|
محيط المشاكل بدأ بحياتي من بدايه هذي السنه
السلام عليكم ..
طبعا انا اول مره اعرض مشكلتي بس انا من زمان اتصفح هذا المنتدى ... وجاء الوقت الي احسـه فيه اني ودي اتكلم بصدق... اول شي اهنيكم واهني كل الاعضاء والله يوفقكم ويسعدكم كلكم ماني عارفه ابدا من ايش ولا ايش انا بنت مدلعه ومرفهه ...واعيش بعايله لها مكانتها بالمجتمع وعيشتنا حلوهـ مره جات الفتره هذي وصارت كل حياتي مشاكل في مشاكل مدري اقولكم المشكله الاولى ولا الثانيه ولا الثالثه طبعا ..وصار فينا تشتت شووي بين افراد العايله انا طبعا بحكم دراستي برا منطقتي اسافر وادرس وانا بنت طبعا بس اني الحمدالله وربي قد ثقه اهلي وعمري ماسويت شي يغضب ربي ولاشي.. طبعا انا عندي غير مشكله مشاكلنا اللي صارت وتغير حياتنا المفاجئ .. دراستي ومستواي نزل ... وزني نزل ... عندي مشكله شخصيه وهي اني حبيت شخص وحبني والحين ظروف فرقتنا ... وانا عادي خلاص يوم انتهينا قلت خلاص مو مشكله ... بس اني منقهره على موقف ان قبل مانفترق كان يدري اني بروح مشوار وشفته هناك بس انه ماكلمني ولا سوا شي بس واقف من بعيد كان < وكل ماذكرهذا الموقف احس بتأنيب ضمير ولو اني مدري ان هذا بيصير وكل ماذكرت هذا الموقف اموت الف مره ولو اننا ماتكلمنا ولا شي اصلا كنت طالعه مع اهلي وطبعا لاتفكرون اني اكلمه جوال ولاشي لاا انا ماغلطت معه ابد بس ماني عارفه ايش اسوي وكل المشاكل حولي متجمعه: المشاكل اللي حولي ولا مشاكلي بدراستي وصحتي اللي اندمرت ومشكلتي العاطفيه انا كنت اطمح لتخصص وتخصصت فيه لكن مستواي مو حلوو ابد صاير وكل ماضاقت فيني قلت ليه اتعب بدراسه وليه اتعب من دنيا مصيري بموت ؟ ليه ادرس وليه وليه ؟؟ وصار الاكتئاب ملازمني وصرت اقارن بين حياتنا الاوليه وحياتنا الحين ؟ قلت ليه الاول احلى... اتمنى تساعدوني حالتي النفسيه ...دمار ؟ مو عشان مشكله وحده انا عندي مشاكل كثيرررررررررره لاتهونها اصلا مشكلتي العاطفيه هذي بالطقاق مصيري بنساها بس مشاكل حياتي مدري كيف ابدا وكيف انهي فيها صديقاتي بعد وحده سافرت وثنتين راحوا جامعه ثانيه ووحده انخطبت وصرت لحالي بعد يعني ...مدري وش اسوي ؟ المشكله خالتي مسكتني مره وقالت لي: انتوا السبب بمشاكلكم ...وانتوا بيدكم تحلونها قلت انا صغيره ماني مجبوره احل مشاكل كبار هم بدوا فيها ؟ ليه يحملوني مسؤوليـه حل مشاكلهم وانا مالي شغل فيها بالاساس غير انها جزء من حياتي ؟ وزياده على كذا في ناس يرمون علي كلام يجرح ..ماهم مراعين شعوري ؟ مشاكل كثيره والله يخليكم ابي شي يساعدني لاني فقدت املي وصحتي ويمكن دراستي عن قريب والاسباب كثيرهــ اتمنى الرد بإسرع وقت ؟ |
ودي أساعدك بس لعدم طرحك لمشاكل أهلك فراح أحاول حبيبتي
أولا الحياة علمتني شيء مهم قبل أن تغير الحياة من حولك إبدأ بنفسك يعني أول شيء ابدئي بالمشاكل اللي تاعبتك عشان لما تحليها تبدئي في مشاكل الناس اللي حولينك و ممكن بمجرد حلك لمشاكلك غيرك ياخذك قدوة له الآن نلخص مشاكلك : المستوى الدراسي نزل هذا طبعا نتيجة للإنشغال بالتفكير بالمشاكل نتيجة لتضييع الوقت في الحب و التفاهه ( معلش اتحمليني ) نتيجة للتفكير في ما مضى من أيام حلوة و تنسين إن أمامك أيام إن شاء الله أحلى إذا تشيلي كل السابق من راسك و تبدئي تهتمي بدراستك نظمي وقتك , خذي كتبك و اقعدي في الهدوء في مكتبة الجامعة و ادرسيلك كم ساعة في الهدوء أبرك من عشر ساعات في الإزعاج استغلي الوقت بعد صلاة الفجر لأنه وقت مبارك بالرحمة و السكينة ادعي الله كثيرا و تقربي منه الآن المشكلة الثانية : وزنك اللي نزل لازم تراجعي طبيب و تعملي تحاليل دم , يمكن معاكي أنيميا أو سكري لأنهم من الأمراض اللي مشهور عنها تضعف الواحد ابدئي بتغذية نفسك تغذية سليمة , تناولي البروتين مرتين يوميا على الأقل , البيض في الصباح و نوع من اللحم في الغداء أو العشاء و أكثري من الفطر ( المشروم ) , ابتعدي عن أطعمة المطاعم لأنها تسبب النحافة قللي من التفكير المستمر خذي فترة نوم لا تقل عن 8 ساعات المشكلة الثالثة : حبك لشخص ما قلتي إنك ما كلمتيه في جوال و لا غلطتي معاه و لا شيء , اللي ما فهمته حبيبتيه شلون يعني ؟ شفتيه مرة من بعيد و سميتي هذا حب و عذبتي نفسك فيه ؟ و لا فيه قصة ثانية لم أفهمها ؟ المهم إنتي بنفسك قلتي " مشكلتي العاطفيه هذي بالطقاق مصيري بنساها " خلاص انسيها و طلعيها من راسك و كلمة أقولها لكل بنت و امرأة الرجل اللي يطرق الباب من النافذة ليس رجلا اصلا حتى تحبيه أو تحزني عليه لو يحبك فعلا أو معجب فيكِ كان طرق البيت من بابه و طلبك من أبوك المشكلة الرابعة : اعتقادك أنك مصابة بالأكتئاب حبيبتي , أعوذ بالله من كلمة الإكتئاب , إنتي لو تعرفي حقيقة مرض الإكتئاب كنتي ما كتبتي انه عندك , الإكتئاب مرض يكون بسبب انفصال عصب في الدماغ و يجعل صاحبه لا يفرق بين الحرام و الحلال و الحق و الباطل و يفكر أفكار سوداية مثل الإنتحار و إيذاء الذات و البكاء المستمر , يا أختي طلعي الفكرة من راسك توك صغيرة على هالبلاوي المشكلة الخامسة : مقارنتك بين الماضي و الحاضر هذا ممكن يكون المفتاح لكل ما سبق , فتفكيرك المستمر و مقارنتك يدمرانك أختي , الأيام مو كلها حلوة , و يوم لك و يوم عليك و قال تعالى " و لا تحزنوا على ما فاتكم و لا تفرحوا بما أتاكم " اللي فات احمدي ربك انه كان حلو و الحاضر استعيني بربك عليه و المستقبل إدعي ربك أنه يكون جميل و مشرق الزمي الدعاء و الإستغفار و تقربي من الله و جددي في هواياتك و ابحثي عن صداقات جديدة في محيطك من الفتيات الصالحات , ابتعدي عن مواضيع الحب و الهوى و تضييع الوقت أتمنالك التوفيق في حياتك |
اختي اولا اشكرك على الرد
بس بمناسبه انك قلتي انك منشغله بالحب والخرابيط انا قلت لك هذي مصيبه تهون عند مصايبي وهذا الشخص كان بيننا علاقه بس بريئه ..وكان يبي يخطبني بس انا رفضت لاني صغيره اصلا وبعدين من قالك اني شفته مره وحبيته حبنا دام 3 سنين بس الحين قلت لك هذي مو مشكلتي بس مع تراكم المشاكل جات ذي المشكله من ضمنهم ... هذا اولا وثانيا مشاكل حياتي اللي ماتكلمت عنها لاني لو بتكلم ماراح اسكت مشاكل كبيره ومعقده ..وماظن لها حل وكل ماقلت هانت تعقدت اكثر ..< وهذا همي الكبير والاهم وقلت لك الحب بالطقاق ماهمني زي ماهمتني مشاكل حياتي الكثيره ضاقت بي من كل جهه مشكله اكبر من الثانيه... انا احس هذي بدايه دمار حياتي من هذي السنه وبعدين قلت لك انا بنت مؤدبه مستحيل الحمدالله انحرف ولا اسوي شي غلط يغضب ربي ولا يقلل من تربيتي والحب هذا اللي كنت احبه للشخص ذا خالتي وخواتي واغلبهم يعرفون انه يحبني واني احبه بس ماهو همي قد مشاكلي على العموم مشكوره جزاك الله الجنه |
أختي الكريمة المشكلة غامضه جداً ولم يتضح أي رمز من معالم مشكلتك
كيف عرف أنك بتروحين مشوار ؟ كيف تحبينه وأنتي ماكلمتيه ؟ كيف عرفتي شكله طالما لم يتم بينكم أي إتصال ؟ وفقك الله وطمئن قلبك ويسر أمرك |
ياحبيبتي هونيها وتهووووووووووووووووووون لاتحملين نفسك ما لاطاقة لك به ,,,,,,,, ارحمي نفسك فان لكل مشكله حل,,, !! ولكل كتاب اجل ,,!! يعني رب الارباب هو اللي في يده الحل الجئ الى الله واعلمي ان ما يصيبك لم يكن ليخطئك ,,,, ابنتي الغاليه انظر لواقعك نظره ... واقعيه ,,,,,,, فانتي في مكان علم وذهابك لاجل العلم.. وهنا انت في سبيل الله ,,,,,,!! هل استشعرتي الموقف ,,,,,,,,!! وبعدين ,,,,,,,,, اهتمي بما انت فيه فقط حتى لاتزيد حالت الشتات التي انت فيها ,,,,,,,, وهنا ,,,,,,,,, اخشى عليك من ان يفلت زمام الامور من يدك ... فمالك ولمشاكل الكبار ركزي على المستقبل ,,,,,,,, دمتي بخير |
لوسمحتوا اتركوا مشكله الحب مابيكم تتناقشون عنها تركتوا الحلول ورحتوا لها
جزاكم الله خير لي مشاعر كيف ماشغل نفسي بمشاكلي وهم حاطيني جزء من المشكله وجزء من الحل ؟؟ انا وش بيدي يوم خالتي تجي وتقول انتي من ضمن الاسباب وانتي تحلين انا صغيره انا لو بفكر بمشكله وحده بحلها بس مشاكل كثيره شلون احلها ماني عارفه وش اسوي وزني صحتي راح كله بقى دراستي بالطريق |
د.سطام
انت لاتركز على المشكله هذي قلت لك الولد بيني وبينه علاقه بريئه وهو عرف المشوار من اعيال خالي اني بروح هناك وسبقني بس قلت لك الولد ماسووا شي بس كان واقف من بعيد ويطالع لان اصلا اهلي معي ...وبعدين خلاص هذي مشكله لها اثر بنفسي بس مو الاثر الكبير اللي يحطم حياتي زي مشاكلي الثانيه :) جزاك الله خير |
حطمتوني مافي احد جاب لي حل
|
طيب حبيبتي
وش هي مشاكلك علشان على الاقل نفهم كيف راح تكون اولويات حلها واحنا حاضرين باللي تطلبين ووش دخل خالتك في مشاكلكم وتكلمت معاك فيها وليش انتي بالذات نبي نفهم |
اختي الغالية
الحل بايدك وبايد رب العالمين..أنا أقولك كيف.....اتشوفين كل هالناس ما في حد فيهم خالي لكن الشاطر هو الربحان في هالدنيا.... أحيانا المشاكل تأتي كل ما ابتعدنا عن ديننا الذي أساس حياتنا....كل ماابتعدنا عن القرآن وكل ما قللنا من الخشوع وكل ما ابتعدنا من الدعاء والتضرع والتسول إلى لله تعالى.... راجعي حساباتك وشوفي تقصيرك من اي ناحية تجاه ربك اكملي اثلحي الخلل واصلحي علاقتك بربك اولا ......ابتعدي عن كل ما حرم الله وعلاقتك بهذا الشاب لا تحمل أي من العلاقات الشرعية فمهما كانت براءتها فهي محرمة.....أكثري من الاستغفار ورطبي لسانك بذكر الله فذلك يسعد رب العالمين ويسعد قلبك أيضا.....أكثري من اصدقات لأن الصدقة تطفئ غضب الرب.....أكثري من الدعاء والتضرع إلى الله فمن منا لايحتاج من الله ان يعينه في أمر....من منا مستغني عن الدعاء.... وان كثرت مشاكلك لا تيأسي ولا تقولي يا رب لدي مشكلة كبيرة قولي يا مشكلة لدي رب كبير رحيم غفور المنان الجبار لعل الله يجبر خاطرك وتنفرج همومك عاجلا غير آجل...... اخرجي من مشاكلك بشخصية قوية لا يكسرها أحد تحكمي انتي بالمشكلة ولاتجعلينها تحكمك...عيشي حياتك بل حرية وثقة وكان لم يكن ولا تخافي ومن لها (الله) تخافه لا تخاف ابدا......فكري جديا بعيد عن العواطف والاحساسيس وقول إلى متى؟!!!! ابدا اتركيها خلفك فأنت في امتحان دنيوي من رب العالمين فإما صبرتي وكان خير لك وإما حمدتي ربك على النعمة أيضا هو خير لك.... فرج الله همك قريبا ان شا ءالله |
| الساعة الآن 05:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©