صمت الزوج
 

صار لي 3 سنوات متزوجة وزوجي انسان صامت وما يحب أسأله عن أي شي يخصه هو

وانا مستغربه كيف يبيني أهتم فيه
وكل ما أسأله عن سؤال مثلا انت فين
وين بتروح

وش تسوي

ما يجاوبني

حتى اني بصراحة صرت ما احب أسلوب الحياة اللي هو يبي يعيشنا فيها

هل في زوجة ما تسأل زوجها

كيف أتصرف معاه عشان يفضفض لي ويتكلم معاي ويناقشني

ويجاوب لما أسأله شئ

السلام عليكم ..


عزيزتي وهل الاهتمام ما يكون الا بهذه الأسئلة ..


ممكن تسألينه في أمور يهتم بها ... كالكرة ... كهوايه محببة له ...كالحديث عن انواع السيارات ...


لكن اذا كان ما يحب النوع هذا من الاسئلة ( ومن حقه ) وانتي تعلمين انه لا يحبها فلا تسأليه ..



غيري اسالتك وسترين الفرق بين زوجك بالمس وزوجك اليوم ...



الله يسعدك

حبيبتي الرجال ما يحبوا حد يسألهم وين رايح و وين جاي .. طبع الرجال يختلف تماما عن طبع الحريم..المرا لما يسألها ووين تروحي, شو تسويين, تستاانس و عبالها من باب الاهتمام و الحب.. اما الرجل, لو سالتيه حياخذها كاستجواب فمركز الشرطة ة عدم الثقه .. وما راح يحس انه من اهتمامك.. بالعكس, راح يتنرفز .. ثلاث سنوات مو شوي ! حاولي انك تفتحي مواضيع تهمه أو مهمه (شي فالاخبار مثلا :خاصة هالفترة الاخبار مليان), لو الموضوع مشوق هو راح يسولف معك .. بس توقفي عن الاسئله و كثري من السوالف اللي ممكن يشاركك فيها .. حاولي بعد انك تعطيه فرصه يتكلم , و لا تلمحيله اشيا مثل : ليش ما تكلمني؟ ايش فيك؟ سولف؟ شو سويت؟ .. اتي اتكلمي عن نفسك و اسكتي, يوم يوميين اسبوع شهرين, لين ما اهو يستحي على نفسه و يكلمك ..
اهتمامك فيه يمكن ياخذ اكثر من شكل .. اهتمامك بأكله , ملبسه, بيته, عياله, اهتمامك بنفسك, الخخخ, و مو ضروري من الاسئله .. عيشي حياتك حبيبتي, وهو راح يعيش فيها =)

ابحثي اولا عن هواياته

ركزي على اكثر هوايه يهواها

اقرأي عنها بحثي عن مواضيع وعن اخر الاخبار لها

ابدأي باسلوب المفاجاة

مثلا لو كان يحب الكرة على سبيل الفرض والمثال

تسألينه شفت اليوم شسوى الفريق الفلاني ابدع

يمكن يرد عليك بكلمة اي او شفت او كلمات بسيطة بس ماعليه انتي ارضي بالكلمة

الاسبوع الي بعده احتمال يصيروا كلمتين

الي بعده 3 واربع وهكاذا الين يصير حديث

ولكن قبل كل هذا تحيني الفرصة المناسبة لروقانه

وبعد انبهك لنقطة يمكن الي قلته لك مايناسب طبيعة زوجك ولا ينطبق عليه يمكن مايحب القرقرة واجد

فانتي اجمعي اكبر قدر ممكن من الاراءهنا والحلول وشوفي شنو الي تحسينه يناسب زوجك وابداي فيه

وعلشان تريحين بالك اتركيه عنك شوي لا تنشغلين فيه وايد

خلي تكون لك هواياتك وياحبذا تحاولين في هواية تكون قريبة لهواياته او يتقبلها علشان كل ماعملتين حاجة وريتنه يعطيج رايه وهكذا

تعلمي شلون تخلقين حوار

وتاخذين منه يلي تبين من الحوار بدون اسئله

اعذريني بس بالصراحة في الحوار كوني مراوغة ذكية وتلتقطين اي تسلل علشان تتعرفين اجوبة لاسئلتج ومنها تقدرين تحددين شخضيته بالبحث في النت من طبيعة اجوبته

وشوي شوي الا ماتعرفين علي طبيعته

بس ارجع واقولك هو يمكن طبيعته كذا

تركيبة الرجل تختلف عن تركيبة المرأة في التفكير والعواطف والاحاسيس

كلام الأخوات صحيح . . .

أبدأي معاه بالكلام عن هواياته والأمور التي يفضلها وحاولي الا تسألي عن خرجاته كثيراً . . .

وربي يوفقكم . .

حاولى ان تغيرى من معاملتك لة فى السؤال وعليكى بالصمت انت ايضا وحين يسئلك عن صمتك فحاولى ان تناقشية فى الموضوع وهو هيكون عندة نفس شعورك من الصمت بعد مانت تحاولى الصمت