يضرب زوجته ويعريها بالشارع؟؟؟؟؟؟
 

كيفكم يا اعضاء وحشتوني ووحشتني ردودكم ووقوفكم جمب اي عضو يحتاجكم
انا متازمة جدا جدا جدا من امبارح ومااعرف ايش اعمل عايزة افضفض بالي داخلي لان حاسة اني بنفجر من الي شفته بعيوني
مش عارفة انا مزوداها لاني وكما يطلق عليا جميع معارفي من انصار حرية وتحرير المراة واؤيد المساواة ولكن ليس في كل الامور
حتى لا اطيل عليكم انا مقيمة .................. وكنت امس بحديقة وظلينا فيها حتى صارت الساعة 4 سكرو علينا الابواب وجلسنا اكثر من ساعة ندور باب نطلع منه لان الحديقة مساحتها مهولة
المهم طلعنا وفجاة لاحظت انو في خلاف بين واحدة وزوجها انا مافهمت الموضوع بالظبط بس الواضح انه تاخر عليها وماجاها الى ان سكرو الباب؟؟؟{كان معاها اهلها وخالها}
المهم الموقف احتد هي تصارخ وتقوله الزم حدك وهو يصارخ ويقولها اركبي وطبعا العالم يتفرج المهم الموضوع تطور لمد الايد هو يضرب وهي تضرب هو كف وهيا كفين المشكلة انها كانت شايلة طفل رضيع مايتعدى الشهرين جلسو هم يتضاربو الين الطفل اخذلو كف ونزل عالاسفلت وهم ولا كانهم في الدنيا مكملين ضرب
وطبعا مهما ضربت المراة الرجل اقوى جسمانيا
دفعها عالارض وهي متشعلقة فيه وشدته معاها عشان مايفلت منها واتدخلو اقرباتها وكلهم حريم
{وادولو العلقة الي هيا} روقوه يعني
وهو جلس يشد شعرها وفجاة خلع عنها عبايتها ووجدناها بقميص نوم احمر في الشارع وشعرها طالع وقام قالها انتي طالق وماتدخلين البيت ثاني وطبعا الفاظ مشتركة من الاثنين تدرس في مدارس الشوارع
والله ساعتها خالطني شعور مااعرف شعور دهشة ولا الضحك انو بعد هذا كلو مابطلو ضرب في بعض الين اتى خالها وجلس يفك بينهم والاثنين متشعلقين في بعض هو من شعرها وهي من اذنه لدرجة انو نزف والطفل ابنهم ماعاد سمعتله صوت وبرضك مكملين وبالعافية قدرو يخلصوهم من بعض وخالها اخذها سيارته بطلوع الروح بعد مالبسوها عبايتها والاقي زوجها فجاة ماعرف طلع من وين ويمسكها ثاني من شعرها وهي تعطيه بالشلاليت وهو يقولها ماخليك وخالها جلس يضرب اللاثنين عشان يقدر عليهم الين دخلوها السيارة وهي تفتح السيارة من الخلف تقوله بس اطولك اوريك يا................................ويا............و يا.........
ويامكثر اليا الي قالوها
شفتو وين وصلنا الغضب وقلة الاحترام؟ الرسول صلى الله عليه وسلم كان محق حينما اوصانا بالابتعاد عن الغضب
لا ادري هل يستحق هذان الشخصان بان يطلق عليهم زوج وزوجة هل هم اهل لان يخرجو لنا عضوا نافعا في المجتمع؟ هم وان كانو اهل لشئ هو ان يخرجو لنا سوس ينخر في المجتمع ويزيد الطين بلة
مالذي يوصل زوج وزوجة لما رايته؟؟ هل صغر السن؟؟ ام التربية؟؟ ام عدم الاحترام ؟؟
اقصد انعدام الاحترام؟؟ هل الضرب في قلب الشارع هو الحل؟؟
معقولة فيهم كل العبرهاذي وما شافوها في بعضهم قبل الزواج؟؟هل وصلت انو فلذة كبدهم رضيع لاحول له ولاقوة يترمي في الارض وعلى الاسفلت وهم ولا على بالهم؟ اين النخوة فيك وانتا تخلع عباية زوجتك في الشارع وعلى مراى من الجميع؟اين المودة والرحمة؟
هل تصرف الزوج رد فعل لان زوجته عصبت عليه؟؟
ايش المشكلة لو كان تحملها شوي راميها في الحديقة لحد 4 الفجر وماتبيها تعصب مايقدر يقول معليش سوري كان عندي ظروف
وهي ايضا الام الزوجة القلب الحنون الي صار صار ايش المشكلة انها تخلي النقاش في البيت وفي بيتهم يسوون الي يريدون
والنتيجة ماهي الا بيت انخرب وطفل اتشرد بين ابوين لا والله مايستاهلون كلمة ابوين هذان طفلين واحدة ضحكو عليها وقالولها ياماما كبرتي وجاكي عريس نبغى نزوجك ونلبسك فستان ابيض ونوديك الكوافير ونحطلك ميك اب ويصير لك بيت لكي الكلمة فيه طبعا البنت ماصدقت
والثاني كان يفحط بالسارة ابوه قاله تعال تراك كبرت ابي ازوجك والبسك غترة وعقال واسويلك فرح في قاعة ونجيبلك دي جي زنسويلك عشا وبتمارس الجنس في الحلال وتصير رجال لك كلمتك في بيتك بتكسرلها ضلع بيطلعلها 24 فرح المسكين وتزوج وانقفل عليهم بيت واحد وانا اكاد اجزم واتحدى انهم يوم الدخلة ضربو بعض الى ان اغمى عليهم حسبي الله ونعم الوكيل في هذا الرجل وتلك المراة[/grade][/]

عفوا ..

يرجى عدم ذكر اسماء البلدان ..

هذان زوجان ..حسبي الله ونعم الوكيل..

بكيفهم ان حبوا يقتلوا بعض.. هنيئا لهم ...لكن ماذنب الرضيع المرمي في الشارع..

هناك اكيد خلل في الحياة الزوجيه و خلل من الاهل في عدم توعيتهم بحقوق الزوجين..و الخلل الاكبر عدم الخوف من الله..

و الله نسمع قصص نضن بانهم في حلبه مصارعة..و البقاء للاقوى..

حتى لو الزوج مد يده على زوجته,,,المفروض انها تحترم نفسها..و ما ترد الصاع صاعين..



استغفر الله اللهم عافيهم و لاتبلانا...

لا حول ولا قوه الا بالله

اكيد الزوج مجنون مو طبيعي !!!!

ازرعو في ابنائكم ماتمنيتوه في ازواجكم
 

اذا كان هذا اسلوب زوجي في التعامل معي ... لا اعتقد اني سوف اظل معه ولا دقيقه ..

اخاف يذبحني في لحظه غضب ويرسل جثتي الي اهلي في كرتون ..!!!!

لاحول ولاقوة إلا بالله

:18::18::18::18::18::18::18::18::18::18::18::18::1 8::18::18:

اقتباس:

المشاركة الأصلية كتبت بواسطة أميرات (المشاركة 1838288) اذا كان هذا اسلوب زوجي في التعامل معي ... لا اعتقد اني سوف اظل معه ولا دقيقه .. اخاف يذبحني في لحظه غضب ويرسل جثتي الي اهلي في كرتون ..!!!!

لا والله انك غلطانة حتى الكرتون بيستخسره وتفكيره المتخلف مابيوصله لاختراع الكرتون بيرسلك كذا مثل ما انتي وبيقول تراها ماتعرف تحترم رجالها وبغيت اادبها

وبعد الشر عنك وعن جميع الاعضاء

والله هذا الشي من قلة التربيه وعدم الاحترام الزوجين لبعض الله يكفينا من هاالاشكال الي ماترحم لا صغير ولا كبير والله يخلف على الطفل الرضيع