مشكلتي ...مالها حل إلا التسليم بالقضاء
 

بسم الله الرحمن الرحيم

السلام عليكم ورحمه الله وبركاته ..أتقدم بالشكر الجزيل إلى كل أعضاء المنتدى لوقوفهم بجانب بعضهم وتفريجهم كربات الناس ...

مشكلتي الحاليه ..إني أبي أحط النقاط على الحروف ..من جد تعبت ومليت ..ولمتى

باظل أتبع مشاعري وبحكم عقلي ...المشكله ..انو قبل 3 شهور ..ضربني زوجي

بدون سبب واضح وكان يتهيج على بين فترة والثانيه ويضربني ..ولأن هذا الفعل تكرر

منه عدة مرات مع الأهانه ومره ما أنساها دخلت عليه أسأله ويش يحب ياكل ..قال

لي أني حثاله ..سألته ليش ويش جالس تقول ..قال أنت حثاله ..عطيته كف على

وجهه ..ومن بعدها ضربني ضرب مبرح وجلس يقول أنا ماخذ عليك تسجيل وانت

تخونيني وتدخلت أمه بالموضوع وقال انو يحبني وهذا كان أختبار لقوة صبري وتحملي

له ..وما خبرت اهلي وصبرت ..لكن بعد أخر مره تركت له البيت وأخذت كل

أغراضي .. وأحلت القضيه للشيخ وأكر زوجي كل شي تقريبا واني طلعت من البيت

بدون أذن ...بعدها أمر الشيخ بأني أرجع لبيت زوجي ..وكنت ناويه أ{جع بالفعل ..لكن

هو مارضى وقال نتفاهم قبل ..والزوجه اللي تحترم زوجها تستر عليه ...كلمته عن

طلباتي انو يحترمني ويقدرني وما يمد يده على وان كان يشك فيني ينفصل

عني ..قال انو مايشك ولا يعرضني ...بعدها تصالحنا ..وقال بدور لي على شقه

أجار ..بعدها بكذا يوم ..وصلتني رسايل قذرة ..تقول انو أساليبي كلها مكشوفه

وبسي مشاكل مع الناس وانو لي شريك بالسوق ..كلمت زوجي على طول وقلتله

على الرسايل ..وقال غريبه طنشيهم ..بعدها بيوم قال بمر عليك ابيك

بموضوع ..وأخذني معاه وقال لي انو توصله رسايل تتهمه في شرفه مع زوجه صاحبه

وعمرها 40 سنه وصاحبه 47 سنه وأنا وزوجي 26 سنه وعنا طفلين صغار .....وانو

جته رساله تقول ويش هالمسخره على بنت الناس ..المقصد الرسايل اللي

وصلتني ..وكان يتهم احد من اهلي انو هو اللي يرسل أو أنا ..والموضوع طويل ..بس

الي جالس يصير في القترة الأخيرة انو توصله رسايل تتهمني بشرفي وتمدح في

زوجه صاحبه وانو أنا أكره وما أبغاه من أرقام غريبه وهو يظن انها مني ..قلت له انت

تشوف كيف اعاملك واحبك ولو ما ابغاك بقولك ليش ارسلك من رقم غريب ..وهكذا

دواليك ..كل بين فترة والثانيه يخاصمني كذا يوم ويقلب علي ويقول جاته

رساله ..ويتصل يصارخ عليوانا عندي مرض القلب وصرت اتعب هالفترة كثير ..وهالحين

هو مقاطعني وزعلان على وما ادري عن السبب ..حاولت كثير معاه علشان خاطر

الأولاد ولأني احبه ..وأسأل نفسي معقول أحبه ومتعلقه فيه بعد كل اللي

سواه ..ابوي يبيني انفصل عنه ..وانا أخذت كذا استشاره أسريه ..قالو لي اجلي

موضوع الطلاق ..وانا قلت له من قبل مادامك تشك فيني اني ارسلك خلاص

اتركني ..قال انت ليش تبي تنفصلي على اي شيء ...هذا عنده اي شيء ؟؟؟..

تعبت والله تعبت ..شسوي ابي اتفرغ لتربية أولادي ..أنا موظفه وبخير والحمدلله ..

زوجي على كل المشاكل اللي صارت رفض انو يواجه ابوي ..وخالي قبل حاول

معاه ..بس استشف انو مو طبيعي ..وقبل كذا بعد ما ضربني مره شرط على ما

ارجع البيت ويتربوا اولادنا بينا الا بعد ما اعطيه مبلغ جامد..واخذت له قرض وعطيته

المبلغ ..وبعد كل هذا ينكرني ويجحدني بها لطريقة ومدت اليد ..بصراحه قبل قررت

اسامحه ...وعطيته كذا فرصه ..بس هو مايعتبر والظاهر انو تعود على اني

اسامحه ..بس خلاص تعبت ..دلوني على الحل الله يرضى عليكم

الله يفرج همج اختي
بس عندي سوال بغض نظر عن المشكلة
بالله عليج الحرمة الي تضرب زوجها شنو تتوقع منة
انا ما ابي اجرحج و اقول شي ياذيج بس انتي فكري فيها
ترئ نادرا ما تلاقين ريال يحترم زوجتة
اختي كوني حذرة ترئ في ناس يبون يخربون بيتج
لا تعطينهم مجال لا دمرين بيتج بيدج
ريال تقدرين تثبتين لة انج شريفة من تصرفاتج و اسلوبج و احترامة و توفير راحتة
بس لازم دورين و شوفين منو يبي يدمر حياتج
الله يستر عليج و يهدي الوضع بينكم

اختي الله يفرج همك ويسخر زوجك لك يااااااااااارب اتمنى الاعضاء يفيدونك

يعني هو يغلط ويقول كلام لووو

تقومين تعطينه كف

لاحول ولاقوة الا بالله

وش تحترين منه مثلا اكيد بيقوم يضربك

والله ما ادري وش اقول دامنك موظفه خلاص عزي نفسك بنفسك وربي عيالك وهمشيه

الله يسخره لكم ويصب حبكم في قلبه صبا

أنا لي رأي مغاير للأخوات مع فائق إحترامي...

الكل يلومها على ضربها لزوجه(وأن كنت أرى من وجهة

نظري انه اسلوب غير مناسب) ولكن ...

وكما يقال .. ما يحس بالنار الا اللي واطيها ... واللي ايده في النار مو مثل اللي ايده

بالمويه !!!

أم مهودي واقعه تحت ضغط نفسي وجسدي كبير لا يعلمه الا الله ... وبالتالي ...

بعد أن طفح بها الكيل ... نفست عن غضبها بهذا (الكف) والذي صدر منها

لاشعوريا ً كما أتوقع ...

عن واقع تجربه ... أنا إمرأة تعرضت للضرب من قبل زوجي ... والكثير الكثير الكثير من

الكلام القبيح والبذئ والذي لا يقال لمن هي زوجته وأم أبناءه ... لا أخفيكم سرا ً ...

في تلك الأوقات لاأملك الا الصبر أمام وقاحته وجبروته والدعاء .. ولكني في داخلي

أشعر ببركان من الغضب يعتري مشاعري لدرجة أنه ينتابني احساس بالرغبة في

الرد عليه (كلمه بكلمه وضربه بضربه)والثأر لجسدي وكرامتي .. ولكن ...

هنا يأتي دور [blink](إنما يوفى الصابرون أجرهم بغير حساب)[/blink]

فلا تلمنها على مافعلت ... فوالله أني أشعر بما تشعر من ظلم وقهر ومذله !!

لذلك ... نصيحتي لك أختي .. ضعي حدا ً لهذه الحياة بالشكل الذي ترينه مناسبا ً

وكوني قوية ...

أتمنى منك الأطلاع على موضوعي التالي ... لعلك تجدين في بعض الأراء التي

طرحت من أهل الخير ماهو عونا ً لك .. وفقك الله ...

http://www.66n.com/forums/showthread.php?t=160700

ما تنلامين تعطينه كف هذا ينضرب بالجزم مو بس كف .. وشولون تاخذين قرض وتعطينه ؟؟؟؟؟؟ انتو يالنساء عندكم تصرفات غريبه وبعدين تجون تقولون ضربني اهاني سوى فيني .. ما انتي الي سلمتيه رقبتك في يده ..

يعدين هذا مريض نفسي .. قولي له يروح يتعالج والا يضف وجهه .. انتي مو ملزومه فيه ..انتي موظفه وعندك اطفال .. ربيهم واهتمي فيهم .. والي جابه يجيب عشره احسن منه ..

اختي مشكلتك سببها الرسائل وحلها بإنهاء هالمشكلة !!
رجل تأتيه رسائل مستمرة تتهم زوجته كيف بالله بيكون تصرفه ؟؟!!!شئ طبيعي مايصدر منه من تصرفات,,

كلمني اليوم زوجي وارسلي مسجات كثيرة توصله من رقم غريب وفيها اني اكره وابي انفصل عنه..الله يهديه يقولي شرايش نعلن انفصالنا كذبه ..يمكن المسجات توقف ...هذا منطق ...قلت له تعتقد اني راح اكون لك بعد ما تسوي كذا ...يقول انت ماتبيني كذا والله كذا ...ما ادري ليشش مقلل من شانه كذا ...علشان انو اذاني وضربني ...يكفي انو يعتذر ..وانا راح اسامحه ..الله يهديه دنيا واخره يارب ادعوا له ..مشكورين