|
نفسية محبطة ومستوى منخفض وسن مبكر فهل يتغير مع الزواج ؟؟
الـــســـلام عـلـيكم ...
اعزائي الأعضاء عندي موضوع وودي انتاقش معاكم فيه لو مثلا شااب 19 سنة ويدرس في اول سنة بلجامعة والمستوى الدراسي منخفض والنفسيه محبطة وقلق وتفكير ليل نهار في المستقبل ووو يعني امور الشباب ... ألخ تتوقعون لو اتزوج ممكن يتغير الحال ولو ناوي الزواج تتوقعون احد يقبل فيه وهوا طالب في الجامعة ياريت تناقشونا في الموضوع وفي انتظار مشاركاتكم ... :28: الاشراف : تم تغيير العنوان , بالتوفيق . |
اعتقد انة 19 سنة لسة بدري شووي لانة غير موظف وما كون مستقبلة بس يعني يشد حيلوو ويستنى سنة او سنتين ومو شرط يخلص جامعة لو يلقى وظيفة بسيطة ((مثل وحدة من صحباتي هي تدرس بالجامعة وزوجها كمان يدرس وما شاء الله قريبا راح يرزقوا بمولود:17: وبالتوفيق يارب:14: |
اقتباس:
مشكوورة اختي على المشاركة الطيبه :22: وصحيح كلامك لابد يدور على وظيفه حتى لو بسيطه شكرا ... :17: |
دور لك وظيفة بعد العصر ولا تقول ما لقيت ترا الوظايف ماليه البلد واتزوج ترا الزواج استقرار وسبحان الله يفتح ابواب الرزق اذا كانت نيتك طيبة
|
ممكن يا أخي انك تتزوج في هذا السن عادي، اذا كان حالتك الماديه زينه يعني ابوك يقدر يسكنك ويصرف عليك الا ان تتخرج وتتوظف
كثير من العائلات المقتدره تسوي كذا عندي أخوين زوجناهم والحمد لله واحد عمره عشرين والثاني واحد وعشرين والحمد لله لهم الحين سنه |
وعليكم السلام والرحمه ...
النفسيه المحطّمه والإكتئاب والتهور وأمور الشباب لن تفتح بيتا ً !!! فالموضوع ياأخي يعتمد على عدة نواحي : هناك شباب أعمارهم صغيره وعقولهم أصغر !! وهناك من تعتمد عليه وأنت مغمض العينين !! ... إذن في البداية هل هو رزين وعاقل ؟؟ هل ينظر للزواج على أنه زواج وليس وسيلة شرعيه لأشباع الرغبات؟؟ ثانيا ً : النواحي المادية ... مصاريف وتكاليف الزواج ... هل هو قادر على تحمل ذلك؟؟ ثالثا ً : مصاريف مابعد ذلك .. البيت , نفقة الزوجه , الأولاد مستقبلا ً ... هل لديه القدره على ذلك؟؟ رابعا ً :القدره على الموازنه بين الحياة الزوجية وتحمل المسئوليه وإعطاء الزوجه حقها وحياة الشباب بما أنه في مقتبل العمر فمن المؤكد ان لديه إهتمامات كثيره بعيده عن المسئوليات ... إذا كانت لديه القدره على ما سبق فهو آهل للزواج وسيجد من يزوجه بإذن الله ... وفقنا الله وإيّاكم ... |
الاشراف: ينقل إلى مكانه المناسب (عالم المقبلين على الزواج)
|
تعبت اعطي , الاوزون , ام الطاحوس
مشكورييين على تفاعلكم وابداء آرائكم وان شاء الله الله ييسرله الي فيه الخير والصلاح وبنسبه للأمور المادية يعني مقتدرين الى حد ما والحمد لله وبنسبة للعقل فهوا شخصية جادهـ ويحسبها بلعقل والمنطق وان شاء الله بيكون قداها والله يريح القلوب والخواطر :17::17::17: |
بدرررررررري يارجال هاليومين ..
الدنيا نااااااااااااااااااار وبعدين الزواج مسؤليه ... حبيبي انت اعلم بنفسك منا ... شاااااااااااااااااور .. والنفسيه ماهي متعدله بالعرس ... الله يوفقك للخير .. |
هو المشكلة مش فيه
المشكلة حيخطب وحدة عندها كام سنة ؟ يعني مش معقول يخطب وحدة عندها 14 أو 16 , حتكون صغيرة جدا يعني لو حابب و قادر ممكن يخطب وحدة أقل شيء 17 سنة و يستنا عليها تتخرج من الثانوي و بعدين يتجوز أو ياخد وحدة في جامعة زيه و يريح نفسه من مشاكل الثانوية |
| الساعة الآن 07:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©