غصت الايام الاولى( الحب اللي ما عشته)
 

انخطبت بطريقة تقليديه استخرت الله لقيت نفسي اوافق واقبل رغم اني ما اعرف عنه اي شيء عدا الاشياء اللي قالها عن نفسه اهلي ما قدروا يسالون عنه لانهم جديد ساكنيين سالنا عن الصلاة قال الامام ما اعرفهم بس واحد منهم اللي يجي يصلي والباقين ما اشوفهم ما عرفنا من اللي يصلي بس انا وافقت وبس الى الان ما ادري ليه
تزوجنا من اول ليلة حسيت بنفوره مني رغم انه شافني الشوفه الشرعية سكت وسافرنا انا بعد صرت اراقب تصرفاته في المقابل ما كان يصلي ابدا ما يهتم بنفسه حوسه فيه اشياء كثير مثل الرياء والكذب على اهون سبب)
انا بعد كل هالفترة من العفاف والاحتفاظ بالمشاعر لزوج كنت متوقعه الحياة الزوجية فيها حب اوكلام حلو على الاقل في البداية ولا شيء من هذا صار ولا بيصير عدا الصفات الثانية اللي متعبتني اكثر كنت اسمع من صديقاتي عن لايام الاولى من الزواج التي كانت مثل الحلم اتمنى ان اعيشه
طلبت الطلاق في بدية الزواج ما وافق وقال ما فيه طلاق لا تحلمين ما ادري ليه متمسك فيني (لاني موظفة لان عائلتي محترمه والكل يمدحهايمكن لاني بنت متربيه يمكن ) بس مو لانه يحبني او عجبته كنت خايفة من الطلاق فما اصريت وقلت يمكن اقدر اغير شيء اللي حولي كلهم يقولون الرجاجيل كذا بس بعدين دريت انه ما هو كذا
انا ما اقول اني ملكة جمال بس مملوحة لي طله ومهتمه بنفسي واحلى منه ونحيفه وهو دب
تخيلو من شهر العسل يقولي كنت خاطب من عائلة كذا البنت حلوه بس عاد النصيب

بعد فترة يقول ليه ما قعدتي شوي يوم الشوفه الشرعية كان ما اخذتك
اهلك لاعبين على ما قالو ان فيك العيب الفلاني اللي هو (عندي مراجعات في عيادات الاسنان )وابوي قال له هذا الشيء قبل الزواج
حملت من اول شهر توهقت وكملت المشوار ثمان سنوات ولا يزال يردد هذا الكلام

انا ما اقول اني انسانه خالية من العيوب لكن لكل فعل ردت فعل صرت اظطر ارد وادافع عن نفسي واكلمه كلام جارح مثل ما يسوي
هاجس الطلاق لا يفارقني رغم كل السنوات ما اقول ان الحياة زفت لا بس هذا الكلام اللي في بداية الزواج موراضي يروح من بالي مهما سوى ومهما صار

ما فيه اي توافق فكري او منطقي بينا اذا قلت يمين قال شمال يعصب لابسط الامور يحملني تبعات كل شيء يصير ما فيه حنان او كلام زين رغم اني ما قصرت معه في شيء استهزاء بي حتى امام ابنائي احيانا
اخاف من بكره كثير اذا كان شاب ويسوي كذا بكره اذا كبر وش ممكن يسوي
اشياء كثيرة مافية مجال لكتابتها مليت بالعربي من كثر الهوش اوالنقاش العقيم
وش الحل ؟
حتى الاستمرار معه لو تحسنت الامور تبقى غصت السنوات الاولى في حلقي احلم بشخص يحبني يهتم بي

بعض الاحيان ارى العيب فيني لان احلامي عالية جدا ومثالية
ردو علي رجاءا

اختي انا استغرب كيف وافقتي عليه وهو مايصلي تارك الصلاة كافر ولايجوز لمسلمة ان تتزوج بكافر
لذلك يحق لكي شرعا الطلاق منه اذا اثبتي للمحكمة انه كافر ولايجوز البقاء معه
وهو تارك للصلاة وهذا راي الشرع يقول الرسول عليه الصلاة والسلام (العهد الذي بيننا وبينهم الصلاة فمن تركها فقد كفر)
فأينكم من هذا الحديث .
يقول الشيخ محمد العثيمين رحمة الله : اذا تبين أن الرجل لا يصلي وتزوج امرأة مسلمة، فإن زواجه غير صحيح، ولا تحل له المرأة بهذا العقد،

ــــــــــــ

السلام عليكم

شكرا سهم المنايا فعلا انت صادقة ما ادركت ان الموضوع خطير الا بعد ما تزوجت كنت اعتقد انه مستحيل احد ما يصلي
اريج العين ما جربت طول اللسان والنقد على ادنى سبب والعناد واشياء كثيرة تعرفين ليه ارد لانه اذا سكت قال غلطانه صدق ومسكه سالفة
اميرات شكرا كلامك صحيح باديه الامور تهدى وصاير فيه تغيرات لكن انا نفسي ما رضت تهدى ابغى رجل مقبل علي احس اني انسانه مو تصنع قدام اهلي يسوي نفسه مهتم لدرجة يقول شوي شوي لا تطيحين هاتي عنك واذا طلعنا (اللة ياخذك ارتاح منك )
الكلام الزين ما يطلع منه ابد

عبود الرياض مشكور على ردك كلامك صحيح

شكرا لتفاعلكم

لا تلامين الا أنت لماذا تجاهلت قوله صلى الله عليه وسلم ( اذا اتاكم من ترضون دينه وخلقه فزوجوه .. )

الجئي الى الدعاء وقراءة سورة البقرة والاستغفار
دائماً رددي اللهم سخر لي زوجي وسخرني له
كرري ياودوود يومياً 100 مرة

اي وشي بعد نسيته اقري سورة المزمل على الماء اللي تشربون منه 3 مرات يومياً

الله يوفقكم