|
خايفة اكون السبب بدخولها لاني مانصحتها
السلام عليكم ورحمة الله وبركاته...........
عندي مشكله صعبه ماني لاقيه له حل وارجو منكم مساعدتي باايجاد حل مناسب عندي وحده قريبه لي مره موظفه وحالتها ميسوره يعني مو محتاجه لشي بدت مشكلتها من 5سنوات لما زوجها انسجن بسبب ديون عليه انسجن لمدة 6 اشهر في الفترة هاذي كانت هي المسؤلة عن اولادها وكان عددهم 5 اطفال واولاد اختها لان ابوهم وامهم متطلقين المهم كثرت المصاريف عليها وكانت ماتصرف فلوسها الا على الاكل والشرب وبس اما من ناحية الملابس والاحذية وغيره كانت والعياذ بالله تسرقهم انا خفت عليها ان احد يمسكها ويقطعون يدها لان عندنا بديرتنا اللي يسرق يقطعون يده صرت احاول اخوفها مثلا اقول اليوم شفت وحده مسكوها سارقه وفضحوها واخذوها الشرطة والا اقول لها انهم يدورون على وحده بنفس مواصفاتك سرقت ياويلها والله كلهم يدورونها المهم هي ماعاد تهتم لاحد وصارت تجيب ملابس لكل اللي حولها اقاربها جيرانها وملابس غاليه مو رخيصه اغللى شي يوصل سعره 600 ريال تكفووووووووون ابي حل سريع ابيها تخاف ومعاد تسرق لاني كم مره حلمت انو يدها تنقطع تكفوووووووووون ساعدوني مالي الا الله ثم انتو وجزاكم الله خير انتظر ردودكم |
هي اشلون تسرقها ؟ الدنيا فوضى !!!!!!!!!!!!
تقولين ملابس غالية , اللي أعرفه المحلات الغالية تضع جهاز كاشف على بابها لكشف السرقات و الله مو مقتنعة إن السرقة بهذه السهولة !!! هذا أولا أما ثانيا هل هي مريضة بالسرقة ؟ في ناس تسرق بدون ما تحس , تسرق و ما تحس إلا لما ترجع البيت و بعدين تندم هذا مرض نفسي معروف , فهل صديقتك تعاني منه ؟ لو فعلا إذا يجب أن تتعالج عند طبيب نفسي , و بما انها فقيرة فلازم تساعدوها ( أقاربها و صديقاتها ) ثالثا احكيلها عن الحلم اللي حلمتيه يمكن تخاف ذكريها بعقاب السارق في الآخرة و الدنيا عظيها بشكل مباشر لأن التلميحات ما نفعت معاها الله يفرج كربها و يعافيها مما تفعل |
وليه اللف والدوران
انصحيها بوجهها وخليها تتقي الله في نفسها اولا ثم في الاطفال الي مسؤوله عنهم ولاتصير هي وزوجها بالسجن الله المستعان |
ناس عجيبة يعني هي مو متعضة من دخول زوجها السجن
هذه مابيغالها غير ان الواحد يفضحها يمكن تستحي على وجهها وتبطل سرقة عاد تحمد ربها انها متوظفة وعندها دخل .. سامحني على الرد بس من قهري من الناس اللي على شاكلتها |
شكرا على ردودكم
بس المشكله هي تعرف تفك جهاز الانذار اللي باالملابس وانا صعبه اني اقولها بوجهها انها تسرق لانها محترمه وشكلها غير عند الناس وانا ماابي ابين لها اني اعرف عنها انها تسرق ابي طريقه انصحها فيها بدون ماتعرف انو انا |
كنت متوقعه انها تفكه والا كان علووم
الله المستعان اكتبي الكلام الي تبين تقوليه ومايمنع اذا كان باسلوب تهديد بالكمبيوتر واطبعيه يمكن تخاف وربي شئ يققققققققققهههر |
اكتبيلها رسالة نصح و إني اللي تسويه كثير صاروا يعرفوه و ذكريها بمصيرها دنيا و آخرة و حطي الرسالة عند باب بيتها
أول مرة أشوف ناس تفك جهاز الإنذار !!! أعوذ بالله |
تقولين ماعليها قاصر
يمكن المسكينه خايفه ان الفلوس ماتكفي ثم تموت هي وعيالها وتحاول توفر او تحس ان عندها فلوس ومانقص منها شي لكن هي ضعيف ايمانها يمكن ذكريها ان الرزق من الله وان الفلوس بحسن التدبير والتوكل على الله تكفي وخليها تبطل السرقه وقولي لها ان في الجمعيات الخيريه مساعده لمن زوجها مسجون يتكفلون بها بعد الله .... ضعف الايمان ترى يسوي والخوف على عيالها ... انصحوها ولاتلومونها بزياده لانها تفكر بعيالها ...وعيالها ضعفها |
أختي الكريمة ... أعتقد والله العالم ... أن الخير ما زال موجودا فيها ... ما فعلت ذلك إلا خوفا على أولادها ... صحيح أن ما تفعله بدون شك من الكبائر ... ولكنها تحتاج إلى موعظة يرق لها قلبها ... وليس إلى تهديد كما ذكر بعض الأعضاء ... التهديد لن يجدي نفعا معها لأنها _ وكما ذكرت أنت _ أنك قلت لها أنهم يبحثون عن سارقة مثل مواصفاتها .... إلخ .. لذا كان لا بد عليكم أن تعظوها موعظة تلامس شغاف قلبها .. أختي الكريمة :: :: بعد أن علمت سبب سرقتها ... كان أولى بكم _ أقاربها _ أن لا تحوجوها إلى السرقة ... أملؤا عينيها بمساعداتكم فأنتم أقربائها .. وأحتسبوا أجر الصدقة وأجر القرابة ... أسال الله عزوجل أن يردها إلى دينها ردا جميلا ... وأن يلم شملها بزوجها ... اللهم آميـــــــــــــــين ... دمت بحفظ الرحمن ... |
| الساعة الآن 03:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©