|
ليه لما تعصبين تقولين له طلقني؟
السلام عليكم
في احد المنتديات قرأت موضوع كم مرة طلبتي الطلاق من زوجك ولما قريته اقشعر بدني وطارت عيوني اغلبهم طلبو الطلاق اكثر من مرة في لحظات غضب والله استحيت وانا اقرا اقول مافيه وحدة عاقلة؟ والحمدالله طلعو ينعدون عالاصابع يمكن ثنيتن ماني متذكرة بالضبط؟ والله بصراحة لما قريت ردود اغلب الاخوات قلت يارب لك الحمد سبحان الله هم لما يعصبون يقولونها انا لما يعصب زوجي اخاف يقولها ههههههههههههه استغرب من بعضهم لما تزعل تقول ودني لاهلي؟ ليه ياختي وبيت زوجك موبيتك؟ روحة بيت اهلك يااختي الكريمة اذا الموضوع ماينسكت عليه مثل شرب ضرب لاقدر الله مو هوشة واختلاف وجهات نظر زوجي احيانا يمزح يقولي لو تقهرني وتعانديني بهالموضوع بيت اهلك طيران << عارفة انه يمزح بس مرة اتضايق ليه؟ لاني انقهر خلاص انا لك الان ماني لاهلي بس طبعا ماقول عشان مايحسبني ضايعة علومي عليه ههههههههه ومرة قالي يمكن يجي يوم وتزعلين وتروحين بيت اهلك قلت لااااااااااايمكن الا اذا لاقدر الله شي ماينسكت عليه هذا بيتي وماطلع منه لو اييييييييش يااخواتي والله من جد لو صار اللي صار كلمة طلقني لاتنطقينها شلون تقولينها لواحد عايشة بعزه وبحبه وسندك بهالدنيا بس عشان لحظة غضب؟ يعقل؟ اذا عصبتي اسكتيييييي تماسكي الين يهدا زوجك بعد مايهدا طلعي اسلحتك ههههههههه بس بأسلوب أنثوي وشوفي كيف تصير نهاية زعلتكم تحمست بعد ماقريت موضوع كم مرة طلبتي الطلاق وحطيت حرتي فيكم ههههههههه الله يخلي كل زوجة لزوجها ولايفرقهم ابداا |
تدري ياشوشو ,,
مو بس طلب الطلاق ,, مجرد تركها لبيت زوجها وروحتها لبيت أهلها هذا الغلط بعينه مجرد ماطلعت المشكلة من بينهم ووصلت لغيرهم بغض النظر كانو أهله أو أهلها هذا غلط كبير لانه المشكلة لو كانت بسيطة يمكن التعامل معها بس بهدوء وروقان طالما طلعت بره البيت كبرت وكبر راس كل واحد فيهم وكلمة من هنا وكلمة من هناك رح تكبر وتكبر وتكبر وبالعكس ممكن يزيد عناد كل واحد فيهم طبعا انا اتكلم عن بعض الحالات والله يصلح حال الجميع ,,, ربي يحرس قلبك ويجمع بينك وزوجك ع الخير والمحبة ويبعد عنكم شر المشاكل والهموم ويآلف بين قلبوكم ,,, ويصلح ما بينكم ولا يوريكم مكروه بحياتكم |
يسلمو لي الناس العاقلين
بتصدقي ولا مرة رحت بيت أهلي زعلانة اساسا لأحجز وشوف اول طائرة بكون صرت رايقة :) أحلى شي بالغربة هو إحساسك انو ما إلك حدا غير زوجك من غير شر على أهلك هو صحيح الرجال بيجيبو جلطة وكل انواع السكري والضغط والاعصاب بس يا له نصبر ونحتسب الاجر ونجمع شوية الحسنات وربنا بيجزي الصابرين الله يطعمك بأحسن مما تتمني وزيادة أم وليد |
هلا والله زمان عنك ياعسل كلامك صح لابد من التأني لان الطلب هذا ما يدخل فيه مزح سلمت يداك والله يوفقك دنيا واخرة
|
مرة وصلت أموري مع زوجي حددددددددددددددددها ..
قلت له ولأول مرة أقولها بعد تقريبا ست سنوات زواج ودني بيت هلي .. وكان الوقت نص الليل .. قال لي إن رحتي مالك رجعة .. قلت له ومن قال أصلا برجع لك ..!!!!!! قال بكرة من الصبح أروح أحجز لك وتذكري روحتك بلا ردة .. ثاني يوم .. لما فقت الصبح قومته .. قلت له يالله قوم أحجز لي وشوف لي أقرب رحلة .... وكنت مجهزة شنطتي من الليل ..<<<<<<<< قوية صح .. طلع من البيت واتصل .. قال أنا عند السفريات تذكري ماراح ترجعين . قلت له أحسن .. وأتصل بأبوي عشان يتأكد .. وابوي كلمني .. قلت لأبوي قول له يحجز خلاص اللي بيني وبينه أنتهى .. ورحت خبرت أمه إني خلاص مسافرة وماراح أرجع .. راحت أمه من وراي اتصلت به وخلته يرجع بدون مايحجز لي .. وعطته من الكلام القوي خليته يجيني يعتذر وعيونه تتلامع يبي يبكي .. وهو كان منننننننصدم على باله باهون عن السفر .. بس ماكان يدري إن كثر الضغط يولد الأنفجار .. وحس من بعدها إني مو كل شي باستحمله منه .. بعد هالموضوع تغير <<<<< ( شوي ) عشان ما أبالغ .. لكن لو في كل مشكلة وفي كل موقف الزوجة تقول طلقني .. أخذني عند هلي .. مابيك .. والله يبيعها ببلاش مو برخيص .. |
هلا حبيبتي شوبارد
والله كلامك عين العقل ومعك حق في كل كلامك والله يبعد عنا جميعا الزعل ويحلي أيامنا بالسعادة والفرح & |
ربنا يعين الزوجات
وهذه الكلمه محرمه شرعا ان المراءه تطلب الطلاق بدون داااااااااااعى وسلاح الانثى ليس بتهديد بطلب الطلاق لان هناك رجال عصبين جدا وومكن فعلا يطلقها فى لحظة غضب |
ربنا يغفر لي و يساعدني أمسك لساني في ساعات الغضب, ادعي لي أختي شوبارد
|
بصراحه اعتقد ان هالموضوع سبب طلاقات كثير بداعي او غير داعي لان الدعوه تصير تحدي والرجل عنده كبرياء وشموخ وينظر ان هالشيء تحدي له ولرجولته ويطلق فعلاا... الله يوفقك الجميع ويجمع كل زوج بزوجته على طاعته
|
لكن لو في كل مشكلة وفي كل موقف الزوجة تقول طلقني .. أخذني عند هلي .. مابيك ..
والله يبيعها ببلاش مو برخيص ..[/color][/QUOTE] معاك حق بحرينية.. وانا اشوف ان المرأة لما تقول هالكلمة تبي تبين انه تقدر تستغني عن زوجها وحياتها عادي بدونه.. ما تدري ان كثير من الرجال يحط كرامته قبلها ويسويها؟؟ |
| الساعة الآن 01:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©