السلام عليكم ورحمة الله

اصدقائي الاعزاء أنا من اقدم المتابعين لهذا المنتدى الرائع ولكني مقله في المشاركات سامحوني.
بصراحه عندي مشكله متعبتني وهي اني احس اني صرت اكره شخصيتي واتمنى اغيرها والسبب الناس الي حولي . مشكله لما اقرب الناس لك يستغل طيبتك يمكن المشكله فيني انا دايما اتغاضى عن الاشياء البسيطه الي تضايقني من الناس الي احبهم بس المشكله انهم صارو يعتبرون سكوتي اني راضيه او مبسوطه وانهم ناس كاملين ما يغلطون فصاروا يتمادون في الغلط بالعكس ممكن يقلبون المشكله علي وكاني انا الغلطانه . اخواني انا الحمد لله كنت راضيه وصابره ومكبره عقلي واكره المهاترات وكثرة الحكي ويكفيني احس ان الي قدامي ندمان والله انسى كل شي . بس المشكله الحين صارت تتعبني مع زوجي في البدايه كان اذا حس اني تضايقت على طول يتراجع وانا والله انسى الموضوع بس الحين صار مره ما يهتم والله نفسيتي مره تعبانه اقول
يمكن يظن مدام انا ساكته وما اسوي مشاكل اني ضعيفه او ما اقدر اخذ حقي فيستقوي علي وضامن اني ماراح اقصر عليه ؟
او يكمن مل من؟
او يظن مدام انا ساكته فانا مو محتاجه شي وان هو انسان كامل ما يقصر ؟
احس نفسي مره متضايقه وحاسه بوحده قاتله ما صار عندي ثقه باحد في هالدنيا.