بودي السفر بعطلة الصيف و ولدي 7 شهور ، ما رأيكم ؟
 

آنا من الكويت و بودي السفر بالعطلة الصيفية ..و ابني عمره 7 شهور و خايفة يأذيني بالطيارة و يفضحني ببكاءه إذا سافرنا لدول طريقها طويل مثل ماليزيا أو سنغافورة ..

فبرايكم ما أفضل دولة ممتعة ممكن أسافرلها و معي رضيع و أهم شي قرب المكان يعني الطريق ما يكون طويل بالطيارة ؟؟ ..


يا ليت تساعدوني ..

بانتظاركم :)

السفر عمومآ مع الاطفال لوقت طوويل مزعج ..

احمدي ربك مشاء الله ابنك صغير

ما احس انه متعب مرره ...

يعني وقت نومته طووويل لانه لسه صغيير

وغير كذا شبعيه ولعبيه وخلاص بيكون مبسوط

وان شاء الله سفره سعييييده :)

تسلمين حبيبتي ، إن شاء الله بيكون هادي ، و ان شاء أتمنى إن نسافر هالصيفية ..

بس زوجي بخاطره بدول شرق آسيا و هي بعيدة و الطريق طويل ..

و ابني ماينام كثير لأنه فيه حساسية ( الأكزيما ) ، و الحين فترة التسنين ..

بس ان شاء يكون أوكي ..


فمادري برايكم في دولة قريبة نوعا ما و فيها أماكن سياحية حلوة ، و مسافة الطيارة ما تتعدى الأربع ساعات ؟؟



يا ليت أسمع آرائكم ؟!

السام عليكم و رحمة الله و بركاته

مارأيك بصلالة في سلطنة عمان ؟

منطقة خلابة رائعة و جميلة و اهلها طيبين ..

اشجعك بزيارتها و الحجز مسبقا

السلام عليكم ..


شلون عرفتي إن صايرلي شهر أفكر بصلالة أقترحت الإقتراح على زوجي .. بس قالولة إن مافيها أسواق و أماكن ترفيهية ..

أنا زرتها من كم سنة و استانسنا كثير وايد حلوة ..

بس زوجي يبي أماكن سياحية أيضا ..

إن شاء الله أحاول اقتعه ، بسإذا ما اقتنع !؟:rolleyes:



شكرا لج إختي :)


هل هناك آراء أخرى أيضا ؟

اختي عادي ما فيها شيء كل اليايهال يبجون شنو بتسوين يعني روحي ماليزيا و استانسو عادي و ان شاء الله ماكو الا الخير
اختج بني

ثانكس حبيبتي مشكورة عالتشجيع رفعتي روحي المعنوية :)

اوربااااا خمس سااااعات وكلها حلوه تطبي واختاري..

والله اختي انا سافرت وكانت بنتي 8 شهور وكنت حامل في الشهر الخامس ورحت من جده السعوديه على جنيف بعدين على فرانكفورت وبعدها بالسياره على ميونخ في الطياره قعدت 12 ساعه بس ماتعبتني كثير بس لمن قعدت تبكي سرت اروح واجي بالطياره عشان تنام والله حوسه بس عدت على خير وفي العوده كانت تعبانه مسخنه تعبت فيها شويه بس كله يهون روحي وسافري وحاولي تجيبي لعب معاكي عشان يلتهي عنك

ودحين بنتي 3 سنين وابني 2 سنه ان شاء الله حاول اني اسافر تاني بس ادعولي زوجي يرضى يارب









الاشراف : لفظ المشيئة يكتب على هذا النحو ( ان شاء الله )

اسطنبول


فيهامتعه


ومناظر عجيبه