|
الكلوميد.....؟؟؟؟
السلام عليكم ...
ارجوكم ... اليوم اول يوم من الدوره وصرفت لي الدكتوره كلوميد من ثاني يوم في الدوره لمدة 5ايام حبتين في اليوم ... سوالي.... هل استخدم الحبات متفرقه يعني وحده الصباح وحده مساء؟؟او اجمعهم في وقت واحد؟؟؟؟؟ لان الدكتوره ماكتبت شي بس كتبت 2 حبه في اليوم وتعرفون بكره جمعه ولااتوقع فيه دوام حتى اسالهاااااا تكفون اللي استخدمت كلوميد بطريقه صحيحه وحملت تقولي كيف طريقتة استخدااااامها؟؟؟ الله يجزاكم خير ويرزقكم ماتتمنون...ويرزق كل محروم ومحرومه بالذريه الصالحه لاتنسوني من دعواتكم |
حبيبتي انا استخدمت الكلوميد ...
اخذت وحده الصباح ووحده المساء ... الحمد لله انا حامل ويارب يرزقك ماتتمنين |
الله يتمم لك يارب ...ماشاء الله
مشكوره قلبي ......يارب يرزقك يتوام |
حبيبتي معليش ابزعجك...
اذا اخذتها صباح ومساء لازم تكون بنفس الوقت كل المده؟؟؟؟ يعني الساعه 10الصباح والساعه 10 باليل كل يوم نفس الوقت |
انا عملت نفس ماكتبتي .. حاولت اكون دقيقه في اخذ الحبتين .. يعني مثل ماقلتي اذا خذتها 10 الصبح اخذ الثانيه 10 الليل
وهكذا لحد ماتخلص الحبوب معاي ربي يوفقك بس انصحك تتبعين تعليمات الطبيبه بخصوص متابعة التبويض بالالتراساوند (السونار) وانا دكتورتي عطتني الابرة التفجيريه وحبوب الدوفاستون بعدها الحمد لله صار الحمل |
مع اني لما كتبت نتيجة متابعة التبويض في الالتراساوند لطبيبة المنتدى دكتوره بنت النيل ... قالت بأني لا احتاج ابره تفجيريه ولكن اخذتها اتباعا لنصيحة طبيبتي التي اراجعها في المستشفى ... وقد تابعت ايضا كأجتهاد شخصي مني تابعت التبويض باختبار التبويض المنزلي .. واسمه بالانجليزي ovulation test وهذا يشبه اختبار الحمل المنزلي وفيه خمس اختبارات يعني تستخدميه لمدة خمس ايام ... ويكون اعتقد من بعد اليوم 11 لحد اليوم 15 من الدوره اذا انا مب غلطانه لاني بصراحه نسيت لكن التعليمات موجوده في العلبه
واذا ظهر معاكي خطين معناه صار التبويض ولازم تقابلين زوجك في هذا اليوم واليوم التالي ... حتى لو اعدتي الاختبار راح تلقين ان بعد مرور يومين من ظهور الخطين ... لن يظهر الخطين في اليوم الثالث لان فترة التبويض انتهت |
مشكوره حبيبتي ....انا قالت لي الدكتوره اسوي متابعه تبويض بعد الغسل ب4ايام ....ثما بعد الغسل ب7 ايام اخذ دفاستون مدة 14يوم...
وش رايك تتوقعين كلامها صحيح ؟؟؟؟ عالعموم اول قبل شهرين استخدمت البروجيلوتون لتنظيم الدوره مدة شهرين وثالث شهر استخدمت الكلوميد اول مره بحياتي لي سنه و10شهور متزوجه ...الله يكتب اللي فيه خيييييير يارب يوفقك ويسعدك وتولدين بالسلامه يااااااااااااارب |
| الساعة الآن 11:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©