|
متوتر جدا جدا من الرؤية الشرعيه .. ( تمت الرؤية ولله الحمد )
السلام عليكم ورحمة الله وبركاته
اخواني الكرام واخواتي الفاضلات بشوف خطيبتي الشوفه الشرعيه اليومين الجايه وبيني وبينكم انا دقة الملاحظة عندي صفر وابوها بيصير قاعد معنا يعني بتصير دقة الملاحظة عندي بالسالب بعد!!! :29: شلون اشوف البنت واتمقلها (يعني املى عيوني منها) بدون ما اكون وقح مع ابوها ولا ابي اصب عيوني عليها كني ما شفت بنت من قبل!!!! وثاني شي انا ابيها تشوفني وهي ما اتوقع راح تحط عينها في عيني وبعدين هل اكلمها واسألها اسئلة بسيطه يعني كيف الحال كيف الدراسه شي زي كذا ولا تحسونها بايخه؟ وهل استمر في حديثي مع ابوها ولا اسكت شوي اذا دخلت ؟ الي عنده اي معلومه تفيدني يتفضل ولو فيه رأي قاله احد الاعضاء قبلك يا ليت ترد وتؤيده ولا الغي فكرة الشوفه؟ مع العلم اننا محددين وقت الملكه من قبل وشكرا جزيلا على المرور وعقبال عندكم (هذا للي ما خطبوا بعد) :d |
وعليكم السلام ورحمه الله وبركاته
والله انا شخصيا مامريت بشوفه ولايحزنون وقبل فتره انخطبت وبغت تصير وماصار نصيب وبحط نفسي مكان خطيبتك وارد على اسالتك وان شاء الله افيدك والاعضاء الباقين ماراح يقصرون كالعاده اخوي القصد الشرعي من الشوفه هو الارتياح او لا يعني وش تشعر به اول ماتقبل عليك وموحلوه تكمل سوالف وهي داخله بل اسكت واذا شعرت انك مرتاح اذكر ربك بصوت عالي وسالفه انك تركز عيونك فيها بايخه وتروع البنت انتبه واسالها كم سؤال بسيط اذا قدرت وطلعت معك الكلمات اخوي اوصيك بالدعاء والاستخاره قبل ماتروح واكثر من الاستغفار وفيه ايه (وجعلنا من بين ايديهم سدا ومن خلفهم سدا ---الي اخر الايه) وليه تلغي الشوفه بالعكس حلوه وتقرب وجهات النظر وتكسر حده لقاءكم بعدين وممكن تصير مواقف تتندرون بها بعدين اذكر قصه وحده تقول يوم الشوفه كان هو واخوانها بالمجلس ودخلت عليهم ومن زووووود الاحراج اتجهت على طووول للولد وسلمت عليه هههههه وتزوجها وللان يذكرها بالسالفه ويضحك الله يوفقك وينورك بعينها وينورها بعينك ويجمع بينكم ويرزق كل محروم ماسأل |
عليكم السلام ورحمة الله وبركاته
بدايةً الله يوفقك وييسر أمرك أفضل طريقة أنا أشوفها إنك تحاول تختار لك مكان واضح شوي علشان تشوفها من أول ماتدخل تمشي يعني يمديك ترفع عيونك وتشوفها وترفعها مره ثانية وتشوفها وهي ماجلست :d التفت على أبوها وقله أي شي علشان ينكسر حاجز التوتر لما يتكلم وانت اسمعه والتفت شوي عليها وبالطريقة هذي هي بعد راح تشوفك كويس وإنت تتكلم مع أبوها وتاخذ راحتها يعني اسألها كيف حالك ؟ وكيف دراستك ؟ أو دوامك ؟ إن شاء الله مرتاحه فيها يعني اسئلة عامة ولا تسألها ورى بعض شوي شوي اسأل علشان تستغل كل ثانية أنا بقولك ترى التوتر قبل تروح لهم لكن مجرد ماتدخل البيت وتجلس خلاص بتحس نفسك أمام الأمر الواقع وبترتاح إن شاء الله الله يوفقكم ويكتب لكم الخير .. |
ههههههههه والله انك خليتني ارتاح شويه بقصتك الله يجزاكي خير بيني وبينك انا ما خفت انها تاخذ عني فكره غلط لانها هي بتصير محرجه مثلي وبتقدر الموضوع بس اخاف ابوها ياخذ عني فكره غلط لأني ارتبك في السوالف هذي وبالنسبة لمشاركة الاعضاء شكلهم ماهم لمي :( 45 مشاهده ورد واحد بس!!!!!
|
أخي الكريم
ما حبيت أخرج دون مشاركة أسال الله أن ييسر امرك و يضع بينكما القبول لا تتوتر و خذ الأمر ببساطة:25: و الله إذا أنت توترت ماذا تفعل هي المسكينة:d |
أخوي تعبت أعطي
السلام عليكم ورحمة الله وبركاته يقول المثل اسأل مجرب ولا تسأل طبيب أو خبير ( إن جاز التعبير ) أنا ولله الحمد والمنة ذهبت لأخطب يوم الثلاثاء الماضي وبصراحة تضايقت عندما رفض والدها إعطائنا الموافقة من عدمها لكن عندما فاجأني والدها عند خروجنا أنا ووالدي بأن يطلب مني البقاء لفترة وجيزة عرفت عندها أنه يريدني أن أراها و تراني ( النظرة الشرعية ) فعندها توترت وارتبكت وعندما دخلت عندي حسيت وجهي صار أحمر من الخجل طبعا واحوليت لدرجة أني حسيت عيوني اليمين فوق واليسار تحت وعندما وضعت نظري بنظرها حسيت براحة كبيييييييييييييييررررررررةةةةةةةةةة وعندما خرجت كنت على أعصابي وأقول في نفسي لا أريد غير هذه المرأة وكنت على أعصابي لدرجة ( والله يشهد علي ) نمت الساعة 2 أو 2:30 وصحيت الساعة 8 تماما ( مع أني كنت تعبان وأنا إذا نمت نمت ) وكنت صباح الأربعاء على أعصابي والحمدلله أتصل والدها وأعلن الموافقة لوالدي ظهر الأربعاء الذي لم يتوقع بأن يتصلوا بهذه السرعة (فالنظرة أخي العزيز ليس لرؤية جمال المرأة فقط بل حتى راحتك وراحتها النفسية فخذ بنصيحتي تشوفها وتشوفك أفضل لك ولها وكما قال رسول الله صلى الله عليه وسلم ( فإنه أحرى أن يؤدم بينكما ) أو بما معنى الحديث ) |
حبيبي الموضوع سهل
أشغل أبوها في موضوع وخصوصاً الشياب يحبون السوالف وجب معك كتاب فيه قصص عن الأولين وعطه الكتاب خله يلهى فيه وهناك قصة قريبة من قصتك (شخص أستوقفه رجل أمن يقف عند الإشارة) لقطعه إشارة المرور فقال لرجل الأمن يوجد حادث خطير خلفنا بدقيقة فذهب رجل الأمن مسرعاً تاركاً الرجل مع العلم أنه لا يوجد حادث بالأساس , حاول تشغل أبوها بأي طريقة وتمقل زين هذا زواج ماهو لعب الله يوفقك ويسعدك |
اقتباس:
وضعك طبيعي موقف جديد عليك وعليها طبيعي يكون فيه نوع من الارتباك يمكن لو ماترتبك بقول : وش هالجريييء الله يعيني عليه أحياناً بنفس الوقت تحدد موقفك يامرتاح ومُقبل على الموضوع بسعادة أو تكون متردد وقلبك مو مرتاح وفي كل الحالتين صلاة الإستخارة مطلوبة الله يوفقك وتبشرنا بخطوبتك الرسمية .. |
الله يجزاكم خيرا جميع والله انكم ريحتوني بردودكم انا بحاول بشتى الطرق عن طريق الاهل اني اخلي اخوها الي بسني يقعد معنا وابوها يطلع قبل ما تدخل وارجوا رجاء حار من كل من يدخل الموضوع انه يدعي لي ان الله يسر اموري ويوفقني معها
|
مبروك أخي
و لا ترتبك كتير ترى الموضوع سهل الله يسهل لك أمورك و ييسر لك و يوفقك |
| الساعة الآن 12:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©