|
زوجي مايحب نسافر لوحدنا لازم ياخذ معنا ناس!
من يوم تزوجنا ماأذكر سافرنا لوحدنا إلا شهر العسل !!!!!!
طبعا والسفر للعمره فقط غير كذا زوجي يحب إننا نسافر مع ناس يعني أول صيفية لنا أخذ عمته وثاني صيفية أخذ إخته وزوجها وثالث سفره أقنع زوج إختي إنه سيافر معانا وعلى هذا الحال طيلة ست سنوات ......... :21:هناك طبعا أكون أنا مع الحريم وهو مع الرجال!!! أنا أحب الناس والله وعلاقتي بأهله رائعة يحبووووني موت وانا بعد بس من حقي انبسط أنا وزوجي لحالنا بالسفر نتمشى ونضحك وننبسط بدون رسميات... يمكن يتبادر لأذهانكم إني نكديه ومااوسع الصدر .. بس العكس تماما وبشهادة اهله يقولون مافيه احسن منك بالسفر وقت المزح امزح وقت الشغل اشتغل ولا احب اتسّوق كثير او آخذ منه مصاريف زياده أقول السفر متعه للعين وراحة للنفس وماله داعي اشتري وفي السفر أهتم جدا بأناقتي طول اليوم وآخذ معاي كل الكماليات اللي تسوي اجواء حلوه من شموع وعطر ستائر وأنواع القهوه والبهارات اللي يحبها زوجي السنه الماضيه قررت إني مااسافر مع أحد حتى لو أمي ... والآن زوجي أخذ إجازه وأهله مخططين يسافرون لمنطقة سياحية في أواخر إجازتنا قلتله خلاص نروح بس بما إن إجازتك بدأت ولسى باقي وقت على سفر أهلك خلينا نسافر سفره سريعه لوحدنا لأي دوله قريبه.. وعدني إنه يفكر والآن صدمني يقول مارح نسافر إلا مع أهلي أنا من حقي انبسط بجمعة أهلي ووووو زعلت ... وحزنت ... أنا حريصة إني أسافر معاة ونعيش أحلا أيام وهو حريص إنه يرميني وسط الناس وهو ينبسط لحاله يطلع ويدخل على راحته.... وش اسوي ياناس؟ أنا قلتله سافر لحالك مع أهلك مدامك تنبسط معهم أنا مالي داعي.. تدرون وش قال ؟؟؟؟ قال إذا حابه تجين حياك الله وإذا ماانتِ حابه على راحتك!!!! حزينه والله أحس إن هم عمله وعصبيته على راسي طول السنه ووقت راحته وروقانه يتمتع فيه مع غيري... ظلم ... ظلم ... ظلم |
احمدي ربك انه بياخذك ... انا زوجي يبي يسافر لحاله مع اصحابه .
|
اقول الاتنكدي على نفسك سافري ونبسطي مع ناس او لحالك
المهم انك تغيري جو والله الرجال ماهمهم لا نفسهم الحال من بعضة بس اليد اللي ماتقدر عليها صافحها والزين ان اللي عندك يحبونك احمدي الله احس من غيرك تسافر مع ناس ماتلقى اللي يكلمها ......... |
هههههههههه
الله يصبرنا على الرجال شو نعمل نصيحه سافري واستمتعي وما تحطي ببالك والا ما ينوبك الا الضغط والسكري وبالاخير يروح يتزوج انتي الوحيده اللي بيدك تسعدي نفسك ياما نساء تصبغ شعرها ولا يشوف ولا يكلف نفسو انو يشوفو او يقول جميل او بشع او نساء تتفاجئ بسفر زوجها لحظة السفر الله يصبرنا |
غاليتي مثل ماقالت أحد الأخوات لاتنكدي على نفسك وسافري حتى لو معاك أحد
والله فيه ناس من زواجهم ماسافروا لا مع زوجهم ولا مع غيره محرومين بقوة ولهم سنوات طويلة متزوجين على الأقل أنتي تسافري وتغيري جو ومايمنع إنك بعض الأحيان تطلبين منه تطلعون لو طلعة خفيفة مع بعض مرات لما نسافر إحنا ومجموعة نحدد لنا أوقات كل واحد يطلع لوحده للمكان اللي يبغاه جربي معاه هذي الطريقة ولو رفض لا تنكدين على نفسك واستمتعي بكل لحظة من وقتك وحسسيه إنك مبسوطة الله يسعدك قلبي ويسهل أمرك |
طيب فيه حل سهل
سافروا مع الناس واقترحي على زوجك يتفق مع الناس اللي يروحون معكم انكم تخصصون يوم يكون مخصص كل واحد يقضي يومه مع زوجته واللي يروح معكم يقضي وقته مع زوجته وخلاص طلعي كل اللي عندك واللي براسك لزوجك في هذا اليوم وبعدها ارجعوا واجتمعوا مع اللي سافروا معكم وبالتوفيق |
اقتباس:
شكرا اختي بس انا مابيه ياخذني تحصيل حاصل ((( برغي طايح )))... الله يسخر لك زوجك ويسخرلي السيد اللي عندي:30: |
أقترح انك تصارحينه بالموضوع قولي له أبغي أسافر أنا و أنت و بس يا حياتي, أبغي نقضي أيام مثل أيام شهر العسل
ما فيها شيء, أنا كان زوجي كلما أردنا الخروج يقول لي نأخد فلان او فلانة, كنت أوافق و لكن صارحته مرة أنني أحب أن نخرج لوحدنا لم يمانع اطلاقا, المشكلة كانت أنه ما جاش في بالو أبدا انني أرغب بكده و أصبحنا نخرج لوحدنا و في بعض الأحيان أنا التي أقترح أن نأخد معنا أحد من عائلته. صارحيه يا أختي فمن المحتمل جدا انه مش واخد بالو, و مش عارف انك بتتضايقين لما بتسافروا مع أشخاص آخرين في كل مرة |
السديم 14
الله يعطيك العافيه والله ماعاد لي نفس اروح لامعاه ولا مع غيره |
علا 1
شكرا ياغاليه صادقة المفروض ادور وناستي مثله وانا قلتله في نهاية النقاش ترى اهلك اونس منك بالسفر وقعدة امك ماتنمل مومثلك يا ساكت ياتشرب ارجيله |
| الساعة الآن 10:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©