|
يا جماعة الخير قولو لي ايش فين الصح
السلام عليكم و رحمة الله و بركاته يا حلوين ...
حبايبي انا مملك لي اكثر من شهر .... ازور زوجتي كل اسبوعين مرة ... انا عن نفسي نفسي اشوفها كل اسبوع .... و انا و زوجتي نحب بعض ... انا باقي على زواجي تقيبا 8 شهور .. زوجتي كانت تجيبها بطريقة غير مباشرة انه ابوها كان يتنرفز لما زوج اختها " مملك عليها " كان يزورها كل اسبوع و كان يعصب اذا جلس فوق الساعة 2 في الويك اند .... يعني ابغى رئيكم ... ايش الحد المعقول للزيارات و اذا الواحد راح زراها من بعد العشاء ايش اقصى حد برئيكم ؟؟ انا عندي واحد من زملائي والله ملك من هنا و هو و زوجته يوميا اسواق على مطاعم الخ الخ الخ ... من جد شي يجيب الطفش ... يعني الواحد مملك ليه ... انا عن نفسي كنت رافض ان الملكة تطول عشان انا عارف نفسي ما اقدر اصبر لكن هي اصرت ... و في حاجة ... البنت تحبني اوكي و متاكد من هذا الشي ... لكن ما احس انها من البنات اللي تحسسك انه بتطق عشان تشوفك ... مع انه و لله الحمد ما هو ناقصني شي .. يعني اللهم لك الحمد ... يعني ما عمرها تفتح معايا موضوع تقول لي يا الله متى راح اشوفك انا من جد ماني قادرة اصبر على شوفتك .... مدري يمكن لانه انا اللي دايما ابين لها انه بطق عشان اشوفها و كثرة الكلام بيننا عالتلفون و انه دايما اللي ابدأ و اعبر عن مشاعري ... و شي كمان ... اذا حست اني زعلان على طول تقوم ترسل لي رسايل و تقولي واحشني يعني مدري كيف ... الله يعين |
يااخوي الوحده مننا لوابوها جلس يقول لها انا ماابغا الزيارات من الخطيب والسهر لمنتصف الليل وماابغا الكلام الكثير ولما تكوني في بيته سوي الي تبغيه اماطول ماانتي عندي ماابغا الشي يزيدحده ترى هذا كلام ابوي لي اول الملكه لدرجه صرت اكره انه يقولي ابغى اجي اشوفك وانا احبه واموت عليه وانت يااخوي لاتظعط على زوجتك بحكاية الزياره لانه مومنها من ابوها وحتى قدخبرتك بزوج اختها انه ابوها كان يتضايق لما يجي عندهم وراعي مشاعرهالانها المسكينه مالها اي ذنب ولاتجلس تطالع في غيرك لانه كل واحد حسب عاداته والله اناماكنت اخرج معاه لوحدنا نخرج مع اخوي واذاكان شي ضروري وكنت استغرب لما اشوف صحباتي يخرجون مع خطيبهم لوحدهم زي ماقلت لك كل واحد على حسب البيئه الي فيها وانت الله يهديك لما تعجل بزواج وتريح نفسك الله يوفقك ان شاء الله
|
السلام عليكم ورحمة الله وبركاته
الله يديم عليكم الحب ويصلح امركم ويجمع بينكم علي خير اخوي تري امر عادي انها ما تبينلك انو هي رح تطق من شان تشوفك لانو حرام يكون اتنين رح يطقوا .... بيكفي واحد ما ههههههههههههه .....تري امزح والله امزح ما اقول غير الله يصبرك ع المده الي باقيه واحمد ربك انك تشوفها كل اسبوعين في ناس ابائهم ما يرضون ابدا وغير كده لا تضغط عليها نهائيا واذا كنت بجد تبغا كل اسبوع تشوفها .... اما انك تترخص من ابوها نفسه ( الله يكون بعونك ) واما انك تحاول تعرف هما فين يخرجوا ...مثلا هما في حديقه تكلم اخوها تقله فينكم واذا خبرك.. تقوله ابغا اجي >>>> والافضل تكلم ابوها >>>ادري اني وهقتك بس مافي حل غير كده البنت مالها ذنب والله والله قمة الاحراج ان ابوها يقلها ما ابغا زيارات وسهرات ومن ذا الكلام .... وسئل مجرب تحياااتي |
بس يا جماعة الخير هي زوجتي و الله اني مشتاق اشوفها من حب والله بس ودي اشوف عيونها لا اقل و لا اكثر ... والله اني قمة في الاحترام اللي ما ازورها الا مرة في الاسبوعين ....
|
احنا كذا وبعدين بعدنا الزيارات كل شهر وبعدين كل شهرين
يعني احمد ربك |
كل الاباء كده عاااااااااااااااااااااااااااااااااادي جدا
ما يحبوا الزيارات ولا الطلعات الكثير طبيعي |
| الساعة الآن 09:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©