قريبتي اعطف عليها لكن جننتني بعيونها..
 

السلام عليكم ورحمة الله وبركاته..







مشكلة عندي قريبة لي.. طيبة جدا.. وخجولة جدا.. هذي البنت تعاني من ظروف اسرية صعبة.. وابوها الله يهديه اب على انه مثقف جدا وجامعي.. ويشغل منصب.. لكن جدا سئ بالتعامل معها.. يتعامل معها بتعالي كبير جدا.. ويحتقرها.. وهو راعي سفرات كثير.. ويشوف بنات بعمرها.. 28 وكيف شخصياتهم.. وما يشوفها شئ.. وعلى وهو والله حابسها ما تطلع ولا تروح ولا شئ.. وسيلتها الوحيدة بالحياة هي المجلات.. وهو يقطع المجلات يعتبرها مفسدات.. ويتهمها انك اقل من باقي البنات.. ولا يخليها تجلس على النت.. ولا تتكلم على راحتها.. ولا تطلع من البيت.. وهي خريجة لغة انجليزية.. يعني باختصار ابوها حابسها عن العالم.. ومحتقرها.. ويبيها تكون بنت مثل اللي يشوهم..


والله هي تقطع قلبي.. وهي تقارن نفسها فيني.. وتشوف اني انا افضل منها.. وتغار مني كثير.. انا اعرف انها ما تكرهني.. ولكن تغار مني كثير.. انا اصغر منها.. تقارن نفسها فيني من ناحية الدرجات كم اخذ بالدراسة.. تقارن نفسها فيني.. بالثقة بالنفس.. بالجسم بالشكل..بالشخصية.. انا والله دائم اشجعها على الرجيم.. وكل
مره تشوف واشجعها على القراءة وأسألها عن اسم الكتب الي قرأتها بالانجليزي..



هذي مشكلتي معها انه عيونها حارة..اي شئ تشوفه عندي.. اي شئ تشوفه يخترب.. مره مدحت تلفزيوني حرب على طول.. ومره فستان لي وتمدحه,.. على طول يخترب الفستان.. تتصل فيني بين الفترة والثانية تسأل هل جاك خطيب.. واقولها لا.. وفعلا يجون..بس يطيرون.. مره اتصلت علي وهي مقهورة جدا قالت ليش خبيتي عني انك انخطبتي.. قلت لها مين قالك قالت فلانه وبررت لها باشياء مو صحيح..بس صار ت كل فترة تتصل.. وسبحان الله يتتفركش الزواج.. وهي في جنسية محدده تتمنى تتزوج منها.. ووانا انخطبت لولد هذي الجنسية.. ولو تدري اتوقع تموت من القهر.. قبل فترة تسألني شنو الكريمات اللي تستخدمين لنفسك.. وقلت لها انا ما احب احط كثير كريمات على وجهي.. قالت مو صحيح.. ورحت اقولها اشياء طبيعية اسويها.. شوي بعديها بكم يوم صار طالع في جسمي حبوب مثل المراهقات.. كيف بشرتهم فيها حبوب..




الحين كيف احل مشكلتي .. معها.. انا ما ابيها تحسدني.. والرزق من الله.. وانا والله احبها واشفق عليها.. بس ما ابيها تكون لي بالمرصاد.. وقلت لها اقرأي سورة البقرة.. عشان الرزق.. وقلت لها كثري دعاء وصلاة الليل.. صارت تتصل تقولي انتي تقرأين البقرة؟؟؟ تصلين الليل؟؟؟ خايفه اني اتزوج قبلها..

اختي العزيزه
الرسول عليه الصلاه والسلام اوصانا بالكتمان
لو سالتكي لا تقولي لها كل شي
لأنها من الذين مبتليين بالعين الحاره
والعين حق
يجب ان تقرئي سورة الفلق كثيرا على نفسك
وواظبي على سورة البقره
الأمر المهم اخذي اي اثر منها ثم اغتسلي منه
حتى لو ظروفها صعبه لا يحق لها ان تحسد الآخرين
في طريقه تقرين سورة الفلق ثم تقولي بسم الله في عين فلانه

الَّذِي خَلَقَ سَبْعَ سَمَاوَاتٍ طِبَاقًا مَّا تَرَى فِي خَلْقِ الرَّحْمَنِ مِن تَفَاوُتٍ فَارْجِعِ الْبَصَرَ هَلْ تَرَى مِن فُطُورٍ (3) ثُمَّ ارْجِعِ الْبَصَرَ كَرَّتَيْنِ يَنقَلِبْ إِلَيْكَ الْبَصَرُ خَاسِئًا وَهُوَ حَسِيرٌ (4
واكثري من الآيه السابقه فوق من سورة الملك

في امر آخر لا تقولين لها كل صغيره او كبيره

اتحصني واقرئي على نفسك

الله يكون بعونك

جارتى نفس الشئ واكثر لدرجة ان سكان العمارة كلهم يشتكون منها

لدرجة ان كل مرة يجونا زباين بالمركز فى شئ يحترق او تقولى كلمة على طول يجى مفعولها لدرجة انى قبل كم يوم

مسوية حناء وقالت لي ايش حلاه ومن هالكلام مااشوف الا الموية الحارة انسكبت في يدى الله يكفيناهم

السلام عليكم ...

اذكار الصباح و المسااااااااااء حافظي عليها مع الاتكال على الله بانه هو الحافظ ولا غيره حافظ ...

واذكري الله ...


احفظ الله يحفظك ...

والسلام عليكم ..

و عليكم السلام و رحمة الله و بركاته

صراحة اقول الله يعينك يا اختي الكريمة

انا لا ارتاح ان أصادق فتيات بمثل هذه الصفات

لان ليس لدي الصبر ان افكر في كل كلمة و حرف اقوله خشية من العين او الحسد او او

و اخشى فعلا ان تصيبني بالعين و تتعقد اموري اكثر ..

انت فعلت الواجب تجاهها .. حاولي معها اكثر من الناحية الدينية

لتقوي ايمانها و تبتعد عن الحسد و العين ..

و الله يستر علينا جميعا

لاحول ولاقوة إلا بالله

إلى هذه الدرجه وصلت مسألة الصداقه


لماذا لاتواجهيها بسالفة الحسد ؟؟حتى تشعر بإن هذه الصفه سيئه

وأن كانت تريدك فعلى الرحب والسعه بشروووط واما تأخذ في بالها مايجعلك تتجاهلينها وتتركينها

وجهة نظري

ربما تكون صحيحه او خاطئه

وأنت ملكة القرار

هلا فيك قلبي نايت...


الله يوفقك ياعمري...

صدقيني انا ما اقول لها اشياء ابدا..


بس هي كله تقولي احس...




لو اقولها اتوقع ثاني يوم اصير بقبري...



ان شاء الله اعزمها قريب واخذ منها اثر..

هلا فيك فرح.. الله يجعل ايامك فرح..

كيوى


الله يعينك ياقلبي... انا جارتنا عله من العلل... بس الحين تحقق ما براسها تزوجن بناتها قلبي... بس بقت هذي القريبة...



الله يبعد عني وعنك الحسد..