغى أهم شي يملك عشان الشركة يعطوه البيت العائلي ما يعطوه ياه بالا بالعقد . الأشياء الي مضايقتني حالياً: * أول شي مو المفروض أهله يجوا يتقدموا رسمي قبل الملكة , يعني كيف مثلا نحدد يوم الملكة و نشوف أهله قبلها بيوم بس , ولاّ الموضوع عادي !! * احنا متعارف عندنا بالعائلة انه في فترة خطوبة , و هم عاداتهم مختلفة عننا , يعني عندهم على طول ملكة, طبعاً اقاربي لما عرفوا انهم طالبين ملكة على طول , جلسوا يقولوا لي انت تجننتي و من هذا الكلام , يعني ابدا ما صار بينكم فترة تعارف , يعني على الأقل اعرفي منطقه و أسلوبه ... , انا محتارة نطلب فترة خطوبة حتى لو اسبوع ولاّ كيف , ولاّ اتوكل و أخليها ملكة على طول, أنا قلت أمشي على الشرع عشان ربي يبارك لي , بس الي حولي يقولوا مادام أهلك و أهله موافقين يعني عادي , مدري !! * الشي الي منرفزني أكتر شي سالفة البيت , يعني كم مرة قالت الحرمة لأمي يعقدوا عشان البيت, يعني بدأت أحس انه خطبني و مستعجل عشان ياخذ البيت مو عشاني !! * شكراً لمروركم على موضوعي , و مساندتي , انا حاسة اني ودي انتف شعري |
* الشي الي منرفزني أكتر شي سالفة البيت , يعني كم مرة قالت الحرمة لأمي يعقدوا عشان البيت, يعني بدأت أحس انه خطبني و مستعجل عشان ياخذ البيت مو عشاني !!
انتي راح تعيشين بهالبيت اللي ياخذه .. ولاتاخذيها بسوء الظن .. يمكن علشان يجهز اموره اول والبيت بعد .. لاتاخذي في هالشي عديه لأنه بالاخير بيكون بيتك ... الله يسعدك يارب... هموووم |
تسلمي أختي على مرورك
صح كلامك , بس انا مدري شفيني خفت لما شفت الوضع زاد, يعني كم مرة ترددت الكلمة يمكن حساسية زايدة ربي يطمنك و يوفقك |
التعارف مهم ولو لمدة يوم واحد تتمكني خلاله التعرف على اهم ماتودين معرفته وكذلك هو وبعدها يمكن اجرا الملكة اذا
لم يكن له او لك اي ملاحظة مهمة على بعض لاتكوني حساسة بخصوص ان استعجاله للملكة هو من اجل الحصول على البيت وليس من اجلك لان حصوله على البيت هو من اجلك اصلا |
العجله من الشيطان وفي التأني السلامة
ولكن في حال زاركِ أهله ووافقوا قبل الملكة وكانت طريقة كلامهم معك جيدة وأرتحتي لهم فلا بأس بارك الله لكما وعليكما وجمع بينكما بخير وبالله التوفيق |
نصيحه اطلبوا خطبه
وكثفي الاستخاره خلالها وتتتعرفين عليه على الاقل بعدين ماتتندمين بالتوفيق |
اطلبي فتره خطوبه ولو شهر وتتحدثي معه في وسط اهلك وابوك وامك وتكوني بكامل حجابك
عشان ماتتسرعي بالملكه ولا قدر الله لو ما عجبك ما تكوني خسرتي شىء |
عليكِ بالاستخاره وتوكلي على الله
|
| الساعة الآن 07:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©