كيكة غامقة روعة تذوب بالفم مثل الايس كريم
 

السلام عليكم ورحمة الله وبركاته.

جبت لكم كيكة روعة انا بسميها الكيكة السوداء.. وسهلة كتير وسريعة

اكلتها عند صديقة الي الله يذكرها بالخير وطار عقلي فيها.. واعطيت طريقتها لاختي وعملتها لزوجها وصار يحبها اكتر من اول.

واعطيت الطريقة لبنت حماي وهي عمرها ما عملت شي بالمطبخ ، راحت وعملتها واخوتها مدحوها كتير وصارت كل ما تزهق تروح عالمطبخ وتعملها.

ولو كنت بعرف اضيف صور للكيكة لاضفتلكم شكلها وخطواتها. بس ما بعرف ياريت اتدلوني..

ما راح اطول عليكم واليكم المقادير والطريقة..



المقادير:
4/3 كوب زيت مازولا
كوب ربع ماء
كوب سكر
4ملاعق كبيرة حليب بودرة
5 ملاعق كبيرة كاكاو غامق......> انتبهوا (في نوعين فاتح وغامق) وانا استخدم نوع (العلالي) او نوع (هتز)
3 بيضات
3 ملاعق صغيرة باكنج باودر
ملعقة صغيرة فانيلا
4/3 كوب دقبق



الطريقة:

في خلاط الكأس(مولينكس) نخلط كمية الزيت+كمية الماء+كوب سكر+كمية الحليب
+كمية الكاكاو.

2) نرفع جانبا 4/3 كمية المزيج ويوضع في الثلاجة، ويبقى ربع الكمية بالخلاط.

3)نضيف للخليط المتبقي 3 بيضات+كمية الباكنج باودر +الفانيلا+كمية الدقيق.
بخفق جيدا بالخلاط .

4) يسكب الخليط في بايركس مدهون بالزيت فقط. وتترك جانبا لترتاح مدة 10 دقائق.

5)في هذه الاثناء نحمي الفرن على درجة 180.

6) تدخل الفرن من 20_25 دقيقة ثم تترك لتبرد تماما.
وتقطع.

7) يسكب فوقها الخليط الذي وضعناه بالبراد وتترك قليلا لتتشرب سائل الكاكاو.

تقدم باردة مع القهوة..



بدي كل واحد جربها يعطيني رأيه
بالنتيجة . مش تنسوا

بالهنا

يعطيك العافيية
شكرا لك

الله يعافيكي ( عاشقة عيونه).. بس بدي ردك بعد التجربة

تسلم الايادي اختي

بس عندي استفسار ممكن توضحي لنا كم كوب ماء لانك ذكرتي (كوب ربع ) مش واضح يعني قصدك كوب وربع او ربع كوب

ولا يهمك يا عالية الاحساس.

( كوب و ربع ماء ) واسفة على الغلط بالكتابة

شكراً حبيبتي على التوضيح وان شاء الله اجربها قريباً .

الملعقة الكبيرة هي نفسها (ملعقة الطعام) ملعقة الاكل العادية.

مشكووره ويعطيج العافيه..