|
ما تفسيركم لهذه الحركه !!
صباح الخير جميعا ..
ممكن تعطوني تفسير لحركة خطيبي اللي زعلتني .. ارسلت لخطيبي رساله طلبت منه فيها بطاقة تعبئه رصيد لجوالي .. طبعا هو عودني على كذا لانه قالي اي حاجه تبغيها اطلبيها مني .. بس اتفاجأت برده انه يقولي :((( لا ))) بدون سبب !!!!!! بصراحه انصدمت وقلتله براحتك !!!!!!! بعدين رجع ارسل قال تبغي شحن .. بس بشرط وش لي اذا شحنت لك !!! انا هنا انقهرت حسيته يذلني .. قلت خلاص ما ابغى منك شي وآسفه عالازعاج !!!! بعدين قلت يمكن يمزح وبيرجع يرسلي .. بس الى الحين ولا عبرني !!!! مع العلم اني ما اثقل عليه ابدا وله اكثر من شهرين ما طلبت منه .. بس ما ادري وش قصده بالحركه هذي .. إظاهر هذي وحده من نصايح اصدقاءه قبل الزواج .. ((عودها تسمع كلمة لا !!!!!)) |
الله يصلح حالكم و ييسر أمركم
أخيه الدنيا أكبر بكثير و أتفه بكثير من موقف كهذا ، تناسيه ، تفاءلي و ابتسمي ! |
انا عارفه ان الموضوع صغيير مررره بس ضايقني شويه في وقته ..
ولانها اول مرره يسويها معايه مو عوايده .. |
اختي انتم لسه بفترة حلوة ..لا تخلي الاشياء الصغيرة تفسد اجمل لحظاتك..
ترى الحياة الزوجية فيها لأت (جمع لا) و نعم.... |
زوجك يذلك عشانه قالك لا !!!!
والمشكلة اعتبرتيها مذله :) يا مالك من لا و لا و لا و لا ولو اعتبرتي كل لا يقولها زوجك مذلة اجل بتنذلين كثير يا عروسة |
أتوقع حين رفض في المرة الأولى كان لديه سبب ,, والمرة الثانية كان يريد أن يلطف الجو معك ويعطيك ما أردتِ ,, وأتوقع أيضا لو أنك أجبتيه بأنك ستعطينه ما يطلب منك حين يشحن لك الهاتف , لطلب شيء خاص بكما كأن يسمع منك كلمة حلوة أو أن ترسلي له رسالة حب في النهاية هو خطيبك ويجب أن تتعرفي على شخصيته جيدا والله أعلم |
يمكن اختى يبي يمزح معاج اوشيء من هالقبيل او يمكن انتى حساسة زايدة عن اللزوم من جدي زعلتي عليه لانج مو متعودة على انه يقول لج لا اختى لا تجعلى هذه الحركات الصغيرة تكون من خلالها مشكلة كبيرة فانتى في بداية المشوار والحياة الزوجية لاتخلو من الزعل لكن الذكي اللي يعرف يصرف بحكمة اتمنى لج التوفيق
|
الحل ان المخطوبين كل واحد يدبر نفسه ولا يتحول الموضوع الى طراره
اذا بدأت علا قتكما كما بينت وهي في مرحلة الخطبة ، فكيف اذا .. الاولى ان لا يتصل المخطوبين ببعضهما منعا لحدوث الانشقاق اذا تزوجتي ...... تصبح نفقة واجبة على الزوج |
اختي الكريمه
يمكن لم قال لا يبي يشوف ردات فعلك وبعدين يشرط عليكي أظن يدلع عليكي بس أنتي الله يهديك ما بغيتيها وثقلتي بردك عليه وضاق منك وما رد عليكي بس حاولي أنك تكلميه وتعرفي ليش سوء كذا والله يوفقك ويسعدك |
أنا أشوف انها حركة عادية يريد منك شي وخلاها حجة عشان يطلب منك هذا الشي
عموما لا تتعاملي مع الموضوع بحساسية زائدة واعتبريها من حركات الدلع |
| الساعة الآن 01:37 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©