خيوط الجراحة
 

بسم الله الرحمن الرحيم

السلام عليكم و رحمة الله و بركاته


أخواتي العزيزات عندي سؤال عن خيوط الجراحة

أنا الآن صار لي أربعين يوم من ولدت و ما نزلت خيوط الجراحة فما أدري هذا الوضع عادي أو لا و خايفة إن الدكتوره تشيلهم فما أدري أنتظر أكثر إلى أن ينزلون و هل يكون ألمهم شديد إذا شالتهم الدكتوره ..


أتمنى منكم الإجابه

وعليكم السلام
اول شي على البركة بالمولود
وان شاء الله يتربا في عزكم
والله يثبته على الدريه الصالحه
ثانيا
خيوط الجراحه ليس فيها اي الم عندما تشليهم الدكتوره اللهم بس نغزات خفيفه على حسب علمي
او المفروض ينزل بنفسه اصبري عليهم كم يوم وشوفي

والله يبارك لك ويشافيك يارب

مبرووووووووووووووووووووووووووووك على المولود...والحمد لله على السلامة... خيوط الجراحة بتنزل بروحها عقب فترة ممكن اطول عندج لشهرين اوثلاثة... وممكن تيلسين في ماي و ملح عشان تذوب الخيوط ...بس لازم تروحي عند الدكتورة عشان ما تلتهب عندج واذا بتشيلها ما في اي الم يذكر وممكن اطلبي منها تضربج ابرة بنج وبعدين تشيلها ...

اللة لا يوريك اللي شفتة من خيوط الجراحة ما ابغى اخوفك بس شفت النجوم بعز الظهر

استخدمي مرهم ميبو

و غسول الماء والملح لأنه يخلي الخيوط تذوب

تقبلي مروري

أخواني الأعزاء أشكركم جميعا على ردكم و الله يجزيكم كل خير


أختي الكريمة أزهار /

الله يهديك يعني تفتكرين بكلامك هذا ما خوفتيني أكيد تخوفين اللي ما يخاف الله يسامحك و يهديك ..


و أبشركم أنا شلت الخيوط و الحمدلله

و فعلا ما حسيت بشيء لا وخزات و لا أي ألم و لا يحتاج حق بنج لأن الأمر بسيط و الدكنورة شالتهم و خلصت و أنا ما حسيت فيها ..


و مشكورين