|
كـيف أقنع زوجـي بأخذ الأولاد معنا في السـفر
الســــــلام عليكــم و رحمة الله وبركاته ،،
إخوانـــي في الله ،، لـــدي مشكـــلة و أرييـــــد لها حل،، الســـنة عزمت مع زوجـــي الحبيب علــى الســفر للتغييـــر ،، لان صار لنا 2 سنوات ما رحنا مكان (اقصد خارج الدولة) ،، ولكنه طلب مني ما آخذ كل العيــال معنــا ،، يريــدني آخذ الكبــار و اعمارهم 5 سنوات و 7 والباقين اتركهم عند اهلي أو اهله ،، وقلبي مش مطاوعني اعمل كذا ،،، اقترحت عليه ناخذ الخادمة معانا وخاصة احنا راح نقعد في شقة 4 غرف مش فندق .. ورفض!!! أنا بين ناريــن .. نار اولادي ،، ونا زعله اذا اصريت آخذهم ،،، وش اسوي... اريد حـــــــــــــــــــــل ،، وكيف اقنعة انهم ما راح يزعجونه في السفر أختكــم في الله للحياة |
اختي سافري مع زوجج لحالكم و جددو شهر العسل و خلي الاولاد عن اهلج و ان شاء الله ما عليهم شو و اط
|
عفواً تم نقل الموضوع للمتزوجين حيث مكانه الأنسب مع تعديل العنوان ليتضح المضمون ..
|
بالنسبة لي وأنا أمثل نفسي وأتحدث عن تجربتي الخاصة فلا أقبل أصطحب أي طفل دون الخامسة حرصاً عليهم من الضياع وخوفاً من الإزعاج ولأسباب عديدة لايتسع المجال لذكرها ومن أهمها صعوبة نقلهم في أجرة التاكسي وإزعاجهم للآخرين ووو ........... الخ
وأعتقد أن زوجك كريم كونه قرر السفر بكِ ولم يعارض فلا تكوني ممن يطمعون أكثر |
اختي سافري وغيري جو وانبصطي وفرصه لتجديد المشاعر خاصه هو من اقترح فحتى لو اخذهم عند اي موقف منهم سيتذمر ونصيحه الاطفال دون الخامسه يفسدون اي متعه في السفر نصيحه
|
بحكم تجاربي
الاطفال دون الخامسه ماينفعوا للسفر وبالذات خارج الدوله انا اقولك الأسباب : 1- ماراح تطبخي وكثرة الاكل الخارجي يضر الكبار فما بالك باللأطفال ...راح يتأثروا بسرعه وانتوا رايحين فسحه ولامن مستشفى لمستشفى لاسمح الله !!!!..... 2- الاطفال يملوا بسرعه يعني لو رحتوا سينما او اماكن للكبار ومااقصد المحرمه والعياذ بالله راح يسببوا ازعاج لكم وللناس . 3- زوجك راح يطفش من صياحهم وكل شويه وقف في الطريق هذا يبغاله تغيير حفاظه وهذا يبغاله رضعة حليب .هم صح اطفاله بس راح تخليه يقرر انها بتكون آخر رحله له معاكم وبعد كذا يسافر لوحده مع اصحابه . ايهما ارحم لك !!؟ 4- السفر للخارج راح تخرجوا من صباح العالمين وماترجعوا الا آخر الليل او المغرب طيب فين نصيب الاطفال من الراحه ؟؟ 5- اذا عند اهلك مأمنين عليهم وعلى راحتهم وترفيههم ومتعودين على خيلانهم وخالاتم خلي اللي اقل من 5 سنوات عندهم .. على الاقل اكل صحي ونوم صحي وراحة ... والله يسهل عليكم .. |
أخواتي العزيزات ،، اريد اوضح ان هذي السفر راح يكون معنا 3 عائلات .. وكلهم راح يأخذون اولادهم معهم .. الا انا زوجي مش راضي .. ما يريد ازعاج على رايه .. وفي نفس الوقت وافق ياخذ عيالنا الكبار ويريد يترك الصغار بحجت انهم مزعجين ..
انا لو كنت رايحة معه لحالنا ما كنت فكرت آخذ احد |
عرض علي زوجي السفر لاهلي بلا أولادي لاني كنت تعبانة ومريضة كثير
بآخد بس الصغير لانه الكبار عندهم مدرسة رفضت وما قدرت هذا وأنا مريضة ومحتاجة رعاية ما بالك بسفرة و وناسة هذا رأي اقنعيه بروحة الخادمة خلي هالصغار كمان ينبسطو ويفرحو مع إخوانهم الله يسر امرك |
انا مع رأيك اختي الكريمه والله قليل النساء مثلك في وقتنا الحالي
الكثير من النساء تسافر بالشهور وتخلي عيالها واذا سافرت قالت والله اشتقت لهم طيب وش وداك بعيد عنهم انا من رأيي ان تصرين على اخذهم او تنكسلين السفره لأن تحيلي يصير شي لأحد عيالك وانتي بعيد كيف تعيشين من تأنيب الضمير لا قدر الله مع التحيه |
أنا رأيي غيرك وغير زوجك.....
لا تأخذين الكبار ولا الصغار....( بيكبرون ويسافرون وبينبسطون) سافرنا مع أهلنا وإحنا صغار .....ما نذكر شي من السفرة.... <<هذا كله بشرط إستئمانهم عند أهلك>> الله يحفظ أبنائك ويسعدكم. |
| الساعة الآن 11:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©