|
كيفية علاج الحروق الناتجه عن الفرن!
السلام عليكم ورحمة الله وبركاته
حبيت أطرح هالموضوع في قسم التغذية والطبخ لما له من علاقه فيه وخصوصا في السيدات اللاتي يعملن في المطبخ ويقدمون لنا هالوجبات المشهيه.. سؤالي هو هل تتعرض أيديكن الناعمات إلى حروق بسيطه من الفرن؟ وإذا صار كيف تعالجوووونها حتى ما تترك أثر على أيديكن؟ بالنسبة لي أوقات أدخل يدي للفرن لتعديل وضعية الصينيه وطبعا أكون لابسه القفاز الخاص بالفرن بس ممكن بالخطأ تنحرق يدي من فوق يعني المنطقه المكشوفه بعد القفاز.. وبصراحه شكل اليد يصير مو حلو مره بعد مره.. وأنا أحاول إني أدير بالي.. بس لابد من هالأخطاء كل فتره.. طيب برايكم إيش أحسن طريقة حتى هالحروق ما تترك أثر؟؟ أنا أستخدم الماء البارد جدا أو ثلج.. كل وحده تكلمنا عن تجربتها وهل سبق وصار معها هالشي؟؟ وكيف تسوي إذا صار معها؟ بانتظاركن.. |
الحروق ما الها غير 2
العسل او الفازلين ممتازين للحروق و اثارهم |
الفازلين مباشرة أمسحيه على مكان الحرق
|
أم أثير
الله يجزيك خير على المرووور.. العسل يمحي الأثر ؟ ولازم علطووول ولا ممكن بعد مروور يوم أو اثنين بيجيب نفس النتيجه؟؟ |
معليش ... أنا أختلف مع الأخوات ...
الفازلين صحيح يبرد ... بس تراه يكون طبقه عازلة وبالتالي يحبس الماء تحت الجلد المحترق وبالتالي تتكون فقاعات ماء واللي تترك أثر بعدين ... راح أقولكم تجربتي ويمكن تستغربون ... بس والله اني جربتها مع فلذة كبدي ... مع نور عيني ... ولدي ... يعني ممكن الوحده فينا تهمل بنفسها شوي ... بس تجي عند ضناها وتقول للإهمال ستووووب !!! كان عمر ولدي تقريبا عشر شهور ... لسه ما مشى ... عند الوالد استراحه في جده ونصيف فيها كل سنه انا وخواتي مع الوالد طبعا ً... المهم ... بنت أختي توها صاحيه من النوم ... ومسويه لها أبريق شاهي ... ما امداها تحطه ... الا وولدي يحبي بسرعه بإتجاه الصينيه في أقل من الثواني وما أسمع الا ذيك الصرخه اللي الى الآن أسمعها بإذني من كثر ماتقطع القلب ... وطبعا ً ... بما اننا في أستراحه ومنطقه بعيده شوي عن العمران ... تقريبا ساعه الا ربع ... فلازم أتصرف ... أول شيئ ما خليت قارورة مياه معدنيه عند أهلي ... أفتح وأصب على صدره وبطنه >> موقع الحرق والولد من الحراره والله مثل العصفور يرتجف بين ايديني ... المهم ... كانت عندنا أختي الكبيره ... وقالت لي حطي على الحروق ملح انا بكل استغراب مللللللح !! انتي صاحيه ... الحرق يبيله شيء يبرده وانتي تقولين ملح!!! قالت جربي ومنتي خسرانه .... طبعا وقتها لو وش ما يقولون لي راح أسويه ... بس أبي شيئ يهون على صغيري حبيبي المهم ... ولدي كان بحضني ... وجابت إختي الملح ... وبدأت ترش على صدره وبطنه .... غرقته بالملح .... ومع الحركه والصياح فيه أماكن ماجا عليها الملح ... والله ... والله .... والله .... ياجماعة الخير ان مفعوله سحر!! صحيح انه مايبرد ... بس بدأ الأحمرار يخف ... و ميزة الملح انه يسحب المويه ... بمعنى مايخلي الفقاعات تطلع ... والأماكن اللي ماجاها ملح ظلت حمراء !! المهم ... انه بعد ما خليت الملح تقريبا ساعه ... حطيت له كريم خاص بالحروق وأعطيته مسكن وناااام ... والحمدلله وعشان تختفي الآثار ... مافيه أفضل ولا أروع من دهان اسمه ( ميبو ) في الصيدليات ... رائع جدا ً ويخفي أثر الحروق على فكره ... انا لما استخدمت الملح ماكان جلد ولدي متسلخ مع ان الشاهي كان حاااااااار جداااااا ... بس جزء بسيط ... يعني الحروق الشديده يمكن ماينفع معاها هذي تجربتيالشخصيه الله لا يعيدها ... والله يكفينا ووالدينا واياكم نار جهنم ... فهي أشد وطئا ً وحرا ً .... ودمتم بخير |
http://www.66n.com/pics/hosted/b8ka2...1f3dald40u.gif
عندما يتعرض الواحد لحروق لازم يضع ايده او المكان للي به الحرق تحت صنبور الماء لمدة 5 دقائق وان لم يستطع , يبلل منديلا او قماش بماء بارد ويلف المكان المحروق بعدها استعمال كريم بيافين جيد جدا للحروق هذه صورته http://www.up.00op.com/data/visitors...3_92669269.jpg هذا ما افعله دائما ولا يبقى للحروق اثر وعلى فكره هدا ما ينصح به الاسعاف حاله ان كان الحرق طفيفا http://www.66n.com/pics/hosted/qduir...bao07trpd8.gif |
|
فيه طريقة انا مجربتها و ما تخلي الحروق تترك اثر على الجلد.. و تعطي نتيجة فعااااااالة..
وطريقة انك تضعين ثلج او ماء بارد فانهامن الطرق الخاطئة لمعالجه الحروق..كونها انها تجعل الحرارة تتغلل الى داخل الجلد.. لانك تبردين الجزء الخارجي بينما الجزء الداخلي لا يزال ساخنا و لا يجد منفذ للحرارة سوى ان يتغلل الى الداخل.. و الطريقة تصلح لكافة انواع الحروق من فرن وماء ساخن..الخ وهي ان تضعي شريحة طماطم على مكان الحرق فور حدوثه..و اذا لم يتوفر الطماطم فكتشاب.. و لكونه غني بالصبغة الحمراء فهو يساعد على التئام الحرق بسرعة دون ان يترك اثر.. و الطريقة اجربها دائما..لكوني انحرق دائما..الله يجيرنا من النار... |
تسلمين اختي على الموضوع المفيد
بصراحة استفدت منه وسمعت طرق غريبه مثل الملح والطماطم بس ان شاء الله ما نحتاج نجربهم اني عادة استخدم للحروق زيت الزيتون اصبه على الحرق مباشرة صحيح انه ما يبرد الالم بس انه يخفف اثر الحرق حفظنا الله واياكم من الحروق |
الله يجيرنا من الحروق و النار
أحسن شيء مرهم للحروق يكون موضوع في المطخ للطوارئ |
| الساعة الآن 03:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©