|
ساعدوني في حفلة تخرج زوجي (محتاجتكم جميعا)
السلام عليكم
اخواتي واخواني الاعزاء حبيت استشيركم انا خطيبي بيتخرج بعد كم اسبوع وشريت هدية بس باقي اسوي الحفلة مادري وش اسوي طبعا الحفلة انا وياه بس بتكون في بيتنا ماعرف شلون انسق المكان وش اسوي فيه ساعدوني محتاجتكم |
وانا بعد عندي حفلة مع خطيبي بس بها الخميس
وادور افكار انا شريت هدية و كتبت رسالة بالمناسبة بعرضها له بالبوربوينت ( كلام وصور) لانه بصري و بيركز مع اللي بيشوفه اكثر الهدية باغلفها بلون بنفسجي وافكر ارتب المكان انثر ورود بنفسجية مع شموع بنفسجية فيها ريحة وبينهم تور بيج وفيه لمسات ذهبية شوي افكر اطبخ بايدي .....معجنات و سويت و عصاير مع كاسات وصحون بنفسجية وبلبس بنفسجي والميكب وكل شيء بنفسجي وللحين افكر |
عندي فكره صغنطوطه...وهي انك تكتبين اسمه على شكل مجسم شمعي مرره حلوو يعيني وقت مايدخل تكون الغرفه مظلمه وفيه بس اسمه منوووور وحوالينه ورد منثور...
انا كنت مسويتها لصديقتي وانهبلت عليها..وهذي تلاقينها عند محلات الهدايا وبرضو فيه بعض محلات الهدايا...تقدم خدمة تززين الغرف على حسب المناسبه وانتي تختارين من بسيطه الى متكلفه انتي وراس مالك....وممكن تاخذي منهم افكار..اذا استفسرتي موفقه يارب |
فكرتي حلوة بس مكلفه
اكتبي على ورق مجلة كبير كلام بالمناسبه<< من المكتبه أو الخطاط>> وعلقيها على الجدار حطي طاوله في نص الغرفه وغطيها بقماش باللون المفضل لديك<يفضل القماش حرير من محل الاقمشه> حطي الشموع والورد والكيك والهديه على الطاوله<خليها مليانه> مدي من نفس القماش أمتار طويله من الطاوله الي باب الغرفه<يعني ممر> بالاضافه الى اضاءه خفيغه+مسيقى كلاسيك:o<جو روعه> بس أتمنى عجبتك الفكره |
انا سويت الهدية وجهزتها بس باقي المكان يمكن اغير الاضاءة واشيل الكنب واخلي بس كم كنبه
واجيب طاولة واحطها بالوسط واوازينها بالتل والورد والجاتوة بتكون على شكل دبابة حربية لانه عسكري وكمان الهدية بحط ميوزك كلاسيك وباحط المكان كله ورد والاضاءة احمر واخضر وازرق واصفر وباعلق صورة في كل زاوية غير الشموع اللي باعبي المكان وباكتب على الجدار الف مبروك التخرج و عندكم افكار احلى او وحدة تسوي حفلات والله افكاركم حلوة بس كم يزينون المكان لان ميزانيتي مش ولابد |
اتمنى الجميع يشارك حتى يكون مرجع للجميع
|
اختي ....
هذي مجرد افكار يمكن تنفعك ان اللون ( الثيم ) يكون واحد ..... كل شيء بالاحمر مثلا ......... او بكل الالوان ( قوس قزح ) لو عندك لابتوب سوي عرض بالبوربوينت من تصميمك عن المناسبة ...واذا عندك داتا شو ممكن تعرضينها لو عندك صور لخطيبك من وهو صغير الى ان يكبر و يتخرج ...تعرضينها بعد ما تعدلينها بالفوتوشوب وتكتبين تعليقات حلوة ممكن تكتبين بيتين شعر عن المناسبة ...مو شرط يكون الوزن والقافية صحيحة :) وطفي الليتات بس ولعي الشموع ممكن لما يدخل البيت من الباب الرئيسي تربطين له عينه بشال وتمشينه الين مكان جلستكم سوي بوسترات بايدج ...خذي لوحة رسم بيضا وارسمي واكتبي كلام حلو لا تنسين توزيعين بلونات بالمكان ...تعطي جو حفلة وجهزي لعبة او مسابقة تلعبونها مع بعض وقت الكيكة ممكن تنادي اخواتك الصغاروامك وابوك وتشاركوه الفرحة وتتصورون صورة جماعية |
| الساعة الآن 04:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©