زوجة زوجي تبغى تعزمني لفرح أختها فمارأيكم ؟روعه
 

لو انا بمكانك مافكر اروح ابدا
وعادي خليها تتصل عشان قدام زوجك ومايحس انها افضل منك واطيب منك تبغى تعزمك
وعادي ردي عليها وباركي وادعي لم بالتوفيق
واذا جا وقت الزواج طلعي تصريفة حلوة ومناسبة لزوجك بعد
ضيوف جايين بيت اهلك او اي صرفة ولاتروحين
لاتفتحين لك باب مغلق انتبهي

حبيبتي روعه
طالما انا ذقت النار زيك وحاسه فيك
لاترووووووووووحي
ومن ترك شيئاً لله عوضه الله خيرا منه
وليش تروحي اصلا لا من محبه زايده تكنيه لها ولاشي
وصدقيني قولي سابرينا ماقالت حيجيك زوجك ثاني يوم ويقلك ليش ياروعه ماوقفتي معاها وليش نظرتي هذي النظره وكلام كثير انت في غنى عنه ....
لاترووووووووحي

السلام عليك اختي

انا من رأي اختي شوبارد ,, انتي خليها تكلم وتأدي اللي عليها وانتي من حقك تروحين ولا تعتذرين ..

وانا عني اقول لا تروحين ولا تفتحين على نفسك باب راح يجيك منه مشاكل ..

اختي دامك جربتي قربها وجاب لك مشاكل

فحديث النبي هو الرد المناسب:

(لايلدغ مؤمن من جحر مرتين)

واعرف لك عائلة الزوج متزوج ثنتين

وأولاده مع بعض علاقتهم كويسه ما شاء الله

وكأنهم من أم وحده من ناحية علاقتهم ببعض

بس ولا وحده من الزوجتين تروح للثانيه

يعني ما يشوفون بعض

وما يدخلون أولادهم بمشاكلهم

والله يكتب لك الي فيه الخير

ويجعلك قرة عين لزوجك ويجعل زوجك قرة عين لك

ويرزقكم بر أبناءكم

والله من رايي ولا أدري..
مافي داعي الروحة ولا الكلام الفاضي!!!
شدخلك فيهم لاهي ولا أهلها!!
حتى الهدية منتي ملزومة فيها ولا عليك شرهه..

ردي عليها بأدب و أنك موافقة و حتحضري
لكن يوم الفرح اخترعي حجة , قولي حد من العيال مريض ( بعيد الشر عنهم )
قولي انك تعتبي فجأة أو فستانك انكب عليه عصير قبل خروجك أو حذائك كعبه انكسر و انتي نازلة و ما كانش فيه غيره
كده تباني أمام زوجك طيبة و حاولتي تروحي و في نفس الوقت جنبتي نفسك المشاكل و الحسد

نحن عندنا الطباين مايروحو مناسبات بعض وحتى لو عزموهم كذا شي معروف منعا للاحراج والمشاكل والنظرات المقارنة والغمز واللمز
فباب يجيك منه الريح سده واستريح
اذا سالك زوجك قولي مشكورة ماتقصر وعزومتها وصلت وحسب الظروف ان شاء الله
ويوم العرس شوفي لك شي او قولي نسيت واذا جاء يوم العرس او بعده قولي لزوجك خلي فلانه تبلغ سلامي وتهنئتي لاختها وتتاسف لها اني ماقدرت احضر عرسها
لا تبيني انك اقل طيبة منها ابدا وردي الجميل بافضل منه والله يهدي سركم ويصلح شانكم

لا تروحي بلا هم و قلق انا كان زوجي خاطب وحدة قبل مايتزوجني وعزمتني ورحت زي الغبية فتحت على نفسي باب ياريتني مافتحته واخدت منها كلام ماله داعي ياريت حفظت كرامتي ومارحت بس من طيبة قلبي الزايدة رحت
لا تروحي وترجعي تندمي بعدين