هل احذر خطيبي من صاحبه؟؟
 

السلام عليكم
انا مش عارفه ابدا منين بس هحكى الحكاية بالتفصيل علشان كل حاجة تكون واضحه قدامكوا

انا كان متقدملى واحد ورفضتة لانة غير مناسب من كلة
والشاب هذا لة واحد صاحبة جاامد قوى وبعدين انا اتقدملى واحد تانى مناسب فوافقنا عليه وهو خطيبى حاليا
خطيبى دة مش من نفس قريتى واشتغل عندنا ف البلد واتصاحب مع صاحب الشاب وبقوا اصحاب جداااا وخطيبى كان وصى الشاب هذا انة يفاتحنا ف موضوع الخطوبة بس هو لم يرضى يفاتحنا علشان كان عنده علم ان صحبة متقدم لى
المهم الشاب اللى انا رفضتة سافر لخارج مصر واصبح خطيبى وصاحب الشاب اصحاب جداااااا
الشاب اللى سافر بعت لصاحبة علشان يسافرلة
وهو هناك قال كلام مش كويس عن خطيبى قال ان صيدليتة مش بتاعته لوحدة وانة بيشرب وبيتعاطى مخدرات وكلام من دة والولد دة اصلا اتهم ف قضايا سرقة كتيرة لما سافر برة وخطيبى عرف الحكاية دى بس يبغى يتاكد الاول علشان مايظلم لانة لسة مشكوك فيه بس مايعرف الكلام اللى قاله عليه
وانا خطيبى مش كدة خالص
الشاب اللى انا رفضتة قال لصاحب اخوية الكلام دة وصاحب اخويا قال لاخوية
يعنى الغرض هى ان الجوازمايتم وبكدة صاحب خطيبى طلع انسان مش كويس وغدااااار


فانا سؤالى
المفروض عليا ان اقول لخطيبى واحذرة ولا لااتدخل بينهم بينهم ولا اعمل ايه؟؟؟؟


ياريت تساعدونى

الاشراف تم تعديل العنوان
وكمانرجو منك الابتعاد عن اللهجه المحليه ليتسنى للاعضاء فهمك

بصراحة احتجت أقرأ مشكلتك لأكثر من مرة حتى افهمها. ياريت تصيغيها باختصار وبشكل افضل حتى تجدى التفاعل المطلوب. طبعا انتى من واجبك انك تنبهيه ولكن بشكل غير مبالغ فية حتى لا يعند.

لازم تخبريه

طالما انك متأكده انو مش بالوصف اللي وصفوه


لازم يعرف انو في حد يحفر له ليوقعو

شكرا لمشاركتك
بس انا مش لاقية كلمة تحرير علشان اعدلة
عموما شكرا ليكى

أكيد لازم تحذريه وتقولين له
يخلي باله من إلي حوليه

تحياتي

متشكرة اوى
ان شاء الله هحاول وربنا يقدم اللى فية الخير

قوليله طبعا
قبل ما يغدروا بيكِ و يقولوا عنك كلام مش كويس زي ما عملوا معاه

شكرا ليكى اختى نوران
لفتى نظرى لحاجة مهمه قوى مجتش ف بالى
ودة اللى اتعودنا علية منك

لم جيدا ما كتبيبته ياليت تكتبين بافصحى مره ثانيه
ادعي الله ان يرد كيد اعدائك في نحورهم
ادعي قبيل الفجر واكثري من الأستغفار وتصدقي ولو بالقليل
واذا تقدري تحذريه حذريه لكن باسلوب غير شديد لا اعلم كيف اسالي اهل الخبره هنا
الله يكفيك شر الحساد