|
زوجي00 كيف اتعامل معه في السوق00
السلام عليكم ورحمة الله وبركاته
حبايبي ابي اسال المتزوجات كيف التعامل مع الزوج في السوق؟ انا متزوجه من5 سنوات من رجل خيـــــــــــــــــــــر وملتزم 0000 مشكلتي اذا دخلت السوق00 عصـــــــــــــــــــــــب:19: يا اخوات والله اشغلني ما عمرة يوديني لسوق (الا ونفسه في خشمه)مع اني احافظ على الحجاب الشرعي واذا طلع شئ بسيط يدعي علي اخرتها اليوم وانا لاهيه ادور ملابس لاختي جلس يصورني علشان شئ بسيط طلع من عيوني ويقول شوفي نفسك في الجوال ؟والله اني منقهرة منه ومن تصرفاته وضاااااق صدري وجلست اصيح من القهر * كل مره لازم نزعل مع بعض ودي مرة ادخل وطلع مبسوطه& مع العلم انه ما يقصر معاي 00بس وقت دخول السوق00000 ما يبي يشوف خالعات على قوله 0 ولا يرضى اني ادخل مع اهلي 00000وانا ودي ارضيه0 بس ابي منكم النصيحه 0 الله لا يحرمكم الاجر00000 |
عليكم السلام ورحمة الله وبركاته
عفواً .. يُنقل للقسم المناسب . |
ما عليكي غير انك تطنشين وحنا اغلبنا المتزوجات كذا
وروحي مع اهلك افضل لك اذا قدرتي الله يهديهم يارب |
مشكورة اختي فوفو بس ما يرضى اني ادخل معهم 0000000000
وحتى لو دخلت معهم اتصالات وحوسه 000ونكم متى تجووون؟ الله يصلحه وهديه |
لماذا لا يريح ويستريح؟
انا بعد سنوات من الشد والجذب في السوق اكتشفت طريقه مثاليه للذهاب مع الزوجه للسوق
اول شي اذا احتاجت فلوس احط مبلغ معين ولا اناقش وين بيروح يكفي ما يكفي فيه قطعة ما تتفوت هذا الشي اطلع منه تماما بس اهم شي ان الفلوس من البداية تكون كفايه. الشيء الثاني المرافقه والمراقبه اللصيقة ممكن انها مهمة اول سنتين زواج وبعدين خلاص اصلا الرجال يتعب واغراض الحريم وحوايجهم ما تخلص لذلك سرت ادخل السوق والتقي معاها وافترق عدة مرات وادخل مقهى واشرب حاجة وممكن اروح مشوار وممكن ادخل واقابلها فجأة بس شغلة خطوة خطوه تقصر في عمر الاثنين مع بعض آخر حاجه لاحظوها الحريم ينبسطون في السوق والرجال ما ينبسطون في السوق والزوجه اذا رجعت البيت وهي مبسوطه رايح تبسط زوجها بس اذا كان راجع كمان هو مبسوط رايح تكون البسطة مضاعفة وهنا المعادلة الصعبة كيف يتم ذلك ربما يكون موضوع قادم لي!! |
أفضل شي أنك تدخلين وقت الصباح اوبعد الظهر يوم الأربعاء والخميس عشان مايشوف هالخالعات والحمدلله الذي عافانا مما ابتلاهم
..والشي الثاني حاولي انه مايطلع منك شي لأنه يغير عليك مايبي يطلع منك شي ويشوفك أحد واحتسبي الأجر طاعه لله ثم طاعه لزوجك... |
الله يعينك والله مقدره اللي انتي فيه
طيب اقترحي عليه قوليله .. احنا دايما لما نروح السوق نرجع متخاصمين ..رغم اني متمسكه بحجابي ..وتستره زين .. قوليله انت اذا من النوع اللي تتضايق من المتبرجات لاتنزل روح قضي مشاويرك على انا ما اخلص .. ولا الحل الثاني .. انه يخليك تروحين تقضين مشاويرك مع اهلك .. وتخلصين من غير مشاكل .. كان الله في عونك .. |
تدرين لازم تحاوليين وتعودينه انك تروحين السوووق مع خوااتك
وعادي تحملي اتصالاته...ومع الوقت راح يخففها بلاول انا كنت ماروح السوق الا وزوجي معي بس بصراحه عقب ماشفت بعض البنات الله يستر علينا وعليهم مو ملتزمات بالحجاب الشرعي هذا غير ان الوحده صارت تخش بعين الرجال يعني انقلبت الايه لاحول ولاقوة الا بالله صرت الحين مااروح الا ومعي خواااتي وبعدها ارتحت ... تحياتي لك وبالتوفيق |
كلنا كذا في بداية الزواج00
رجالنا الله يحفظهم 00ما يحبون الاسواق ويتضايقون00 وايضا ماراح يتركك لوحدك في السوق00 ولا يبغى اهلك يودونك00لانه عنده كرامه !! وبيني وبينك 00والله الزوجه الشاطره ما تودي زوجها معاها للسوق00 من كثرة الفتن الله يهدي نساء المسلمين ما لك إلا تنتظرين إلى ان يكبرون عيالك 00ويروحون معك &&& لكن عندي حل حلو 00واجربه إذا كنت محتاجه وقت اطول00 اتواعد انا واختي او بنت اختي او خالتي او اي احد في السوق نفسه00 وزوجي اللي يوديني ويجيبني00 لكن اهم شئ اعطي موعد مزبوط ولا تأخرين عليه يعني اطلعي من السوق قبل الموعد بعشر دقائق 00 وبكذا هو اللي يوديني الله يسلمه00 و من ناحيه اخرى يكون ما خلاني لوحدي في السوق00 الله يحفظنا وياكم00 ويخلينا ازواجنا00 |
أنا يطيح من عيني الرجل إللي يخلي زوجتة تطلع للسوق لوحدها
أو يطلع معها ويجلس بالسيارة أو يدخل مكان وزوجتة تروح لمحلات أخرى لو هالسوق نسائي ومافيه مخالطة للرجال راح أخلي زوجتي تروح لوحدها وماعندي إي مشكله بالله عليكم كيف واحد يرضى يترك زوجتة في سوق فيه من المصائب الكثيرة ويروح عنها ولنعلم أخواني بأن الثقة المفرطة سذاجة والشك المفرط هلاك كيف يرتاح باله ؟! ليس شكاً فيها لكن عيال الحرام واجد وإللي نشوفه في الأسواق يجعل الأنسان يضع يده فوق رأسه ويتعجب من مايدور حوله وماحصل في أبناء وبنات المسلمين أصبح رؤية حرمة ملتزمة نادراً لكن إللي يقول ان هالمسأله فقط من بداية السنوات الآولى من الزواج وبعدها تنحل هالمشكلة وماراح يكون هناك متابعة من الزوج أشوف وهذا رأيي انا فقط أن كلامه غير صحيح يا أخي عند دخولي أنا وزوجتي للسوق في بداية زواجنا هل ستختلف بعد مضي أكثر من 3 سنوات مثلاً ؟! المسأله هي هي ماتغير شي والسوق نفسه وبالعكس كل سنه عن سنة نشوف مصايب جديده أنا عن نفسي ما أحب زوجتي في المستقبل أو أختي أو حتى الوالدة تتكلم مع العامل الموجود بالمحل فكيف أتركها لوحدها إللي تبغاه من معرف قيمة السلعة مثلاً أو مقاس أخر أو لون اخر أنا أسئل العامل وهو يجيبني مايحتاج أنها تكلمه وغير كذا إذا حبيت أني أروح للسوق أختار أوقات مناسبة مايكون فيها زحمة مثلاً الصباح وبالنسبة لموضوعك الأخت صحيح زوجك شديد شوي وهذا ماينبغى له وبالنصح يا أختي الفاضلة بإذن الله تنحل مشكلتك أنتي أخبريه بما يجول في خاطرك وأنك منزعجة من تصرفاته وأسئل المولى لكم السعادة في الدنيا والأخره وآسف على الإطالة لكن قرأت مشاركات فأحببت أن أعلق عليها |
| الساعة الآن 06:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©