خائفة اصبح بدون قيمة ان تساهلت وخففت عليه في المهر !!
 

السلام عليكم ورحمة الله وبركاته
أخواتي الغاليات مالي بعد الله سواكن اشكي له واخذ رايه
خواتي انا مخطوبة وخطيبي يقول نخلي الزواج مختصر عشان الصرفية ونستمتع بشهر العسل انا وياه وكمان عشان نستعجل بالزواج وهو يبي يشتري بيت فالصرفية عليه وايده خواتي وش رايكم اسوي زواج مختصر او لا
فيه بعض الناس يقولون زوجك مايحس بقيمتك الا اذا كسرتي ظهرة او خسر عليك بالمعنى الاصح وش رايكم انتو
لا تبخلون علي بالرد تكفون انا محتارة اخاف يحس اني بدون قيمة مع انه يحبني مووووووووت بليز ساعدوني

الاشراف : عذراً تم تغيير العنوان ,بالتوفيق .

اشكركم ربي يسعدكم

دائما انصح بالزواج العائلي المختصر .

ياشيخة حفلات الزواج تكاليف وتعب نفسي

وبالاخير الناس تطلع تسب وتعيب على كل شئ !!!!!!!!

يعني صرف الأف الريالات على ساعة او ساعتين !!!!!!!!!!!!!!!!!

غير صرف الاموال على مظاهر كاذبة ..

في الوقت اللي تعاني فيه اسر كثيرة من العوز والجوع

انا من رأيي انك تسمعين كلام زوجك .. اختصري وابدأي حياتك ببركة

وتهني معاه في شهر العسل

وتصدقوا بجزء من المال احسن من البذخ على الفاضي.

ولاتصدقين كلام الناس ..

ياكثر الرجال اللي يحرشون بعض وياكثر الحريم اللي يحرشون بعضهن وبالاخير لايصح الا الصحيح .

شوفي هالموضوع وفيه قصة واقعية يسردها رجل .

http://www.66n.com/forums/showthread.php?t=100801

مع إحترامي


إلي يقولك هذا الكلام

فهوه لا يريد الخير لكم

ويمكن يكون حادسد لكم



وآسف على الرد هذا لأنه شي يقهر الواحد

زوجك رح يحس بقيمتك و تكبرين بعينه اذا راعيته و راعيتي حالته..
و تكسرين ظهر الضعيف ليه؟؟ عشانه يدور راحتك.. و اللي قالك هالكلام (تكسرين ظهره) ما يدور مصلحتك


بالعكس حلو الزواج المختصر..و اللي رح تحطونه بالزواج حطوه في بيتكم او شهر العسل..لان الناس هالايام لو ايش ما حطيتوا ما يملاء عينهم الا التراب..

بسم الله الرحمن الرحيم
الأخت الغالية

احببت أن ارد على استشارتك مع اني للأسف لا اشارك في المنتدى إلا نادراً جداً لعدة اسباب منها انشغالي بأمور عائلية واحياناً الأعضاء الأفاضل يكفون ويوفون وتكون مشاركتي مجرد تكرار كلام وبصراحة احب ان استمتع بأراء الأخرين واطروحاتهم اكثر من مشاركتي
واحياناً لايكون عندي سابق تجربة لآن بعض المواضيع تحتاج إلى خبرة وتجربة اكبر في الحياة


أما موضوعك :

فأحب أقول لك زوجك يفكر بشكل صحيح واحمدي ربك أنه شاورك بعض الرجال يتخذ القرار ويعطيها خبر ولا تعرف عن طريق اهلة " ماعلينا "

المهم
عندنا في العائلة جربنا العائلي وجربنا الهيصة اللي ما لها داعي جمعنا خلق الله صحيح كانوا الناس يقولون زواجاتكم هادية وينبسطون ومن هالكلام لكن ما الذي اسنفدناه " رجال غرقانيين في الديون الى اليوم من عدة سنوت وزوجاتهم بيطقون لان الديون كبلت حياتهم ولاحتى قدر يتخلصون من الدين ولا سفر لشهر لعسل ولا يحزنون .
ثاني شيْ جربنا العائلي والله الناس انبسطوا من الفكرة لآنها سنه حسنه ولاديون ولا عندهم اي ضغوط مادية

واقولك يا أختي

ضعي الأهم ثم المهم " اقصد دام عنده النية بشراء البيت ولا يريد ان يضغط نفسه مادياً فالبيت اولى وفائدة ادوم وافضل لمستقبلكم من الإجارات ، اش الفائدة من انك تجمعين العالم وياليت الكل يخرج راضي الف عيب وانتقاد على اهل العروسة والعريس وفوق هذا على حساب حياتك الجاية
سفرك ووناستك مع زوجك افضل لك وله والله راح تتحسرين لو اخترتي الزواج على السفر لأن بعد فترة راح يرجع للدوام وماراح تحسين بالفرق بين خرجاتك الأسبوعية وبين شهر العسل
واحمدي الله ان زوجك يفكر يشتري بيت بعض الشباب عايش حياته بعد الزواج سبهلله وما يدري إلا وهو متقاعد ولااشتري لعياله ولأمهم بيت يلمهم إذا سار له شي لاقدر لله .

أما كلام " الناس حطيه ورا ظهرك لأنه يدل على قله عقل اللي قايله لآن ظهرك راح ينكسر معه من تبعات تكاليف الزواج لأنك راح تشاركينه الأزمة المادية وراح تنحرمين انت وزوجك من اشياء اهم.. وعلى راسها الإستقرار المادي والنفسي .
ونصيحة اخت إذا اتخذتي القرار يالزواج المختصر لاتحسسين الناس وحتى اهلك انه امر ماودك فيه وان نفسك مايكون مختصر بس عشان زوجك وافقتي..... بيني للجميع انها رغبتك وقناعتك وأن المنطق يقول كذا .لأن الناس راح يعترضون ويسوونها سالفة بالذات لو جاهم مجرد إيحاء منك بأنك غير مقتنعة " لأن هذا هو الشرع وهذا هو الأصل ويكفي اجر السنة الحسنة "

اقولك هذا الكلام لأني جربت هرج الناس وسخافاتهم في هكذا قرارت .

اخيراً قيمتك في ذاتك واحترامك لها
قيمتك في صلتك بخالقك وتمسكك بدينك
عمر المادة ما جعلت للإنسان قيمة إلا عند ما يحيطك اناس ماديون منتفعون من المال كما يقول حتم الطائي "إن المال غادٍ ورائح " ونقول نحن المسلمات " ويبقى جميل صنعنا مع انفسا لرضا الله ثم والدينا وازوجنا " لأنهم مفاتيح (( الجنة )).


آسفه على الإطالة يمكن تحمست شوي لأن زواجي كان مختصر على اهلي واهل زوجي المقربين جداً وبعض الصديقات والحمد لله سافرت وزوجي غير مديون بفضل الله وكذلك اخي نفس طريقة زوجي بل كان مقتصر على بعض الأقارب وعلى اسرتها وأسرة عمها قفط ومشاء الله لاديون تثقل حياته أما الباقون من عائلتي فغرقى في الديون اسأل الله أن يفك دينهم ويسهل لك زواجك يجعلكما قرة عين لبعض ويرزقكم الذرية الصالحة
ان شاء الله تستفيدين من تجربتي

دمتي اخيتي

كلام غير سليم أبدا , مش صرف الفلوس في بيت أفضل من حفلة ثم السكن في أي مكان
الحفلة الكبيرة حسد و نميمة و ازعاج و تنشغلي تجهزي مدة طويلة
البساطة حلوة و تكبري في عين جوزك
مبــــــــــــــروك