انقذوني من الفوضى
 

الله يهديك اختي ام ربيعه ..

اذا ما عندك خادمه استعيني بخادمه تعينك على الترتيب ..

لكن استغرب لما اشوف نساء غير مرتبات .. يتهأي لي هذه الايام ما في احد مهمل في ترتيب بيته ..

النساء هذه الايام تتنافس على ترتيب بيتها و تزيينه و نتسيقه و يكون دايما نظيف و انيق فهو عنوان لصاحبة البيت ..

بعدين اذا انت مو مرتبه اكيد هذا الشي راح ينعكس على ابناءك في انهم يكونوا غير مرتبين ..

يا زين الحرمه النظيفه اللي تهتم ببيتها و ترتيبه .. شوفي اللي حواليك من البيوت هل هي مثل بيتك ؟؟

اجبري نفسك اختي على الترتيب ..

اختي لماافكر اجيب خدامه بالايجاراقول نفسي الى متى وانا كذا خلاص ابقوم ارتب وازين وفعلا اخلي ابيت زي الفله لكن ماالبث ان اعرجع لعادتي

اتمنى من كل قلبي اكون مرتبه والله اني احب الترتيب لكن ماقدر اوصل له

اختي العرووووووووووس

يعني مو انا بس الفوضويه والكسوله

اتمنى احد يساعدنا

معلش خواتي اللي يعانون من عدم الترتيب لا تزعلوا من كلامي ..

( من لم يكن له من نفسه واعظ .. لم تنفعه المواعظ )

يعني مهما ننصحك اذا ما يكون من داخلك انتي العزيمه والاراده عشان تغيري من

طبعك صعب ان حنا نغيرك بكلمتين على المنتدى ..

يعني حتى لو جبتي لك شغاله عشان تساعدك و شافتك الشغاله مو مرتبه راح

تطنش ..

ليه تتعب نفسها دام ان صاحبة البيت كسوله و مو جايبه خبر و لا تدقق على كل

الاعمال اللي تقوم فيها الشغاله ..

يعني الشغاله كمان راح تصاب بعدوى الكسل منك ..

هههههههههههههههههههههههه


كح كح الظاهر الحال من بعضه


بس الحمدلله مو دايما بس بغرفتي لكوني عزوبيه أكثر شيء يحوس المكتب لأني دايم عليه تلاقي الكتب والأوراق والشاي يعني تقولي سلطه بس الحمدلله مبسوطه على هالشيء يعني غرفتي ومتى ماحبيت اطلع منها اقفلها بحيث ماحد يدخلها ويتفاجأ ...لكن ما اتركها اكثر من يومين حوسه ...لازم انظفها


لكن سابقا يوم كنت ببيتي ماحب الحوسه أبدا تلاقيني من كثر ماحب انظف مالاقي شغله فااصير اغير بالغرف والديكور ..


الوحده وماتفعل

والفاضي يعمل قاضي


لكن ماانصحك بالتغاضي عن هالمسأله ..حاولي يكون لك مكان مايدخله غيرك ..في الوقت اللي تلاقي نفسك مشتاقه حق الحوسه ادخلي فيه وحوسي وخربي ...لكن البيت خليه دايمن نظيف وطبعا على قولهم البيت من صاحبته والعكس ..

اميرات حبيبتي ليش تقولين ان نصايحكم هنا في المنتدى ماتنفع

والله ثم والله اني لما قريت كلامك على طول التفت وراي وقمت ارتب وارتب وارتب مابي اكون غير النساء

ووحطيت كلمتك في بالي لما قلت البيت دليل على صاحبته وانا مابي احد يكتشف هذه الصفة القبيحة لاني لما اشوفها في احد اشمئز لذلك ودي امحيها

وشكرا لمرورك