|
اخواتي المتزوجات زوجي يريد أن يتزوج علي
السلام عليكم ورحمة الله
أنا نتابعةللموقع من زمان وأول مرة أشارك تكفون أبي فزعتكن أخواتي المتزوجات موضوعي باختصار أن زوجي الله يهديه صار له فترة يلح علي ألبسي لي وتزيني لي وأنا عندي سبعة عيال بأعمار مختلفة ومنهم في سن المراهقة جبت له فتاوي أنه ما يصير ألبس لبس ما هو محتشم عند الاولاد ما فيه فايدة حاولت أنوم الاولاد بدري بس عندي الصغير عمره سنة ما ينام الا نص الليل وزوجي يذهب لعمله من بعد صلاة الفجر ولا يقدر يسهر طيب أنا ايش أسوي؟ والله أني لا نومت الصغير لبست وتزينت وأحاول أصحيه ولا يصحي واش ازينله آخرتها يقول ابعرس عليك أبي أجيب وحده تهتم فيني واتشبب لي قلت له هم ما هم عيالك مثل ما هم عيالي وش اسوي فيهم أكب بالشارع والا اتعرى عندهم يقول كل النسوان عندهم عيال طيب يا الاجوديات أفيدوني من تجاربكن كيف أستطيع أوفق بين لبسي لزوجي ووجود أولادي في البيت تكفن الفزعة تم تعديل العنوان ليكون بالفصحى .. |
أختي الكريمة ..
أتزيني وأتعدلي وأهتمي في نفسك بس باحتشام .. مو ضروري تتعرين وتظهرين مفاتنك عشان يحس زوجك إنك مهتمة بشكلك .. إذا عندك بنات في سن مناسب ويقدرون يتحملون مسؤولية ولدك اللي بعمر سنة .. خليه في إجازة نهاية الأسبوع ينام عندهم .. من باب التغيير وعشان تتفرغين لزوجك .. موفقة .. |
اختي الكريمة اعانك الله واسعدك
اختي الزواج مود ورحمة وتفاهم زوجك نبهك لنقطة من حبه وحرصه على استمرار هذه المودة اختي لكم غرفة النوم تزيني وتعطري له فهو حلالك اختي ما مشكلت تواجد الابناء !!! فهم في غرفة وانتوا في غرفة !! حاولى تدخلين غرفة النوم بدري لتقضي اطول وقت معه وليس شرط ان يكون الملبس فاضح حتى يكون جميل وباهر اختي في تشكيالات كثير جميلة وخاصة للبيت وفي خاصة لغرفة النوم وفقك الله صح نسيت جعل الابتسامة مديمة عليك يارب:d |
خذي إجازة معه بعيد عن الأولاد..
الزينة مو شرط تكون شيء فاضح...غيري في شكلك .تسريحة شعرك..مكياجك...ترتيب البيت.. فرغي ساعة او ساعتين في اليوم تجلسي معه متزينة تشربي شاي او قهوة ..حلا |
مثل ما قالت اختي بحرينيه
و تفنن حاولي تغير الوك صبغي شعرج و غيري ستايل الميك اب يعنى اللى يمشى الحين و لا تثقلين بيكون over لبسي درعه يوم الثاني جينز و توب نعوم بس غريبه انا اليوم اللى ما اتعدل فيه زوجي يمدح بشكلي و انتي العكس و لا ما رعرفنا حق الرجال :D:D |
|
جزاكن الله خير يا حريم
وهذي والله الهقوة فيكن بس لا تفهمون أني مهملة في نفسي لا والله بالعكس شعري صابغته على آخر موضة بس في البيت ما أقدر ألبس غير جلابيات يا جماعة الجنز وغيره ما يلبس عند العيال والله جربت مرة شفت ولدي عينه علي خفت وبدلت على طول أنا ما أبي نصايح عامة أبي أنتن من حياتكن من تجاربكن وش تسون سامحوني أدري لقافة بس من حر ما أونس الرجال بيي البس له شورتات ما شولارتات طيب والعيال؟ واللي تقول نروح بدري والصغير أحذفه ورى الباب يا جماعة حدث العاقل بما يعقل تكفون من تجالابكن الواقعية بدون عموميات وتنظير وكلام مصفف باختصار أنت ويش تسوين في بيتك يا أم العيال وجزاكن الله خير مرة ثانية |
طيب لبسي تنوره او بجامه ناعمه غيري شوي مو دراعه كل يوم
|
اختي الكريمه00
زوجك يريد ان تهتمي به00 وان تعطيه من وقتك00 شئ خاااااص له ولك00 افهميهاااااااااااااااااااااااااا عليك بالتفرغ له لساعه او ساعتين في اليوم لزوجك فقط00ويوميا00 البسي له وتزيني00 في هذا الوقت اللبس المناسب لزوجك00 والذي يسعده ويغريه00 وتعطري له وتنظفي00 كل شئ غير يكون عند زوجك00 كوني كأنك حوريه له في وقتك المخصص له00 حتى سواليفك معه تكون غير 00 هذا الذي سيرضيه00 اهتماااام يومي به00 عنك اربع وعشرين سااااعه00 عطيه منها ما يريد منك00 كل ما عليك 00هو معرفة الوقت الذي يكون هو بحاجته لك00 ونظمي امورك00 الاطفال نظمي نومهم00 وطبعا المدارس تساعدك في ذلك00 الصغير ايضا نظمي نومه00وليش يسهر !! كوني مراعيه لظروف زوجك00وكيفي نفسك معها00 وقفي وقفه جديه مع نفسك00 واشبعي زوجك00 الله يجعلك قرة عين لزوجك00 |
اختي أمة البديع
جزاك الله خير والله كلامك يبرد القلب خليني أقولك برنامجي اليومي عشان تعذريني أصحى مع صلاة الفجر أفطر زوجي وبعده بنص ساعة أصحي الاولاد وافطرهم وتبدأ المعركة اليومية معهم حتى يروحوا لمدارسهم ما أصدق يخرجوا حتى أحط راسي وأنام ساعتين قبل صحيان السي الحاكم بأمره بالكثير تسعة تسعة ونص صحينا نظفت البيت وطبخت غداي تروشت ورتبت حالي الساعة ثنتين وربع شرفوا الحبايب تباعا حطيت الغدا وتغدينا ما نخلص الا والمذن يقول الله أكبر راح رجلي مع عياله صلوا وأنا استلمت البنيات تدريس رجعوا راح رجلي ينام وأنا استلمت العيال اللي احفظه واللي اسمع له واللي أحل واجبه معاه يقوم زوجي قبل المغرب بنص ساعة خذا له كاسة شاي ع الطاير وراح يلحق عمله المسائي وكملت مع الاولاد حتى الثامنة والنصف ما أخلص الا وانا اشوف اللي قدامي أربع اييييه نسيت أقول اني أنوم سعادة البيه الصغير علشان اتفضى لحوسة اخوانه على التسع تسع ونص رجع الحبيب عشيته وبدأ مسلسل التذمر الاولاد يروحوا يناموا الا سعادة البيه الصغير طبعا فهو منعنش الحين نص ساعة أو ساعة بالكثير وسعادة البيه الكبير يبي ينام طيب وين أودي الصغير بعض المرات الهيه بأي شئ ويدي على قلبي بس الاخ يبي لبس وجلسة وجو غير ما تقولوا لي من أين حبيت أشرح لك حتى تعرفي ظروفي وتساعديني صح وشكرا |
| الساعة الآن 11:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
