|
ساعدوني أرجوكم ... مشاكلي مع زوجي و أهله
السلام عليكم 00اتمنى منكم ان تجدو لمشكلتى حل انا متزوجة من اربع سنوات وانا اعيش بدمام واهلى
واهل زوجى برياض مشكلتى بدات من يوم حملت وانا فى خلاف بعد ماطحت بزوجي يغازال بلجوال وصارت مشكلة بعدهاا سويت المستحيل ليترك البنت اخذت رقمهاا وقمت و هاوشتها بعدين انقطع قعدناا فترة وطلعت من النفاس ولقيته مع قريبة له يتغزال بها بلكمبيوتر وصارت هوشة وتركهاا لان الموضوع حساس وخاف ينفضح عند اقربائه وبعدهاا استمرين وعلى ذا الحال كل فترة اطيح عليه بشى قفل جوالاته عنى قلت بكيفه احسن عموماا اهو ولد امه الوحيد وهى مهما سويت لها تكرهنى تبى ولدي وزوجي لهاا وتبينى اطلع من حياته و أبو زوجي شديد دايم يتداخل فينى انا ووالدة اذا نزالت عند اهلى برياض نعيش عند اهل زوجي اذا جيت اروح لاهلى يتدخل خالى فينى ويرفض يقوال مولازم كل يوم مع العلم انى مااروح الا يومين بلاسبوع الى نجى فيه وبعدها نسافر لدمام عموماا زوجي يقول مشكلتى معك انك طويلة لسان عنده ان الحرمة الى تناقش زوجها قليلة ادب لان امةماتتكلم مع ابوة واهو يبى يكون مثلهم انا عانيت من زوجى فهو إذا زعل يطول لسانه ويتلفظ ويهدد بذبح ويضرب بوحشية ياما ضربنى ولااقوال لاهلى واسافر لادمام وانا بطريق مدة 400 كيلو لايكون هناك حديثاا ابد بل انا احياناا ابكى من جواتى بحرقة انا احبه وهو ايضاا يقوال انه يحبني لاكن صارت مشكلة اخر مرة نزلانا لارياض وقال ابوة رح لدوام بعدين تعال وقعد يومين زيادة طيب يوم جاى يروح قلت له اوصلنى عند هلى وبكرة لين وصلت خذنى تدخل ابو زوجي ورفض وصارت هوشة وبكيت وبعدها يوم جاء وقف ابو زوجي وكلامنا وهوشنا وقال مولازم تروح ومن ذى الكلام رجعنا الدمام الا زوجي متغير على هاوشنا ويحبسنا عموما عزمتني جارتى وقلت له جارتي عازمتني ترى اليوم عندها قال مافيه روحة قلت ليش قال وراة ماتستاذنى ورفض انا بصارحة غلطت وقلت انا اجل اروح و أرجع ولاعادنى قايلة لك شفنى قلت لك ورفضت 000كبر هذى الكلامة وقفل الابواب واخذ جوالي وشهر حابسني انا و والدى ويهددنى بانه بينزالنى لرياض انا و ولدى ماعندى الا ولد عمرة سنة 0 وحبس نفسة طوال الشهر بمجلس الرجال ويقعد على الكمبيوتر ويغازال واسمعة يتكلم بلمايك وقعدنا شهر مع محاوالتي انه يرضى علينا بعدين وهو جاي من الدوم الا انا لابسة واستناة وراضيته وراح الرجال اخذ منى مايبى بعدين نام معنا بنفس الغرفة وبعد كذى ينوم معنا بس من الساعة 5 الفجر الين الظهر على الكمبيوتر ويقفل عليه بعدين يطلع وينام عندنا ويقول انا معادنى راجع لكم لاتحاولين انى ارجع لك مثل اول يطلع كل يوم مع زملاه من العصر الين الفجر ويدخل يقعد شوى مع والدة بعدين يحبس نفسة 000لمعلومة اهو مايقصر فى بيتة وكان اول حبوب وطيب مع انه كان يضرب ويهاوش الا اذا رضاء نسيت الى سواه اهو الحين يقول انا اكرهك ولاعاد تعنى لى شى واتمنى تنزالو لرياض الين ماارتاح واقوال تعالو 4 شهور على الاقل واهلى اعرفهم ماراح يرضو وراح تكبروانا ابى زوجي و ولدي كيف اقطعة من العادة السيئة وهو كلام البنات وقعدته بلمجلس وكيف ارجعه لي انا عمرى 25 وهو بعد كبرى بلعمر وهو وظيفتة كويسة و زملائه في الدوام خربانين وهو معهم دايم 0000انا ماقصرت معه بشى من لابس ونظافة ودلع وادالعة مثل والدى من الكلام والمعاملة اية انا عصبية بس اهو دايم يغلط ويقول انت الغلطانة وامشي واعتذر ونرجع اسفة على الطالة 000اعذرونى الإشراف/ عفواً تم تعديل العنوان ليتضح المضمون .. |
عزيزتي . .
بصراحة اطباع زوجك جداً سيئة روحي عند أهلك ولاتسألي عنه فترة طويلة خلية يحس بقيمتك . . . ماهي عيشة ولاحياة كل مين لحاله . . وألجأي لربك انو يسير لك أمرك . . . |
غاليتي :
قرات اسطرك وتعجبت كثيرا من مواقف ذكرتيها , فالملاحظ انكي لم تستطيعي ان تديري انتي وزوجك حياتكما وتدخلات الاهل واضحة في مساركما .... بداية من يوم حملك الى اخر ما حدث لك , فانتي تناسيتي ان حملك اثر على حياتك الزوجية وقد يكون زوجك من النوع الذي يرغب بالجنس بكثرة , فكان يبحث عنه حتى لو مجرد كلام من اخرى , وبدلا من ان تحضنينة اصبح الموضوع فضيحة وهواش وتقليل من القيمة , انا لا اقول زوجك لم يخطئ لكنك كنت شريكة بالخطأ .... ياغاليتي .. الرجل ان اراد ان يخون يستطيع ان يخون وانتي لا تعلمين , لكن نمي عنده الخوف من الله , هبيه حبك لكي يشعر بك في كل مكان ارفعي من قيمتة بنظرك ونظرة لان ذلك من الواضح انه يفتقدة معك , تعاملي معه كزوج وطفل وسيد واب وصديق ليس كابن طائش تريدين ان تربية !! لا تشعرية بصغر نفسه , وانك تتصيدين الاخطاء عليه وربما تفضحينه, لانه وقتها قد يخاف علمك للفضيحه ليس لحبه لك وخوفه من فقدك تدخل ابو زوجك خطاء زوجك لكنك يجب ان تتعاملي مع الامر بهدوء وحسن تصرف لا تتصرفين كطفله هوجا تغضب وتصرخ وتعاند , لا ياعزيزتي ان اردتي كسب زوجك هبيه الاحترام واشعريه باحترامك لاهله وحبك لهم , ان مارستي التلفظ والصراخ معهم فلا تلومينهم في معاندتك , ناقشي لكن برويه واحترام ووقت هدوء زوجك حتى لا يثور عليك ويرفض الاستماع اليك بحجة انك زوجه غير مطيعة او لا تحترم احد . .... حاولي كسب زوجك ولا تجعلية يستخدم معك اسلوب التهديد والرضوخ والحرمان , اطلبي منه ان اردتي المكوث عند اهلك من قبل ان تسافروا اليهم ان يسمح لك ووضحي له انك تشتاقين لجلوسهم وذكرياتك معهم , ولا تنسي زيارة اهله خلالها وجلب بعض الهدايا البسيطة لهم لكسب ودهم .. اظهري الاحترام لعمك وام زوجك و احترمي زوجك جيدا امام الجميع ... تأثير الاصدقاء لابد منه مدام يعيش بينهم لكن حاولي ان يجد البديل وحاولي كسبه حتى يمكث عندك اطول فترة ممكنه ... ادعي الله كثيرا وتوكلي عليه لانه هو الحافظ ... ابدئي باصلاح نفسك ثم ابدئي بالتغير في زوجك وستجدينه ان شاء الله افضل مما تتمنين ... اخيرا اسفة جدا على الاطاله وعلى قسوتي معك في الاسلوب لكني والله ما اردت الا مصلحتك , وفقك الله وصلح حالك واسعدك . |
واضح من مقالك اسمحي لي انك لا تعلمين كيف تتصرفين مع المشاكل فعمر الخطا لا يعالج بخطا اكبر منه حاولي ان لا تكونين سلبيه وان الزم ما على المراه كرامتها فان لم تحفضيها لن يحفضها هو لك قد يكون حبوب وطيب ولكن انتي من ضيعه من رده افعالك اذ لم يحترم وجودك بالمنزل وتقديرك فالحياه بدونه اسلم
|
مشكورة توتة 00وبحريننا وقمرالنساء على مروركم00حبيت اوضح للك ياقمر النساءم لان ناحية الجنس لاو الله الا يااخذ اكثر من الايام قبل لااحمل وكنت اتحمل بكونى سوف اذهب عند اهلى عند ولادتى والفترة وكنت اتحمل الام وليست هذى مشكلة 000وهو لاينتقدنى بشى والحمد لله بس من ناحية اسلوب00ومن ناحية نومى عند اهلى يرفضة بقوالة وشو فايدة نومك عند اهللك جبيى للى فايدة قلتلة يكفى انى اسهر مع اخوانى واقوم معهم اتغدى ومن ذى الكلام 00انا تعبت و
وكل النصايح اللى جتنى انى اروج لاهلى لاين يعرف قيمتى ويدرى انى اقدر استغنى عنة اذا خاننى 00وش رايكم |
| الساعة الآن 07:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©