|
عطوني حل لمشكلتي
مرحبا
يا اخواني كلما حاولت انسى خيانة زوجي والتي مرت عليها حوالي نصف سنة أحس بأني ما قادره أتذكر الصور واشكال البنات اللي كانو يرقصو وغيرها وغيرها حاولت ابدأ صفحه جديده بس ما قدرت انسى وحتى لما اسمع من زوجي أي كلمه رومانسية ما أصدقها طبعا أنا ما فاتحته بالموضوع مره ثانية بعد ماناقشناه ف وقته أحس نفسي خايفه اني أكون زوجه فاشله ضيعت زوجي |
حبيبتي الشيطان هوا اللي بيذكرك بهذه الخيانه
انسي تماما وتعوذي من ابليس وافتحي مع زوجك صفحه جديده وادعيله بالهداية والثبات الله يهدي زوجك ويحفظه من الشيطان |
اختي الغالية اعانك الله وصبرك وربط على قلبك ..
الخيانة جرح غاااااااائر يصعب التئامه وانا اشعر بشعورك واتفهمه .. لكن اخيتي هل جربت تلتجئي الى ربك والناس نيام ارفعي اكفك بالدعاء لكم وان يجعلك سكرة في فمه وان يجري حبك في قلبه مجرى الدم ؟؟ وان لايجعل له حظا مع غيرك اكثري الاستغفار ثم الاستغفار ثم الاستغفار وعسى الله ان يبعد عنك هذه الغمة وعلى فكرة ليس شرطا ان يكون العيب من الزوجة عندما يخون الزوج وتذكري لست اول ولا اخر امراة يخونها زوجها وبالعكس لايخون الا من كانت زوجته من افضل النساء .. اجلسي معه جلسة هااااااادئة ورومانسية واساليه ماذا ينقصه وماذايريد باسلوب لبق وجددي في حياتك كل شئ وفقك الله واعانك.. |
انتي توكلي على الله
وهذا الشيطان يحاول يخرب بيتك بهذة الافكار واحمدي ربك زوجك رجعلك |
أشكركن أخواتي ع طيب الكلام وحلو النصح
أنا الحين دايم ادعيله بس المصيبه ان يخبي عني أشيا تصدقو في مره فتحت جواله وأحصل واحد من ربعه يسأله عن رقم بنت وانه محتاجلها ضروري لسهره حلوه ومره بعد سأله عن أحلى مكان لسهره وبنات أنا تعبت وصارحته ف هالرسايل بس حط اللوم ع صديقه وانه نازعه بعدين وقاله أنا ما قواد وحصلت رساله لواحد يريد يعزمه ع شراب وأنا أتحمل ع الرغم انه يحلف لي انه ما حب غيري ولا بيتزوج غيري بس أنا أحس اني لا قادره أصدقه ولا قادره أكذبه أنا أحبه بس مرات أحس انه يمثل علي بحبه ع الرغم انه طيب بس ما أدري أحس اني تعبانة نفسيا |
الله يكون في عونك ويصبرك ماافي يااختي زوجه تحب زوجها تقدر تنسى الجرح الي فيها بس مالك غير الدعاء له بالهدايه ويعصم قلبه من شهوات الدنيا والتعب الي انتي فيه ماهو الاوسواس الشيطان والله يهدي زوجك ويسخر قلبه لكي
|
والله يا اختي الخيانه مهما اقول عنها صعبه و مرّه و مؤلمه .. لكن ما يحس بالنار اللا واطيها .. بالنسبه للنسيان هذا الشي يحتاج الي وقت .. وهذا الوقت او الزمن للنسيان يختلف من امرأه لاخرى .. اهم شي انك تكوني سامحتيه .. ولكن كيف لك ان تسامحيه و انت كل فتره والثانيه تفتشين في جواله و تشوفين مثل هذه الرسائل المؤلمه من اصدقاء السوء .. اكيد راح يتجدد عليك الشك و الجرح والحزن و الالم .. وش اقول لك اختي .. لا تفتشين في جواله ؟؟ ادري بتقولين لي صعب .. ولكن نتيجة التفتيش هي اللي راح تخليك على طوول عايشه في حالة شك .. ربي يربط على قلبك .. |
عليج بالذكر حبيبتي
ادري صعبه جدا جدا انج تنسين بس مدام ناقشتو و الريال صلح من نفسه لا تخسرين حياتج و ترا هذا بليس قاعد يوسوس لج عدل عللييج بالذكر و الصلاة و الدعاء انج تتاقلمين و تردين مثل اول و احسن :) |
مشكورات خواتي
وان شالله بحاول ما افتش ف جواله بس خايفه من سفراته ولاسيما انه يحب يطلع مع ربعه أكثر مادري ليش؟ اريد احبب زوجي ف الطلعه معاي وأكرهه ف الاعمال اللي ماترضي الله بس أحس انه بنات السوء ف كل بلد فأخاف |
حاولي تغيرين صحبته السيئة...
الله يسخره لك .. |
| الساعة الآن 01:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©