طريقة السليق بمقادير قليلة ارجو المساعدة؟؟؟؟
 

فيه طريقة سهلة بدون دجاج و هي انك تسلقي الرز مع شوية ماجي و بهار..و تضيفي عليه الحليب و يطلع مثل السليق تمام.. و استبدلي الدجاج ببوب كورن الدجاج او قطع الدجاج(تشكن ناجيت)


و طريقة السليق العادية هي:

تسلقين دجاجة في ماء و بهار و هيل و قرفة و فلفل اسودو ملح..و تاخذين المرق.و تصفينه. و تسلقين الرز فيه..

و بعدها اضيفي الحليب اليه. لما يكون الرز طري.و الدجاج حمرية في الفرن

و لا تنسي سلطة السليق(الدقس)

طماطم كزبرة و بقدونس ثوم ملح و اخلطيهم بالخلاط

و بالعافية عليكم

اتمنى اكون جاوبت على سؤالك

معقوله ما في رد اي احد

انا اسوي السليق بمقدار كاسه ونصف من الرز مع نصف حبه دجاج الكاسه بحجم كاسة كرافت الصغيره واصلحه في الكاتم اول شي اسلق الدجاج مع الماء والملح بعدين اطلع الدجاجه واحط الرز في مقدار ست كاسات عشان ينهري وبعد كذه احط علبه قشطه وحليب سائل ويطلع جنان اتمنى اكون افدتك

اختي الماء يكون اكثر من الرز..يعني اذا حطيتي كاسة رز حطي كاستين ماء و اذا احتاج زيادة اضيفي عليه بالتدريج..على حسب نوع الرز .لحد ما يصير بالقوام اللي انتي تحبيه..فيه ناس يحبوه سائل شوي مثل قوام السريلاك وفي ناس يحبوه اثقل شوي..

بالنسبة للحليب ممكن تحطي ملعقة طعام ونصف حليب بودرة اذا كنتي تحبي طعم الحليب يكون واضح زيديها شوي..و ممكن تعوضي عنها بحليب سائل ..لكن البودرة يعطي له نكهة حلوة..


و نسيت لا اقولك عشان مايطول معك في الطبخ انقعي الرز في ماء و قليل من الملح..لمدة ربع ساعة و احسن نوع هو الرز المصري..

و بالعافية مقدما و لاتنسي الصور